[᭑᭘ 18B]
᭑᭘
ᬳᭂᬩᭂᬢ᭄ᬫᬳᭂᬍᬳᬦ᭄᭞ᬩᬦ᭄ᬤᬶᬮ᭄ᬧᬦ᭄ᬤᬦ᭄ᬫᬗᬶᬤᭂᬭᬶᬦ᭄᭞ᬬᬗᬋᬫ᭄ᬩᬸᬦ᭄᭞ᬢ᭄ᬯᬭᬳᬤᬮᬶᬲᬶᬓ᭄ᬳᬫ᭄ᬩᬄ᭟ᬳᬶᬚᬧᬢ᭄ᬯᬦ᭄ᬳᬗᬸᬘᬧ᭄᭞ᬭᬶᬂᬕᬦᬾᬳᬦ᭄ᬳᬸᬗ᭄ᬲᬶᬦ᭄ᬩᭂᬮᬶ᭞ᬳ
ᬭᬶᬦ᭄ᬤᬦᬾᬫᬲᬲᬗᬶᬸᬫ᭄ᬩᬢ᭄᭞ᬗᬸᬤᬓ᭄ᬫᬗᬫᬃᬕ᭄ᬕᬶᬦᬶᬦ᭄᭞ᬳᭂᬦ᭄ᬢᭀᬚᬸᬭᬂᬩᬢᬸᬳᬤᬶ᭞ᬳᭂᬜ᭄ᬘᬾᬦ᭄ᬕ᭄ᬭᬕᬲ᭄ᬳᭂᬜ᭄ᬘᬾᬦ᭄ᬢᬸᬯᬸᬢ᭄᭞ᬭᬓᬦ᭄ᬤᬦᬾᬫᬮᬶᬄᬗᬸᬘᬧ᭄᭞
ᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄ᬢᬸᬢᬸᬢᬶᬦ᭄᭞ᬕ᭄ᬮᬶᬲ᭄ᬮᬸᬫᬓᬸ᭞ᬤᬤᬶᬬᬕᬮᬗᬧᬤᬂ᭟ᬲᬫ᭄ᬧᬸᬦ᭄ᬳᭂᬤᭀᬄᬬᬮᬸᬫᬫ᭄ᬧᬄ᭞ᬓᬢᭀᬦ᭄ᬩᬮᬾᬧ᭄ᬮᬶᬓ᭄ᬩᭂᬘᬶᬓ᭄᭞ᬫᬪᬸᬱᬡ
ᬲᬃᬯ᭄ᬯᬳᬾᬦ᭄ᬤᬄ᭞ᬕᬕᬦ᭄ᬢᬸᬭᬲ᭄ᬮᬶᬂᬦ᭄ᬬᬵᬭᬶᬲ᭄᭞ᬳᭂᬦ᭄ᬢᭀᬢᬾᬳᬧᬩ᭄ᬮᬶᬳᬤᬶ᭞ᬫᬶᬭᬶᬩ᭄ᬯᬾᬤᬦ᭄ᬤᬲᬂᬯᬶᬓᬸ᭞ᬲᬮᭀᬓᬲ᭄ᬬᬸᬢᬶᬗᭂᬋᬂ᭞ᬫᬸᬜᬶᬦ᭄ᬕᭂᬦ᭄ᬢ
[᭑᭙ 19A]
ᬦᬸᬭᬶᬦᬶᬂ᭞ᬢ᭄ᬯᬶᬢᬦ᭄ᬤ᭄ᬭᬸᬄ᭞ᬩ᭄ᬮᬶᬫᬗ᭄ᬤᬾᬲᬳᬸᬦᬶᬗ᭟ᬳᬶᬚᬧᬢ᭄ᬯᬦ᭄ᬳᬗᬸᬘᬧ᭄᭞ᬦᬶᬓᬳᬶᬤᬳ᭄ᬬᬂᬯᬺᬲ᭄ᬧᬢᬶ᭞ᬗᬸᬜ᭄ᬘᬭᬂᬯᬾᬤᬳᬶᬭᬶᬓ᭞ᬦᬸᬦᬲ᭄ᬓᬾᬩ᭄ᬮᬶᬦᬾᬫᬗ᭄ᬓᬶᬦ᭄᭞
ᬫ᭄ᬤᭂᬓ᭄ᬪᬕᬯᬦ᭄ᬯ᭄ᬭᬲ᭄ᬧᬢᬶ᭞ᬦᬸᬦᬲ᭄ᬩᬜᬸᬦ᭄ᬘᭀᬓᭀᬃᬤᬶᬢᬸ᭞ᬲᬕᬾᬢ᭄ᬳᬶᬤᬯᬸᬲ᭄ᬫᬯᬾᬤ᭞ᬚᬧᬢ᭄ᬯᬦ᭄ᬬᬧ᭄ᬭᬧ᭄ᬢᬶ᭞ᬬᬫᬮᬸᬗ᭄ᬕᬸᬄ᭞ᬲᬳᬲᭂᬫ᭄ᬩᬄᬦᬸᬦ
ᬲ᭄ᬮᬸᬕ᭄ᬭ᭟ᬳᬶᬤᬪᬕᬯᬦ᭄ᬗᬦ᭄ᬤᬶᬓ᭞ᬢᬦ᭄ᬯ᭄ᬭᬸᬄᬩᬧᬭᬶᬂᬘ᭄ᬦᬶᬂ᭞ᬳᬢ᭄ᬫᬧᬭᬦ᭄ᬫᬳᬶᬢ᭄ᬓ᭞ᬚᬧᬢ᭄ᬯᬦ᭄ᬫᬢᬸᬭᬭᬶᬲ᭄᭞ᬭᬭᬶᬲ᭄ᬦᭂᬫ᭄ᬩᬄᬗᬪᬓ᭄ᬢᬶ᭞ᬢᬶᬢ᭄ᬬᬂ
ᬩᭀᬬᬳᬢ᭄ᬫᬭᬢᬸ᭞ᬚᬢ᭄ᬫᬚᬢᬶᬯᬦ᭄ᬢᬄᬢᬶᬢ᭄ᬬᬂ᭞ᬲᬤ᭄ᬬᬦ᭄ᬢᬶᬢ᭄ᬬᬗᬾᬦᬾᬫᬗ᭄ᬓᬶᬦ᭄᭞ᬫ᭄ᬭᬶᬓᬶᬭᬯᬸᬄ᭞ᬢᬶᬢ᭄ᬬᬂᬓᬳᬶᬘᬮᬦ᭄ᬧᭀᬫᬄ᭟
Kaca:Bali-lontar-gaguritan-rangda-kasihan-02-450ppi.pdf/19
Kaca puniki sampun kauji-wacén
