[᭑᭖ 16B]
᭑᭖
ᬳᬸᬳᬦ᭄ᬗᬭᬦ᭄ᬢᬸᬳᬸ᭞ᬅᬗ᭄ᬓᬭᬫ᭄ᬯᬂᬅᬄᬓᬭ᭞ᬭ᭄ᬯᬩᬶᬦᬾᬤᬳᬶᬓᬚᬢᬶ᭞ᬳᬸᬮᬶᬤᬶᬢᬸ᭞ᬗᬯᭂᬢ᭄ᬬᬂᬭᬲᬦ᭄ᬫᬦᬄ᭟ᬓᭀᬘᬧᬳᬶᬚᬧᬢᬸᬯᬦ᭄᭞ᬳᬸᬮᬶᬂ
ᬳᬸᬮᬶᬂᬘ᭄ᬦᬶᬓ᭄ᬫᬗᬸᬮᬶᬦᬶᬂ᭞ᬢᭀᬂᬚ᭄ᬜᭂᬓ᭄ᬫᬦᭀᬗᭀᬲ᭄ᬚᬸᬫᬄ᭞ᬧ᭄ᬢᭂᬂᬍᬫᬄᬲᬳᬶᬲᬳᬶ᭞ᬓᬕ᭄ᬭᬶᬬᬲ᭄ᬭᬶᬂᬫᬦᬗ᭄ᬓᬶᬮ᭄᭞ᬜᬩ᭄ᬭᬦ᭄ᬫᬗᬶᬢᬸᬗᬂᬢᬸᬢᬸᬃ᭞ᬰᬲ᭄ᬢ᭄ᬭᬳᬚᬶᬓ
ᬍᬧᬲᬦ᭄᭞ᬓᬫᭀᬓ᭄ᬱᬦ᭄ᬫᬶᬯᬄᬧᬯᬶᬲᬶᬓ᭄᭞ᬲᬵᬫ᭄ᬧᬸᬦ᭄ᬧᬸᬢᬸᬲ᭄᭞ᬲᬸᬮᬶᬗ᭄ᬕᬶᬄᬳᬶᬘᬦᬸᬕ᭄ᬭᬳ᭟ᬲᬶᬦᬄᬲᬵᬫ᭄ᬧᬸᬦ᭄ᬫᭂᬦᬾᬓ᭄ᬢ᭄ᬭᬸᬡ᭞ᬫᬸᬮᬶᬄᬬᬚᬦᬶ
ᬗᬭᬭᬶᬲ᭄᭞ᬓᬧᬗ᭄ᬕᬶᬄᬭᬶᬂᬫᬾᬫᬾᬩᬧ᭞ᬳᬶᬩᬧᬗᬦ᭄ᬤᬶᬓᬳᬭᬶᬲ᭄᭞ᬤᬸᬄᬤᬾᬯᬦ᭄ᬩᬧᬦᬾᬘ᭄ᬦᬶᬂ᭞ᬫᬋᬓᬾᬳᬶᬤᬾᬯᬭᬯᬸᬄ᭞ᬚᬸᬚᬸᬢ᭄ᬩᬧᬫ
[᭑᭗ 17A]
ᬦᬓᭀᬦᬂ᭞ᬮ᭄ᬯᬲ᭄ᬓᬶᬚᬓᬾᬳᬶᬫᬡᬶᬓ᭄᭞ᬳᬧᬭᬸᬭᬸᬄᬓᬦ᭄ᬢᬶᬫᬓ᭄ᬮᭀᬳᬶᬤᬾᬯ᭟ᬳᬶᬚᬧᬢᬸᬯᬦ᭄ᬫᬜᬸᬫ᭄ᬩᬄ᭞ᬳᬸᬫᬢᬸᬃᬳᬭᬸᬫ᭄ᬳᬸᬫᬦᬶᬲ᭄᭞ᬳᬤᬸᬄᬕᬸᬭᬸᬲ
ᬲᬸᬳᬸᬦᬦ᭄᭞ᬓᬤᬸᬂᬢᬶᬢ᭄ᬬᬂᬫᬮᬮᬶ᭞ᬓᬕ᭄ᬭᬶᬬᬢᬶᬢ᭄ᬬᬂᬫᬦᬗ᭄ᬓᬶᬮ᭄᭞ᬧᬋᬓ᭄ᬭᬶᬂᬧᬵᬡ᭄ᬥᬶᬢᬳᬕᬸᬂ᭞ᬜᬤ᭄ᬬᬫᬦᬸᬦᬲ᭄ᬳᬚᬄ᭞ᬫᬸᬭᬸᬓᬂᬅᬓ᭄ᬱᬭᬍᬯᬶᬄ᭞ᬧᬲᬸ
ᬓ᭄ᬯᭂᬢᬸ᭞ᬲᬸᬓ᭄ᬫᬦ᭄ᬰᬲ᭄ᬢ᭄ᬭᬉᬢᬫ᭟ᬤᬶᬢᬸᬓᬸᬘᬧ᭄ᬚ᭄ᬮᬾᬫ᭄ᬮᬄ᭞ᬲ᭄ᬯᬃᬕᬦ᭄ᬭᬓᬦᬾᬢᭂᬧᬸᬓᬶᬦ᭄᭞ᬬᬦᬶᬂᬯ᭄ᬭᬸᬄᬢ᭄ᬓᬾᬦ᭄ᬳᬯᬓ᭄᭞ᬓᬯᬳᬾᬤᬶᬳᬯᬓ᭄ᬲᬫᬶ᭞ᬲ᭄ᬯᬃᬕ᭄ᬕ
ᬦᬾᬳᬩᬲᬲᬳᬶ᭞ᬳᬶᬕᬕᬓ᭄ᬢᬸᬭᬲ᭄ᬳᬫᬸᬯᬸᬲ᭄᭞ᬚᬸᬚᬸᬢ᭄ᬩ᭄ᬮᬶᬫᬦᬓᭀᬦᬂ᭞ᬳᭀᬭᬳᬶᬦ᭄ᬓᬾᬩᬧᬘ᭄ᬦᬶᬂ᭞ᬳᬧᬂᬯ᭄ᬭᬸᬄ᭞ᬲ᭄ᬯᬃᬕ᭄ᬕᬦ᭄ᬭᬓᬦᬾᬤᬶᬳᬯᬓ᭄᭟
Kaca:Bali-lontar-gaguritan-rangda-kasihan-02-450ppi.pdf/17
Kaca puniki sampun kauji-wacén
