Kaca:Bali-lontar-gaguritan-rangda-kasihan-02-450ppi.pdf/13

Saking Wikisource
Kaca puniki sampun kauji-wacén

[᭑᭒ 12B]
᭑᭒
ᬦᬶᬂᬢᬸᬭᬸᬫ᭄ᬯᬂᬫᬢᬗᬶ᭞ᬳᬦᬶᬦ᭄ᬤᬮᬬᬸᬋᬓᭀ᭞ᬬᬤᬶᬦ᭄ᬲ᭄ᬯᬃᬕ᭄ᬕᬩᬧᬩᬶᬩᬶ᭞ᬧᬢᬶᬓᬮᬯᬦᬸᬭᬶᬧ᭄᭞ᬲᬗ᭄ᬳ᭄ᬬᬂᬑᬁᬓᬵᬭᬫᬸᬗ᭄ᬕᬄ᭞ᬧᬲᬫ᭄ᬯᬦᬶᬂᬲᬹᬃᬬ᭄ᬬᬘ
ᬡ᭄ᬥ᭄ᬭ᭞ᬫᬸᬮᬦᬶᬂᬲᭂᬫ᭄ᬩᬄᬳᬸᬢ᭄ᬧ᭄ᬢ᭞ᬯᬶᬡ᭄ᬥᬸᬳᬕᬸᬂ᭞ᬳᬸᬫᬸᬗ᭄ᬕᬸᬄᬤ᭄ᬯᬤᬲᬕᬸᬮ᭟ᬓᬾᬯᬮᬬᬢ᭄ᬦᬗᬶᬭᬶᬗᬂ᭞ᬤᬾᬦᬶᬂᬲᬗ᭄ᬳ᭄ᬬᬂᬳᬚᬶᬫᬦ᭄ᬤᬶ᭞ᬤ᭄ᬧᬸᬓ᭄ᬤᭂᬧᬸᬓᬂ
ᬤᬸᬫᬸᬦᬂ᭞ᬓ᭄ᬦᬶᬲᬫ᭄ᬧᬸᬦ᭄ᬲᬮᬄᬮᬶᬗ᭄ᬕᬶᬄ᭞ᬦᬶᬓᬳᬾᬮᬶᬗᬂᬩᬶᬩᬶ᭞ᬲᬮᬶᬗ᭄ᬕᬶᬄᬤᬍᬫ᭄ᬧᬸᬦᬶᬓᬸ᭞ᬧᬲᬫ᭄ᬯᬦᬶᬂᬳ᭄ᬬᬂᬢ᭄ᬭᬶᬦᬤ᭄ᬬ᭞ᬢᬶᬕᬧᬸᬚᬶᬢᬶᬕ
ᬮᬶᬗ᭄ᬕᬶᬄ᭞ᬲᬶᬤᬧᬸᬧᬸᬢ᭄‌ᬳᬦ᭄ᬢᬸᬓ᭄ᬢᬶᬢ᭄ᬬᬂᬫᬶᬤᬃᬢᬬᬂ᭞ᬯᬸᬲ᭄ᬧᬸᬢᬸᬲ᭄ᬧᬫᬸᬚᬶᬲᬫ᭄ᬬᬦ᭄᭞ᬧᬗ᭄ᬭᬾᬓᬤᬸᬫᬤᬶᬳᬸᬭᬶᬧ᭄᭞ᬚᬶᬯᬦ᭄‌ᬲᬗ᭄ᬳ᭄ᬬᬂ
[᭑᭓ 13A]
ᬦᬯᬲᬗ᭞ᬫᬗ᭄ᬤᬲᬶᬤᬯ᭄ᬢᬸᬳᭂᬦ᭄ᬤᬶᬄ᭞ᬳᬧᬦ᭄ᬫᬕᬶᬯᬩᬶᬩᬶ᭞ᬭᬶᬂᬳᬶᬤᬳ᭄ᬬᬂᬢᬶᬕᬫᬸᬭᬸᬩ᭄᭞ᬤᬾᬦᬶᬂᬲᬫ᭄ᬧᬸᬦ᭄ᬧᬤᬜᬶᬯ᭞ᬭᬶᬂᬳᬶᬤᬪᬝᬵᬭᬯᬶᬤ᭄ᬥᬶ᭞
ᬲᬶᬤᬧᬸᬧᬸᬢ᭄᭞ᬳᬲᬸᬂᬦᬸᬕ᭄ᬭᬳᬅᬤ᭄ᬜᬦ᭟ᬲᬫ᭄ᬧᬸᬦ᭄ᬧᬸᬧᬸᬢ᭄ᬧᬯᬶᬮᬗᬦ᭄᭞ᬧᬧᭂᬢᬾᬓᬦ᭄ᬲᬫ᭄ᬧᬸᬦ᭄ᬧᬲ᭄ᬢᬶ᭞ᬤᬲᬭᬶᬦ᭄ᬳᬦ᭄ᬢᬸᬓ᭄ᬮᬓ᭄ᬱᬡ᭞ᬭᬶᬂᬳ᭄ᬬ
ᬓᬫᬸᬮᬦ᭄ᬩᬩᬓ᭄ᬢᬶ᭞ᬤᬶᬢᬸᬳᬶᬤᬳᬲ᭄ᬢᬶᬢᬶ᭞ᬫᬗ᭄ᬤᬾᬦ᭄ᬬᬫᬦᬤᬶᬧᬸᬢᬸᬲ᭄᭞ᬳᬶᬭᬶᬓᬫᬗᬲ᭄ᬭᬬ᭞ᬫᬗ᭄ᬤᬾᬦᬾᬘ᭄ᬤᬂᬓᬧᬗ᭄ᬕᬶᬄ᭞ᬲᬫ᭄ᬧᬸᬦ᭄ᬗᬧᬸᬂᬓ
ᬤᬾᬦ᭄ᬓᭂᬦ᭄ᬤᭂᬮ᭄‌ᬧᬯᬶᬮᬗᬦ᭄᭞ᬲᬧᬸᬦᬶᬓᬧᬶᬤᬕᬶᬗᬦ᭄᭞ᬬᬦ᭄‌ᬲᬫ᭄ᬧᬸᬦ᭄ᬧᬕᭂᬳᬶᬂᬓᬾᬢ᭄ᬢᬶ᭞ᬫᬲᬢ᭄ᬯᬭᬬᬓᬲᬶᬤᬦ᭄᭞ᬓᬤᬶᬧᬗᬾᬲ᭄ᬢᬶᬦᬶᬂ