Kaca:Bali-lontar-gaguritan-rama-rena-01-02-350ppi.pdf/6

Saking Wikisource
Kaca puniki sampun kauji-wacén

[᭕ 5B]

ᬯᬮᬸᬬᬫᬭᬹᬧᬳ᭄ᬲᬭ᭟᭑᭘᭟ᬧᬢᬶᬓ᭄ᬪᬝᬭᬳᬸᬫᬶᬦ᭄ᬢ᭞ᬯ᭄ᬭᬸᬄᬭᬶᬂᬧ᭄ᬭᬢᬾᬓᬦᬶᬂᬲᬭᬶ᭞ᬓᬂᬗᬭᬦ᭄ᬳᭂᬦ᭄ᬢᭀᬲᬥᬦ᭞ᬇᬓᬸᬧᬯᬭᬳᬦᬳ᭄ᬬᬂᬫᬫᬶ᭞ᬫᬗ᭄ᬤ᭠
ᬢᬦ᭄ᬧᬗᬶᬭᬶᬂ᭞ᬳᬸᬫᬶᬦ᭄ᬢᬫᬜ᭄ᬚᬶᬂᬳᬸᬫ᭄ᬢᬸ᭞ᬳᬧᬂᬤᬩᬲ᭄ᬓᬳᬸᬘᬧ᭄᭞ᬢᬸᬗᭂᬮ᭄ᬧᬜ᭄ᬚᬓ᭄‌ᬤᬸᬲᬸᬦ᭄ᬢᬦᬶ᭞ᬤᬾᬦᬶᬂᬓᬦ᭄ᬢᬸᬦ᭄᭞ᬢᬶᬢ᭄ᬬᬂᬳᬧᬦ᭄ᬢᬦ᭄ᬦᬯᬂᬰᬵᬲ᭄ᬢ᭄ᬭ᭟᭑᭔
᭙᭟ᬳᬶᬤᬳ᭄ᬬᬂᬯᬶᬭᭀᬘᬦ᭞ᬫᬗᬺᬗᭃᬲᬹᬓ᭄ᬱ᭄ᬫᬢᬦ᭄ᬲᬶᬧᬶ᭞ᬓᬤᬶᬧᬗᭂᬦ᭄ᬢᬲ᭄ᬧᬵᬡ᭄ᬟᬶᬢ᭞ᬳᬕ᭄ᬮᬶᬲ᭄᭞ᬳᬶᬤᬫᬜᬯᬸᬭᬶᬦ᭄᭞ᬤᬸᬄᬩᬧᬫᬵᬲ᭄ᬓᬸᬮᬓᬶ᭞ᬢ
ᬦ᭄ᬲᬶᬧᬶᬮᬶᬫᬸᬃᬢ᭄ᬯᬲᬂᬗ᭄ᬲᬸᬦ᭄᭞ᬳᬯᬶᬰᬬᬧᬫᬶᬦ᭄ᬢᬥᬃᬫ᭄ᬫ᭞ᬲᬚᬢᬸᬯᬄ᭠ᬍᬯᬶᬳᬾᬳᬶᬗᬶᬢ᭄᭞ᬬᬾᬦᬶᬂᬗᬶᬢᬸᬂ᭞ᬲᬲᬢ᭄‌ᬫᬫᬶᬓᬢᬂᬚᬶᬦᬄ᭟᭒᭐᭟ᬬᬦ᭄ᬓᬶᬢ
[᭖ 6A]
ᬫᬳ᭄ᬬᬸᬦ᭄ᬟᬃᬫ᭄ᬫ᭞ᬮᬳ᭄ᬬᬫᬲᬸᬘᬶᬭᬶᬫᬶᬳᬶᬦ᭄᭞ᬤᬾᬦᬶᬂᬢᭀᬬᬢᬂᬗᬲᬸᬦ᭄ᬟ᭞ᬢ᭄ᬮᬲᬂᬫᬮᬦᬶᬂᬩᬸᬤ᭄ᬟᬶ᭞ᬦᬶᬂᬰᬭᬷᬭᬢᬦ᭄ᬧᬩᬘᬶᬦ᭄᭞ᬲᬓᬾᬳᬶᬗᬶᬦ᭄ᬤ᭄ᬭᬶᬬᬮ᭄ᬩᬸᬃ᭞ᬬ᭠
ᬧ᭄ᬯᬦ᭄ᬲᬵᬫ᭄ᬧᬸᬦ᭄ᬫᬗ᭄ᬓᬦ᭞ᬳᬶᬓᬸᬲᬶᬭᬓᬶᬢᬳᬸᬦᬶᬂᬫᬫᬸᬢᬸᬲᬂ᭞ᬓᬧᬵᬡ᭄ᬟᬶᬢᬦᬾᬭᬶᬂᬦᬶᬲ᭄ᬓᬮ᭟᭒᭑᭟ᬳ᭄ᬤᬫᬜ᭄ᬚᬸᬲ᭄ᬤᬶᬧᬜ᭄ᬘᭀᬭᬦ᭄᭞ᬫ᭄ᬯᬂᬤᬶᬦᬦᬸᬮᬦ᭄ᬤᬶᬧ
ᬲᬶᬄ᭞ᬫᬗ᭄ᬤᬾᬭᬶᬂᬭᬯᬦᬶᬂᬢᬸᬓᬤ᭄᭞ᬲᬦᬾᬧᭂᬲᬸᬲᬓᬶᬂᬪᬹᬫᬶ᭞ᬳ᭄ᬤᬤᬶᬢᬸ᭠ᬫᬫᬦ᭄ᬤᬸᬲᬶᬦ᭄᭞ᬢᬦ᭄ᬳᬦᬢᭀᬬᬫᬗ᭄ᬮᭂᬩᬸᬃ᭞ᬲᬫᬮᬦᬶᬂᬰᬭᬶᬭ᭞ᬫᬲᬶᬄᬳᬧᬂᬦᬾ
ᬭᬶᬂᬦᬪᬶ᭞ᬧᬥᬳᬸᬢᬸᬲ᭄᭞ᬗ᭄ᬕᭂᬲᭂᬂᬳᬫᬶᬰᬾᬱᬭᬶᬂᬳᬯᬓ᭄᭟᭒᭒᭟᭠ᬬᬦ᭄ᬲᬵᬫ᭄ᬧᬸᬦ᭄ᬢᬳᬯᬶᬰᬾᬱ᭞ᬧᬫ᭄ᬢᬸᬦᬶᬂᬳᬶᬓᬂᬯᬭᬶᬄ᭞ᬗᬫᬺᬢᬦᬶᬦ᭄‌ᬳᬶᬓᬂᬰ᭠