[᭑᭘ 18B]
᭗
ᬧᬤᬵ᭞ᬤᬾᬦ᭄ᬢᬧᬕᭂᬳᬓᭂᬦ᭄ᬩᬸᬤ᭄ᬟᬶ᭞ᬳᬬ᭄ᬯᬇᬦ᭄ᬤ᭄ᬭᬶᬬᬧ᭄ᬭᬧᬜ᭄ᬘ᭞ᬅᬧᬦ᭄ᬮᬸᬕ᭄ᬭᬳᬳ᭄ᬬᬂᬭᬸᬘᬶ᭞ᬢᬲᬶᬭᬾᬂᬕᬦᬮᬮᬶᬢ᭄᭞ᬤᬸᬃᬮᬪᬵᬬᬦ᭄ᬯ᭄ᬯᬂᬢᬸᬫᭂᬫᬸ᭞ᬬᬤ᭄ᬬᬦ᭄
ᬯ᭄ᬭᬸᬳᬶᬂᬢᬢᬦ᭄ᬬ᭞ᬩ᭄ᬬᬓ᭄ᬢᬧᬯᬶᬢ᭄ᬭᬾᬂᬧᬶᬦᬗ᭄ᬕᬶᬄ᭞ᬚᭀᬢᬶᬗ᭄ᬭᬸᬗᬸ᭞ᬳᭀᬦᬾᬓ᭄ᬩᬫᬜᬶᬧ᭄ᬢᬬᬂ᭟᭒᭘᭟ᬦᬾᬚᬦᬶᬢᬸᬮᬤ᭄ᬢᬢᬲᬂ᭞ᬳᬦᬓᬾᬩᬸᬗ᭄ᬓᬸᬢ᭄ᬫᬗᬶᬗ᭄ᬕᬶᬮ᭄᭞ᬲ
ᬢᬢᬕᬯᬾᬦ᭄ᬜᬋᬓᭀ᭞ᬦᬸᬤᬸᬓ᭄ᬓᬓᬸᬮ᭄ᬕᭂᬦ᭄ᬤᬂᬕᭂᬦ᭄ᬤᬶᬂ᭞ᬫᬫᭂᬢᬶᬢᬗᬦ᭄ᬧᬲ᭄ᬢᬶ᭞ᬓᬗᬶᬦ᭄ᬓᬲᬹᬃᬬ᭄ᬬᬫᬲᬸᬮᬸᬄ᭞ᬢᭀᬢᬸᬮᬤ᭄ᬧ᭄ᬭᬤᬢᬬᬂ᭞ᬳᬯᬓᬾᬲᬳᬶᬩᬺ
ᬲᬶᬳᬶᬦ᭄᭞ᬩᬵᬦ᭄ᬢᬶᬃᬢ᭄ᬢᬵᬭᬹᬫ᭄᭞ᬳᬘᭂᬧᬂᬓᬲᬹᬃᬬ᭄ᬬᬘᬦ᭄ᬤ᭄ᬭ᭟᭒᭙᭟ᬜᬾᬦ᭄ᬲᬂᬳ᭄ᬬᬗᬾᬢᬶᬩᬾᬦ᭄ᬢᭀᬬ᭞ᬲᬂᬓᬫᬸᬦᬾᬢᬶᬃᬢ᭄ᬢᬳᬶᬦ᭄᭞ᬦᬾᬫᬦᭀᬗᭀᬲ᭄ᬤᬶ
[᭑᭙ 19A]
ᬓᬭᬦ᭄ᬤᬦ᭄᭞ᬢᭀᬲᬂᬳ᭄ᬬᬂᬭᬵᬕᬬᬂᬦᬫ᭄ᬧᬶ᭞ᬳᬗ᭄ᬳᬶᬂᬢᬢᬲᬂᬉᬕᬶ᭞ᬳᬗ᭄ᬕᬾᬦ᭄ᬦᬶᬩᬵᬓᬂᬧᬸᬦᬶᬓᬸ᭞ᬳᬧᬂᬤᬲᬮᬄᬧᬭ᭞ᬤᬾᬦᬶᬂᬳᬓᬾᬄᬢᬶᬃᬣᬍᬯᬶᬄ᭞ᬧ᭠
ᬜ᭄ᬘᬓ᭄ᬱᬭ᭞ᬲᬧ᭄ᬢᬢᬶᬃᬣᬕᬗ᭄ᬕᬵᬫᬺᬢ᭟᭓᭐᭟ᬳᬸᬢ᭄ᬢᬫᬢᬶᬃᬣᬕᭀᬮᬓ᭞ᬧᬗ᭄ᬮᭂᬩᬸᬭᬦ᭄ᬫᬮᬲᬫᬶ᭞ᬲᬮ᭄ᬯᬶᬭᬶᬂᬧᬵᬧᬯᬶᬖ᭄ᬦ᭞ᬲᬶᬦ᭄ᬟᬸᬯᬓ᭄ᬬᬉᬧᬢᬾᬓᬶ᭞
ᬓᬯ᭄ᬭᬸᬳᬓᭂᬦ᭄ᬤᬾᬜ᭄ᬚᬢᬶ᭞ᬲᬵᬦᬦ᭄ᬬᬭᬶᬂᬧᬸᬭᬲ᭄ᬬᬫ᭄ᬩᬸ᭞ᬚᬸᬫᬸᬚᬸᬕ᭄ᬢ᭄ᬓᬾᬂᬧᬦᭀᬦ᭄᭞ᬇᬓᬫᬳᬸᬢ᭄ᬢᬫᬳ᭄ᬦᬶᬂ᭞ᬓᬲᬶᬦᬗ᭄ᬕᬸᬄ᭞ᬤᬾᬦᬶᬂᬧᬭᬤᬾᬯᬕᬡ᭟
᭓᭑᭟ᬬᬾᬦ᭄ᬳᬗᬺᬕᭂᬧᬂᬲᭂᬫ᭄ᬩᬄ᭞ᬳᬶᬗᭂᬢᬂᬗᬶᬲᬶᬤᬶᬳᬢᬶ᭞ᬳᬶᬲᬶᬦ᭄ᬜᬦᬾᬗᬯᬗᬯᬂ᭞ᬳᬧᬳᬗ᭄ᬕᭀᬦ᭄ᬩᬸᬗᬪᬓ᭄ᬢᬶ᭞ᬗᭀᬦ᭄ᬤᬾᬯᬦᬾᬳᬘᭂᬧᬶᬦ᭄᭞
Kaca:Bali-lontar-gaguritan-rama-rena-01-02-350ppi.pdf/19
Kaca puniki sampun kauji-wacén
