Kaca:Bali-lontar-gaguritan-rajapala-350ppi.pdf/6

Saking Wikisource
Kaca puniki sampun kauji-wacén

[᭕5B]
ᬍᬯᬶᬄ᭞ᬭᬶᬓᬵᬮᬦᬶᬯᭂᬗᬶ᭞ᬭᬭᬾᬦᬾᬲᬦ᭄ᬤᬶᬂᬳᬢᬸᬭᬸ᭞ᬓᬶᬭᬚᬧᬮᬢᬸᬫᬾᬦ᭄᭞ᬳᬦᬓᬾᬮᬸᬳᬸᬭᬾᬗᭂᬦ᭄ᬤᬶᬄ᭞ᬲᬶᬦᬂᬫᬸᬭᬸ
ᬩ᭄᭞ᬓᬕ᭄ᬬᬢ᭄ᬲᬶᬭᬭᬚᬧᬮ᭟ᬭᬚᬧᬮᬫᬗ᭄ᬓᬾᬗᬸᬘᬧ᭄᭞ᬧᬭᬦ᭄ᬓᬭᬡᬦᬾᬗᭂᬦ᭄ᬤᬶᬄ᭞ᬓᬾᬦ᭄ᬲᬸᬮᬰᬶᬄᬗᬸᬘᬧ᭄ᬳᬮᭀ
ᬦ᭄᭞ᬮᬓᬶᬳᬚᬯᬮᬗ᭄ᬳᬢᬶ᭞ᬘᬶᬭᬶᬦᬶᬳᬫᬗ᭄ᬕᬶᬄᬍᬯᬶᬄ᭞ᬳᬦᬓᬾᬯ᭄ᬓᬲᬦ᭄ᬮᬸᬳᬸᬃ᭞ᬳᬶᬓᬘᬶᬦᬦᬶᬂᬓᬯᭀᬢ᭄᭞ᬦᬾᬫᬗ᭄ᬓᬾ
ᬓᬢᭀᬦ᭄ᬬᬗᭂᬡ᭄ᬥᬶᬄ᭞ᬲᬶᬦᬂᬫᬸᬭᬸᬩ᭄᭞ᬭᬶᬕᬸᬦ᭄ᬢᬸᬦᬦ᭄ᬳᬦᬓᬶᬭᬗ᭟ᬢᬦ᭄ᬲᬶᬯᬶᬲᬸᬓᬦᬾᬲᬶᬭ᭞ᬓᬾᬦ᭄ᬭᬚᬧᬮᬳᬭᬩᬶ᭞ᬳᬶᬲ᭄ᬢ᭄ᬭᬶᬍᬯᬶᬄ
[᭖6A]
ᬳᬬᬸᬳᬦᭀᬫ᭄᭞ᬲᬓᬾᬂᬓᬾᬦᬵᬤ᭄ᬭᬦ᭄ᬲᬸᬭᬵᬧ᭄ᬲᬭᬶ᭞ᬳᬦᬓᬾᬓᬾᬦ᭄ᬲᬸᬮᬰᬶᬄ᭞ᬳᬶᬂᬫᬗ᭄ᬓᬾᬲᬫ᭄ᬧᬸᬦ᭄ᬮᬸᬳᬸᬃ᭞ᬯᬬᬳᬾᬧᬶᬢᬸᬂᬳᭀᬢᭀ
ᬦ᭄᭞ᬯᬃᬡ᭄ᬦᬦᬾᬲᬬᬦ᭄ᬗᬾᬤᬤᬶᬦ᭄᭞ᬮᬶᬯᬢ᭄ᬩᬕᬸᬲ᭄᭞ᬲᬺᬗ᭄ᬕᬭᬳᬵᬗ᭄ᬕᬕᬸᬫᬶᬯᬂ᭟ᬧᬗᬤᭂᬕᬾᬮᬗ᭄ᬲᬶᬂᬮᬜ᭄ᬚᬃ᭞ᬲᬶᬂᬲᭀᬮᬳᬂᬫᬲᬯᬂᬳᬲᬶ
ᬦ᭄᭞ᬓᬤᬶᬕᬡ᭄ᬥᬶᬲ᭄ᬫᬤ᭄ᬭᬯᬵ᭞ᬓ᭄ᬜᭂᬫᬾᬫᬸᬮᬸᬓ᭄ᬫᬦᬶᬲ᭄᭞ᬩᬳᬸᬫᬗ᭄ᬮᬗ᭄ᬲᬸᬭᬶᬂᬳᬮᬶᬢ᭄᭞ᬢᬗᬦᬾᬍᬫᭂᬢ᭄ᬫᬍᬗ᭄ᬓᬸᬂ᭞ᬲᬫ᭄ᬧᬸᬦ᭄ᬲᬬᬦ᭄ᬩᬩᭀᬢᭀᬄ
᭞ᬭᭀᬫᬦᬾᬤᭂᬫ᭄ᬤᭂᬫ᭄ᬳᬯᬶᬮᬶᬲ᭄᭞ᬳᬮᬸᬲ᭄ᬲᬸᬫ᭄ᬓᬮ᭄᭞ᬮᬮᬢᬦᬾᬭᬶᬦᬗ᭄ᬓᭂᬩᬦ᭄᭟ᬯᬳᬸᬫᬮᬚᬄᬫᬮᬚᬦ᭄᭞ᬭᬹᬧᬦᬾᬲᬬᬦᬧᭂᬓᬶᬓ᭄