Kaca:Bali-lontar-gaguritan-rajapala-350ppi.pdf/28

Saking Wikisource
Kaca puniki sampun kauji-wacén

[᭒᭗27B]
᭒᭗
ᬭᬾᬓᬸᬤᬹᬃᬫ᭄ᬫ᭞ᬲᬂᬦᬵᬣᬗᬦ᭄ᬤᬶᬓᬳᬭᬶᬲ᭄᭞ᬥᬸᬄᬓᬓᬶᬳᬾᬫᬦ᭄᭞ᬳᬧᬦ᭄ᬓᬶᬢᬵᬓᬃᬬ᭄ᬬᬮᬶᬢ᭄᭟ᬤᬸᬭᬸᬂᬯ᭄ᬭᬸᬄᬭᬶᬂᬣᬶᬣᬶᬢᬢᬵᬳᬧ᭄ᬭᬂ᭞ᬳᬶᬤᬸᬃᬫ᭄ᬫᬵᬫ
ᬢᬸᬃᬪᬓ᭄ᬢᬶ᭞ᬥᬸᬄᬤᬾᬯᬪᬝᬵᬭ᭞ᬲᬫ᭄ᬧᬸᬦ᭄ᬤᬾᬯᬵᬯᬮᬂᬳᬃᬱ᭞ᬳᬧᬦ᭄ᬲᭀᬢᬦᬶᬂᬳᬜᬶᬯᬶ᭞ᬬᭀᬕ᭄ᬬᬤᬤᬳ᭞ᬭᬶᬓᬵᬮᬦᬶᬂᬪᬬᬧᬗ᭄ᬕᬶᬄ᭟
ᬳᬦ᭄ᬢᬶᬰᬶᬃᬡ᭄ᬦᬳᬃᬱᬦᬾᬰ᭄ᬭᬶᬦᬭᬦᬵᬱ᭞ᬳᬗ᭄ᬭᬸᬗᬸᬳᬢᬸᬃᬲᬚᬢᬶ᭞ᬫᬶᬚᬶᬮ᭄ᬧᬗᬦ᭄ᬤᬶᬓᬵ᭞ᬬᬾᬦ᭄ᬲᬶᬭᬮᬩ᭄ᬥᬓᬃᬬ᭄ᬬ᭞ᬫ᭄ᬚᬄᬲᬶᬭᬵᬓ᭄ᬱᬲᬓᬢ᭄ᬭᬶ᭞ᬕᬜ᭄ᬚ
ᬭᬦᬶᬗ᭄ᬯᬂ᭞ᬦᬕᬭᬭᬶᬂᬯᬦᭀᬓ᭄ᬮᬶᬂ᭟ᬦ᭄ᬤᬦ᭄ᬲᬸᬂᬦᬓᬸᬲᬶᬭᬧᬸᬢ᭄ᬭᬦᬶᬗ᭄ᬯᬂ᭞ᬫᬤᭂᬕ᭄‌ᬦᬵᬣᬯᬦᭀᬓ᭄ᬮᬶᬂ᭞ᬤᬸᬃᬫ᭄ᬫᬵᬫᬢᬸᬃᬳᬜᭂᬫ᭄ᬩᬄ᭞ᬥᬸᬄᬤᬾᬯᬲᬸᬲᬸᬳᬸ
[᭒᭘28A]
ᬦᬦ᭄᭞ᬲᬫ᭄ᬧᬸᬦ᭄ᬤᬾᬯᬗᬺᬩᬄᬮᬶᬗ᭄ᬕᬶᬄ᭞ᬫᬭᬶᬂᬯᭀᬂᬲᬸᬤ᭄ᬭ᭞ᬦᬶᬃᬕᬸᬡᬢᬦ᭄ᬧᬓᬶᬃᬢ᭄ᬢᬶ᭟ᬲᬫ᭄ᬧᬸᬦ᭄ᬧᬸᬧᬸᬢ᭄ᬳᬢᬸᬭᬾᬭᬶᬂᬲᬂᬦᬭᬾᬦ᭄ᬤ᭄ᬭ᭞ᬳᬶᬤᬹᬃᬫ᭄ᬫᬵᬫᬜᭂᬫ᭄ᬩᬄ
ᬧᬫᬶᬢ᭄᭞ᬢᬜ᭄ᬘᬭᬶᬢᬾᬂᬫᬃᬕ᭄ᬕ᭞ᬗᬸᬗ᭄ᬲᬶᬓᬸᬯᬸᬦ᭄ᬭᬓ᭄ᬱᬲ᭞ᬳᬕ᭄ᬮᬶᬲ᭄ᬮᬫ᭄ᬧᬄᬦ᭄ᬬᬯᬸᬲ᭄ᬧ᭄ᬭᬧ᭄ᬢᬶ᭞ᬭᬓ᭄ᬱᬲᬵᬢᬶᬕ᭞ᬓᭀᬘᬧ᭄ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭟ᬢᬳᬸᬧ᭄ᬭᬧ᭄ᬢᬵᬭᬶᬂ
ᬯᬶᬰ᭄ᬫᬦᬾᬧᬶᬦᬧᬕᬦ᭄᭞ᬤᬾᬦᬾᬧᬸᬢ᭄ᬭᬦᬶᬭᬾᬓᬶ᭞ᬲᬺᬥᬄᬧᬜᬧᬵᬦ᭄ᬬ᭞ᬩᬕ᭄ᬬᬳᬶᬗᬸᬧ᭄ᬭᬧ᭄ᬢ᭞ᬮᬮᬸᬫᬭᬲ᭄ᬢ᭄ᬯᬲ᭄ᬫᬫᬶ᭞ᬳᬦᬭᬶᬂᬯᬶᬰ᭄ᬫᬵ᭞ᬬᬦ᭄ᬢᬦ᭄ᬧ᭄ᬭ
ᬧ᭄ᬢᬲᬯ᭄ᬗᬶ᭟ᬦ᭄ᬤᬢᬦ᭄ᬳᬾᬦᬓ᭄‌ᬭᬦᬓ᭄ᬢᬳᬦᬶᬤ᭄ᬭ᭞ᬫᬃᬫ᭄ᬫᬦ᭄ᬬᬗᬺᬗᭃᬩ᭄ᬥᬶᬮ᭄᭞ᬓᬸᬫᭂᬢᭂᬕ᭄‌ᬕᭀᬂᬓᭂᬦ᭄ᬤᬂ᭞ᬩᭂᬡ᭄ᬥᬾᬪᬾᬭᬶᬲᬯᬸᬭᬦ᭄᭞ᬲᬸᬭᬓᬾᬳᬯ