Kaca puniki sampun kauji-wacén
[᭑᭓13B]
᭑᭓
᭟ᬧᬰ᭄ᬘᬢ᭄ᬲᬾᬩᭂᬢ᭄ᬗ᭄ᬕᬭᬧ᭄ᬕᬯᬾᬢᬸᬃᬕᬶᬡ᭞ᬫᬢᬓᭀᬦ᭄ᬲᬮᬄᬍᬯᬶᬄ᭞ᬢ᭄ᬯᬭᬩᬶᬱᬳᬶᬫᬃ᭞ᬫ᭄ᬮᬚᬄᬗᬮᬶᬄᬩ᭄ᬭᬬ᭞ᬰᬲ᭄ᬢ᭄ᬭᬦᬾᬚ᭄ᬯᬲᬳᬕᬸᬮᬶ
ᬓ᭄᭞ᬧᬶᬦᬓᬂᬰᬶᬯ᭞ᬢᬸᬦᬲᬶᬦ᭄ᬢᬸᬢᬸᬃᬲᬳᬶ᭟ᬳᬗ᭄ᬕᬾᬦ᭄ᬜᬸᬮᬸᬄᬭᬚᬄᬢᬫᬳᬾᬭᬶᬗᬯᬓ᭄᭞ᬬᬦ᭄ᬲᬶᬳᬮᬵᬫᬸᬲᬸᬳᬶᬦ᭄᭞ᬲᬳᬶᬮᬵᬧ᭄ᬢᬬᬂ᭞ᬳᬶᬗᭂ
ᬭᬂᬭᬶᬂᬧ᭄ᬥᭂᬫᬦ᭄᭞ᬧᬸᬍᬲᬾᬳᬗ᭄ᬕᭀᬦ᭄ᬜᬶᬭᬶᬦᬶᬦ᭄᭞ᬲᬸᬩᬵᬓᬘᬶᬳ᭄ᬦ᭞ᬩᬶᬦᬓᬤᬶᬫᬢᬗᬶ᭟ᬲᬫ᭄ᬧᬸᬦ᭄ᬮᬫᬶᬳᬶᬥᭂᬧᬾᬗᬶᬥᭂᬧᬂᬯᬭᬄ᭞ᬲᬸᬩᬵᬓᬲ
ᬤ᭄ᬬᬦ᭄ᬚᬦᬶ᭞ᬳᬦ᭄ᬢᭂᬲ᭄ᬓᬩᬜ᭄ᬘᬶᬗᬄ᭞ᬦᬗ᭄ᬓᬶᬮᬶᬦ᭄ᬳᬶᬤᬲᬂᬦᬵᬣ᭞ᬚᬸᬫ᭄ᬦᭂᬂᬭᬶᬂᬯᬦᭀᬓ᭄ᬮᬶᬂ᭞ᬯᬶᬤᬸᬳᬶᬂᬯᬤ᭄ᬯ᭞ᬯᭀᬂᬮ᭄ᬬᬦ᭄ᬓᬢᬄᬫᬜᬶᬯᬶ᭟ᬲᬸᬩᬵᬢᬫ
[᭑᭔14A]
ᬤᬶᬩᬜ᭄ᬘᬶᬗᬄᬮ᭄ᬬᬸᬦᬯᬂ᭞ᬧᬸᬗ᭄ᬕᬯᬵᬢᬦ᭄ᬤᬫᬦ᭄ᬢ᭄ᬭᬶ᭞ᬲᬂᬦᬵᬣᬜᬬᬗᬂ᭞ᬳᬶᬤᬹᬃᬫ᭄ᬫᬵᬲᬥᬸᬥᬫ᭄ᬫ᭞ᬯᬶᬘᬓ᭄ᬱᬡᬯ᭄ᬭᬸᬳᬾᬂᬅᬚᬶ᭞ᬳᬾᬩᭂᬓ᭄ᬭᬶᬂᬦᬬ᭞
ᬢᬸᬯᬸᬳᬾᬓᬭᬶᬳᬮᬶᬢ᭄᭟ᬓᬧᬲᬳᬦ᭄ᬢᬺᬱ᭄ᬡᬦᬾᬭᬶᬂᬭᬫᬦᬶᬭ᭞ᬩᬳᬸᬳᬦ᭄ᬢᭂᬲ᭄ᬫᬜᬸᬗ᭄ᬓ᭄ᬮᬶᬢ᭄᭞ᬧᬗᬤᭂᬕᬾᬚᬂᬚᬂ᭞ᬧᬫᬸᬮᬸᬰᬥᭂᬂᬜᬮᬂ᭞ᬧ
ᬮᬶᬬᬢᬾᬕᬮᬓ᭄ᬫᬦᬶᬲ᭄᭞ᬭᭀᬫᬦᬾᬧᬜ᭄ᬚᬂ᭞ᬲᬸᬫᭂᬓᬸᬮ᭄ᬲᬫᬄᬯᬶᬮᬶᬲ᭄᭟ᬬᬾᬦ᭄ᬫᬗᬸᬘᬧ᭄ᬫᬦᬶᬲᬾᬮ᭄ᬯᬶᬃᬫᬥᬸᬤ᭄ᬭᬯ᭞ᬓᭂᬜᭂᬫᬾᬫᬸᬮᬸᬓ᭄ᬩ
ᬩᬗ᭄ᬓᬶᬢ᭄᭞ᬗᬗ᭄ᬕᭀᬲᬫ᭄ᬩ᭄ᬭᬡ᭞ᬮᬸᬄᬫ᭄ᬯᬦᬶᬫᬩᬸᬤ᭄ᬥᬶᬢᬺᬱ᭄ᬡᬵ᭞ᬓᬸᬫᬮᬸᬮᬸᬢ᭄ᬫᬦᬄ᭞ᬩᬶᬓᬲᬾᬫ᭄ᬮᬄ᭞ᬩᬕᬸᬲᬾᬫᬳᬦ᭄ᬢᬦ᭄ᬤᬶᬂ᭟ᬯ᭄ᬓᬲᬦ᭄ᬳᬶᬤᬹᬃ
