[ ᭙᭓ 93B]
ᬓᬳᬶᬗᭀᬦ᭄ᬳᬶᬗᭀᬦ᭄ᬦᬣᬭᬢᬸ᭟᭐᭟᭑᭒᭟ᬦᬶᬳᬦ᭄ᬧᬓ᭄ᬱᬶᬯᬶᬱ᭄ᬡᬸᬫᬹᬃᬢᬶ᭞ᬇᬋᬂᬫᬢ᭞ᬢᬃᬭᬸᬲ᭄ᬭᬶᬂᬩ᭄ᬮᬶᬦ᭄ᬩᬶᬦᬦ᭄ᬳᬶᬧᬸᬦ᭄᭞ᬫᬶᬯᬄᬓᬸᬓᬸᬄᬧᬸᬦ᭄᭞ᬤᬤᬳᬦᬓ᭄ᬲᬸᬕᬶᬄᬧᬶᬧᬶᬲ᭄᭞ᬤᬳᬢᬶᬂᬫᬓᬬ
᭞ᬤᬤᬶᬢᬸᬫ᭄ᬩᬮ᭄ᬧᬓ᭄ᬱᬶᬦᬶᬧᬸᬦ᭄᭞ᬫ᭄ᬯᬚᬫ᭄ᬩᬸᬮᬾᬧᭂᬢᬓ᭄᭞ᬫᬗᬭᬦ᭄ᬧᬸᬘᬓ᭄ᬫᬡᬶᬓ᭄᭞ᬤ᭠ᬤᬶᬳᬦᬓ᭄ᬲᬸᬕᬶᬄᬩ᭄ᬭᬲ᭄᭞ᬇᬗ᭄ᬕᬶᬄᬦᬶᬓᬜᬦ᭄ᬤᬂᬳᬸᬩᬸᬄ᭟᭐᭟᭑᭓᭟ᬩᬸᬮᬸᬦ᭄ᬩᬯᭀᬂᬜᬓᬸᬦᬂᬰ᭄ᬭᬷ
ᬗᭂᬫ᭄ᬩᭂᬂᬗᬭᬦ᭄᭞ᬲᬸᬕᬶᬄᬧᬦ᭄ᬢᬸᬦ᭄ᬲᬂᬗᬸᬩᬸᬄ᭞ᬗᬓᬦ᭄ᬮᬾᬤᬂᬫᬗ᭄ᬭᬸᬗᬸ᭞ᬲᬵᬫ᭄ᬧᬸᬦ᭄ᬲᬫᬶ᭠ᬓᭂᬦᬶᬓᬕᬶᬲᬶ᭞ᬩᬾᬜ᭄ᬚᬂᬲᭂᬫᭂᬂᬮᬸᬗ᭄ᬳ᭞ᬫᬧᬶᬓᬢ᭄ᬮᬸᬯᬲ᭄ᬓᬕᬸᬦᬸᬂ᭞ᬰᬺᬕᭂᬧᬶᬂᬢᬓᬶᬮᬦ᭄᭞ᬫ᭄ᬯᬂ
ᬳᭂᬗ᭄ᬓᭂᬢ᭄ᬕᬦ᭄ᬤᬾᬓ᭄ᬫᬮᬶᬄ᭞ᬧᬫᬃᬕᬶᬦᬾᬲᬤᬳᬶᬫᬂ᭞ᬫᬸᬜᬶᬫᬦᬶᬲ᭄ᬦᭂᬫ᭄ᬩᬂᬤᭂᬫᬸᬂ᭟᭐᭟ᬲᬸᬦ᭄ᬤᬭᬶᬦᬾᬫᬲ᭄ᬭᬸᬯᬶᬢ᭄᭞ᬓᬮᬗᭂᬦ᭄ᬧᬶᬲᬦ᭄᭞ᬫᬦᬩᬸᬄᬕᭂᬦ᭄ᬤᬂᬧᬶᬢᬸ᭞ᬧᬗᬺᬩᬩᬾᬮᬸᬳᬸᬂ
[ ᭙᭔ 94A]
᭞ᬘᬦᬶᬸᬂᬜ᭄ᬘᬓᬦᬾᬫᬦᬫ᭄ᬩᬸᬗᬶᬦ᭄᭞ᬤᬶᬕᬸᬍᬫᬾᬲᬯᬢ᭄᭞ᬫᬜᬸᬮᬶᬗᬂᬫᬧᭂᬢᬸᬓ᭄᭞ᬧᬸᬯᬸᬄᬳᬤᬶᬧᬥᬂᬘ᭄ᬭᬸᬓ᭄ᬘᬸᬓᬾᬫᬗᬸᬘᬶ᭞ᬓᬵᬤᬶᬘᬸᬭᬶᬂᬓᬩᬗᭃᬦ᭄ᬧᬶᬲᬦ᭄᭞ᬓᬶᬫ᭄ᬧᬸᬮ᭄ᬢᬶᬢᬶᬭᬦᬾ
ᬗᬢᭂᬗ᭄ᬓᬸ᭟᭐᭟ᬧᬸᬧᬸᬄᬧᬸᬘᬸᬂ᭟᭐᭟ᬲᬫ᭄ᬧᬸᬦ᭄ᬯᬯᬸᬄ᭞ᬦᬭᬶᬂᬕᭂᬦᬄᬫᬶᬓᬢ᭄ᬩ᭄ᬭᬓᬸᬢᬸᬢ᭄᭞᭠ᬫᬸᬜᬶᬦ᭄ᬜᬦᬾᬗᬮ᭄ᬕᬮ᭄᭞ᬗᬓᬦ᭄ᬕᭂᬥᬾᬫᬫᬶᬓᬢᬶᬦ᭄᭞ᬯᬯᬸᬢᭂᬤᬸᬦ᭄᭞ᬧᬮᬾᬶᬸᬗ᭄ᬕᬩᬦᬾᬮᬶᬦ᭄ᬢᬂ
ᬓᬢᬄ᭟᭐᭟᭒᭟ᬫᬭᬾᬦ᭄ᬤᬶᬢᬸ᭞ᬲᬦᬾᬫᬲ᭄ᬯᬭᬗᬢᭂᬗ᭄ᬓᬸᬂ᭞ᬲᬕᬾᬢ᭄ᬲᬵᬫ᭄ᬧᬸᬦ᭄ᬗᬫ᭄ᬩᬄ᭞ᬲᬋᬂᬧᬢ᭄ᬧᬢ᭄ᬧᬧᬕᬸᬮᬦ᭄ᬢᬶᬂ᭞ᬓᭂᬦ᭄ᬤᭂᬮ᭄ᬤᬶᬢᬸ᭞ᬗᬓᬦ᭄ᬕᭂᬥᬾᬗᬫ᭄ᬩᬶᬮ᭄ᬗᬾᬗ᭄ᬕᬮᬂ᭟᭐᭟᭓᭟ᬭᬭᬶᬲ᭄ᬢᭂᬤᬸᬦ᭄᭞
ᬧᬓ᭄ᬱᬶᬦᬾᬓᬕ᭄ᬭᭀᬦ᭄ᬤᭀᬢ᭄ᬲᬵᬫ᭄ᬧᬸᬦ᭄᭞ᬓᭂᬦ᭄ᬤᭂᬮᬾᬓᬮᬶᬦ᭄ᬢᬂ᭞ᬭᬭᬶᬲ᭄ᬩᬸᬤᬮ᭄ᬗᬸᬦ᭄ᬤᬶᬢ᭄ᬧᬓ᭄ᬱᬶ᭞ᬳᭂᬗ᭄ᬓᭂᬢᬶᬧᬸᬦ᭄᭞ᬧᬘᬂᬘᬂᬫᬶᬯᬄᬧᬧᬶᬓᬢ᭄᭟᭐᭟᭔᭟ᬲᬵᬫ᭄ᬧᬸᬦ᭄ᬭᬯᬸᬄ᭞ᬮᬶᬦ᭄ᬢᬂᬓᭂᬦ᭄ᬤᭂᬮ᭄ᬭ
Kaca:Bali-lontar-gaguritan-puyung-sugih-250ppi.pdf/94
Kaca puniki sampun kauji-wacén
