[ ᭘᭘ 88B]
᭘᭘
ᬤᬮᬸ᭞ᬚᬜ᭄ᬚᬶᬦ᭄ᬤᬦᬾᬜᬳᬶᬯᬬᬦ᭄᭞ᬳᬲᬶᬂᬳᭀᬩᬄ᭞ᬫᬓ᭄ᬢᬭᬵᬕᬚ᭄ᬭᭀᬦᬶᬂᬚᬜ᭄ᬚᬶ᭞ᬳᬲᬶᬂᬓᬮᬄᬫᬗ᭄ᬤᬜᭂᬭᬄ᭟᭐᭟᭑᭕᭟ᬚᬫ᭄ᬓᬸᬢᬸᬲ᭄ᬢᬶᬩᬓᬂᬫᬗᬯᬶᬢᬶᬦ᭄᭞ᬬᬾᬦᬶᬂᬢᬶᬢ᭄ᬬᬂ᭞ᬧᬾᬢᬧ
ᬥᬾᬓᬦ᭄ᬤᬧᬦ᭄᭞ᬓᭂᬦᬶᬕᬸᬡᬧᬗᬰ᭄ᬭᬾᬦᬾ᭞ᬭᬭᬶᬲ᭄ᬳᭀᬩᬄᬓᬧᬸᬮᬸᬢ᭄᭞ᬤᬰᬰᬶᬮᬧᬸᬦᬄᬲᬫᬶ᭞ᬫᬶᬯᬄᬩ᭄ᬭᬢᬓᭂᬫᬶᬢᬦ᭄᭞ᬗᬶᬭᬶᬂᬲᬫᬶᬳᬧᬸᬲ᭄᭞ᬜᭂᬭᬄᬢᬶᬢ᭄ᬬᬂᬳᬗ᭄ᬕᬚᬶᬯ᭞ᬫ᭄ᬯᬂᬓᭀ
ᬤᬕᬂ᭞ᬮᬾᬤᬂᬭᬢᬸᬢᬶᬢ᭄ᬬᬂᬗᬶᬭᬶᬂ᭞ᬤ᭄ᬬᬲ᭄ᬢᬸᬫᬗᭂᬫᬲᬶᬦ᭄ᬧᭂᬚᬄ᭟᭐᭟᭑᭖᭟ᬓᬧᭀᬭᬢᬸᬦᭀᬭᬫᬫᬶᬦ᭄ᬢᬸᬮᬶᬦ᭄᭞ᬗ᭄ᬕᬶᬄᬓᬸᬘᬶᬯᬕᬸᬡᬫ᭄ᬯᬂᬧᬗᬶᬯ᭞ᬕᬶᬗ᭄ᬲᬶᬃᬢᬶᬢ᭄ᬬᬂᬧ᭄ᬭᬫᬗ᭄ᬓᬾ᭞ᬉᬪᬬᬳᬤᬸᬂᬤᬶ
ᬢᬸ᭞ᬳᬗ᭄ᬕᬭᬦ᭄ᬓᬢᬄᬜᬓ᭄ᬱᬶᬡᬶᬦ᭄᭞ᬘᬥᬸᬭᬶᬂᬤᬶᬦᬧᬸᬦᬶᬓ᭞ᬢᭂᬗᬶᬦᬗ᭄ᬕᬮ᭄ᬲᬵᬫ᭄ᬧᬸᬦ᭄᭞ᬧᬸᬓᬸᬮ᭄ᬓᬸᬢᬸᬲ᭄ᬫᬗᬯᬶᬢᬂ᭞ᬮ᭄ᬯᬶᬃᬉᬪᬬ᭞ᬧᬥᬫᭂᬢᬾᬓ᭄ᬕᬸᬡᬲᬦ᭄ᬥᬶ᭞ᬧᬥᬫᭂᬦᭂᬂᬩᭂᬮ
[ ᭘᭙ 89A]
ᬢ᭄ᬫᬾᬚ᭟᭐᭟ᬧᬸᬧᬸᬄᬥᬸᬃᬫ᭟᭐᭟᭑᭟ᬮᬶᬦ᭄ᬢᬂᬳᬸᬫᬸᬂᬲ᭄ᬯᬭᬦ᭄ᬘᭂᬓ᭄ᬘᭂᬓᬾᬫᬓᬺᬩ᭄ᬬᬓ᭄᭞ᬳᬶᬤᬓᭀᬫᬂᬲᭀᬯᬂᬫᬗ᭄ᬓᬶᬦ᭄᭞ᬫᬕᬶᬫᭂᬄᬫᬢᭂᬓᬂ᭞ᬳᬚᬷᬲ᭄ᬫᬭᬢᬦ᭄ᬢ᭄ᬭ᭞ᬕᬸᬡᬲᬵᬫ᭄ᬧᬸᬦ᭄ᬫᬶᬓᭀᬮᬶᬳᬶᬦ᭄᭞ᬦᬾᬲᬵ
ᬫ᭄ᬧᬸᬦ᭄ᬮᬶᬦ᭄ᬯᬢ᭄᭞ᬢᭀᬂᬢᬳᬾᬦ᭄ᬫᬫᬶᬦ᭄ᬤᭀᬯᬶᬦ᭄᭟᭐᭟᭒᭟ᬧᬗ᭄ᬭᭀᬂᬩᬬᬸᬫᬮᬶᬄᬓᬵᬗ᭄ᬕᬾᬦ᭄ᬫᬜᭀᬭᭀᬕᬂ᭞ᬫᬦᬸᬳᬸᬢ᭄ᬦᬶᬧᬸᬬᬸᬂᬲᬸᬕᬶᬄ᭞ᬧᬶᬂᬢᬶᬕᬫᬶᬍᬳᬦ᭄᭞ᬫᬶᬯᬄᬭᬫ᭄ᬩᬸᬢᬾᬳᬫ᭄ᬧᬸᬢᬂ᭞ᬮ᭄ᬯᬶᬄᬧ
ᬗᬶᬯᬳᬚᬷᬯᭂᬕᬶᬕ᭄᭞ᬫᬲᬸᬓᬸᬢᬸᬗ᭄ᬕᬮ᭄᭞ᬗᭂᬜ᭄ᬘᬃᬫᬦ᭄ᬢ᭄ᬭᬓᭂᬫᬓ᭄ᬓᭂᬫᬶᬓ᭄᭞᭟᭐᭟᭓᭟ᬯᬬᬦ᭄ᬧᬸᬬᬸᬂᬭᬶᬂᬧᬢᬸᬭᭀᬦ᭄ᬫᬦᬭᬶᬫ᭞ᬉᬫᭂᬦᭂᬂᬗᬾᬜ᭄ᬘᭂᬧ᭄ᬭᬶᬂᬳᬢᬶ᭞ᬫᬜᬸᬓ᭄ᬮᬬᬂᬫᬦᬄ᭞ᬧᬲᬸᬓ᭄ᬯᭂᬢᬸᬦᬶᬂᬳ
ᬤ᭄ᬯᬵᬚ᭄ᬜᬵᬦ᭞ᬧᬢᭂᬫᬸᬦ᭄ᬳᬃᬤᬦᬭᬾᬰ᭄ᬯᬭᬷ᭞ᬰᬸᬘᬶᬤᬸᬫᬶᬮᬄ᭞ᬮᬗ᭄ᬕᭂᬂᬦᬶᬧᬸᬬᬸᬂᬲᬸᬕᬶᬄ᭟᭐᭟᭔ᬳᬶᬤᬓᭀᬫᬂᬫᬗ᭄ᬯᭂᬯᭂᬳᬶᬦ᭄ᬫᬦᬶᬩᬓᬂ᭞ᬧᬫᬕ᭄ᬧᬸᬕ᭄ᬕᬸᬡᬍᬯᬶᬄ᭞ᬮᬦ᭄ᬧᬦᬗ᭄ᬓᭂᬩ᭄ᬚᬕ
Kaca:Bali-lontar-gaguritan-puyung-sugih-250ppi.pdf/89
Kaca puniki sampun kauji-wacén
