Kaca:Bali-lontar-gaguritan-puyung-sugih-250ppi.pdf/88

Saking Wikisource
Kaca puniki sampun kauji-wacén

[ ᭘᭗ 87B]
᭘᭗
ᬗᬭᬦ᭄᭞ᬩᬬᬸᬰᬩ᭄ᬤᬇᬥᭂᬧ᭄ᬚᬢᬶ᭞ᬲᭀᬮᬄᬫᬸᬜᬶᬫᬦᬄᬳᬶᬯᬂ᭟᭐᭟᭑᭐᭟ᬧᬸᬦᬶᬓᬳᬗ᭄ᬕᬾᬦ᭄ᬲᬶᬓᭂᬧ᭄ᬳᬧᬂᬲᬳᬶ᭞ᬧᬢᬶᬢᬶᬲᬂ᭞ᬲᭀᬮᬄᬫᬯᬶᬢᬾᬓ᭞ᬬᬤᬶᬦ᭄ᬫᬫᬦᬄᬳᬬᬸᬳᬕᬾ᭞ᬫᬓ᭄ᬭᬸ
ᬡᬳᬲᭂᬫᬸᬮᬸᬯᬸᬂ᭞ᬢᬶᬦ᭄ᬥᬓ᭄ᬳᬶᬥᭂᬧ᭄ᬳᬤᬸᬂᬲᬳᬶ᭞ᬓᬥᬂᬯᬃᬕᬦᬾᬮᬾᬤᬂ᭞ᬜᬶᬗᬓ᭄ᬫᬶᬯᬄᬗᬭᬸᬗᬸ᭞ᬓᬧᬸᬮᬸᬢ᭄ᬳᬤᬸᬂᬦᬸᬳᬸᬢᬂ᭞ᬬᬤᬶᬦ᭄ᬘᭀᬭᬄ᭞ᬲᬶᬕᬸᬕ᭄ᬢᭂᬫ᭄ᬧᬮ᭄ᬫᬫᬸᬜᬶ᭞ᬫᬗᬦᬹᬢᬂᬲᭀᬮᬄᬥᬃᬫ᭟᭐᭟
ᬦᬶᬓᬳᬦᬓ᭄ᬲᬢ᭄ᬭᬶᬬᬚᬵᬢᬶ᭞ᬫᬯᬶᬪᬯ᭞ᬮ᭄ᬯᬶᬳᬾᬦᬭᬶᬂᬚᬕᬢ᭄᭞ᬗᭂᬚᬸᬓ᭄ᬫᬸᬲᬸᬄᬲᬃᬯᬳᬾᬦ᭄ᬢᬾᬂ᭞ᬦᭂᬕᬮᬓ᭄ᬳᬶᬧᬸᬦ᭄ᬫᬦᬸᬄ᭞ᬫᬸᬮᬋᬗᬲ᭄ᬳᭂᬩᭀᬄᬲᬳᬶ᭞ᬫ᭄ᬯᬂᬦᬾᬫᬳᬸᬧᬲ᭄ᬧᬗᬦ᭄᭞ᬦᬸᬮ᭄ᬬᬳᬶᬧᬸ
ᬦ᭄ᬩᬸᬦ᭄ᬢᬸ᭞ᬫᬸᬲᬸᬳᬾᬧᬸᬦᬶᬓᬥᬂ᭞ᬓᬧᬶᬢᬺᬱ᭄ᬡᬦ᭄᭞ᬗᬫ᭄ᬩᬄᬧᭂᬜ᭄ᬘᬃᬳᭀᬮᬲ᭄ᬳᬲᬶᬄ᭞ᬢᬸᬫ᭄ᬩᬓ᭄ᬩᬩᬭᬸᬗᬦ᭄᭟᭐᭟᭑᭒᭟ᬮᬶᬫᬂᬧᭂᬢᭂᬂᬲᬵᬫ᭄ᬧᬸᬦ᭄ᬲ᭄ᬯ᭄ᬯᬾᬦᬾᬫᬗ᭄ᬓᬶᬦ᭄᭞ᬲᬵᬫ᭄ᬧᬿᬲᭂᬫᭂᬂᬦᬷᬯ
[ ᭘᭘ 88A]
ᬬᬦ᭄ᬫᬲᬢ᭄ᬯᬫ᭄ᬦᬾᬮᬦᬂᬲᬶᬋᬧ᭄ᬓᬮᬮᬾᬦ᭄᭞ᬧᬸᬧᬸᬢ᭄ᬫᬭᬢᭂᬗᬦ᭄ᬲᬵᬫ᭄ᬧᬸᬦ᭄᭞ᬫᬗᬦ᭄ᬗᬶᬦᬸᬫ᭄ᬢᬦ᭄ᬩᬯᭀᬲᬶᬦ᭄᭞ᬯᭂᬗᬶᬦᬾᬓᬯᬸᬯᬸᬲᬦ᭄᭞ᬦᬫ᭄ᬧᬶᬧᬸᬓᬸᬮ᭄ᬓᬸᬢᬸᬲ᭄᭞ᬳᬶᬧᬦᬮᬶᬓᬦ᭄ᬫᬲ᭄ᬯᬭ᭞ᬳᬶᬦ
ᬩ᭄ᬗᬤᭀᬓᬂ᭞ᬫᬕᬼᬦ᭄ᬤᬾᬂᬳᬶᬧᬸᬦ᭄ᬫᬢᬶᬢᬶᬃ᭞ᬕᬕᭂᬲᬄᬗᬦ᭄ᬢᬾᬦ᭄ᬳᬜᬃ᭟᭐᭟᭑᭓᭟ᬳᬶᬤᬓᭀᬫᬗᬸᬘᬧ᭄ᬲᬤᬚᭂᬗᬶᬲ᭄᭞ᬉᬥᬸᬄᬯᬬᬦ᭄᭞ᬬᬦᬶᬂᬚᬵᬢᬶᬧ᭄ᬭᬚ᭄ᬜᬦ᭄᭞ᬫᬕᬸᬡᬓᬵᬤᬶᬳᭀᬃᬣᬦᬾ᭞ᬦᬾᬚᬦᬶ
ᬲᬸᬩᬳᬤᬸ᭞ᬮ᭄ᬯᬶᬄᬓᬯᬶᬰᬾᬧᬦ᭄ᬜᬳᬶ᭞ᬚᬦᬶᬲᬸᬩᬲᭂᬦ᭄ᬢᭀᬓᬂ᭞ᬓᭀᬚᬲᬸᬩᬦᬸᬢᬸᬃ᭞ᬢᬦᬶᬳᬶᬤᭀᬂᬩᬸᬶᬂᬧᬢᬶᬩᬩᬢ᭄᭞ᬧᬥᬢᭂᬭᬂ᭞ᬲᬥᬸᬳᬋᬧ᭄ᬗᬚᬓ᭄ᬩᭂᬮᬶ᭞ᬓᬕᬸᬡᬦᬾᬳᬤᭀᬓᬂ᭟᭐᭟᭑᭔᭟ᬳᬕᬸ
ᬬᬸᬢᬬᬦ᭄ᬧᬸᬬᬸᬂᬜᬯᬸᬭᬶᬦ᭄᭞ᬭᬢᬸᬢᬶᬢ᭄ᬬᬂᬫᬶᬲᬶᬗ᭄ᬕᬶᬄᬦᭂᬕᬭᬂ᭞ᬦᬕᬶᬗᬶᬦ᭄ᬓᬳ᭄ᬬᬸᬦ᭄ᬭᬢᬸᬦᬾ᭞ᬓᬤᬶᬮ᭄ᬯᬶᬃᬓᬃᬱᬦ᭄ᬭᬢᬸ᭞ᬯᬦ᭄ᬢᬄᬦᬸᬳᬸᬢ᭄ᬮᬸᬯᬶᬃᬳᬶᬦᬧ᭄ᬢᬶ᭞ᬤᬶᬢᬸᬧᬥᬫᬳᬸᬩᬬ᭞ᬢᭂᬮᬸᬂᬯᭂᬗᬶᬲ᭄ᬬᬂ