Kaca:Bali-lontar-gaguritan-puyung-sugih-250ppi.pdf/86

Saking Wikisource
Kaca puniki sampun kauji-wacén

[ ᭘᭕ 85B]
᭘᭕
ᬭᬶᬂᬓᬭᬂᬲᬸᬯᬸᬂ᭞ᬯᭂᬗᬶᬦᬾᬢᬦ᭄ᬓᬳᬸᬘᬧᬂ᭞ᬢᬢᬲ᭄ᬲᭂᬫᭂᬂᬲᬵᬫ᭄ᬧᬸᬦ᭄ᬦᬫ᭄ᬧᬶ᭞ᬥᬸᬓ᭄ᬧᬸᬦᬶᬓ᭞ᬲᬵᬫ᭄ᬧᬸᬦ᭄ᬫᬶᬚᬶᬮ᭄ᬲᬂᬳ᭄ᬬᬂᬲᬹᬃᬬ᭟᭐᭟ᬧᬸᬧᬸᬄᬥᬂᬥᬂ᭟᭐᭟᭑᭟ᬕᭂᬮᬶᬲᬶᬂᬢᬸᬢᬸᬃᬓᭀᬘᬧ᭄ᬦᬾᬫᬗ᭄ᬓᬶᬦ᭄᭞
ᬯᬬᬧᬸᬬᬂᬳᬾᬧᭀᬢ᭄ᬫᬭᬢᭂᬗᬦ᭄᭞ᬳᬶᬯᬓ᭄ᬲᬗᬸᬶᬂᬫ᭄ᬩᭂᬮ᭄ᬫᬶᬯᬄᬚᬗᬦᬾ᭞ᬓᬘᬂᬕᭀᬭᬾᬂᬫᬶᬯᬄᬢᬸᬫ᭄᭞ᬲᬲᬬᬸᬭᬦ᭄ᬧᭂᬜ᭄ᬘᭀᬓ᭄ᬧᬗᬶ᭞ᬧᬸᬧᬸᬢ᭄ᬤᬦᬾᬫᬭᬢᭂᬗᬦ᭄᭞ᬮᬦ᭄ᬫᬲᭀᬤᬲᬵᬫ᭄ᬧᬸᬦ᭄᭞
ᬇᬗ᭄ᬕᬶᬄᬭᬢᬸᬚ᭄ᬯᬤᬸᬭᬸᬲᬂ᭞ᬲᬶᬦᬫ᭄ᬧᬸᬭ᭞ᬳᬢᬸᬭᬦᬾᬲᭀᬓ᭄ᬫᬘᬶᬭᬶ᭞ᬰᬺᬗ᭄ᬕᬭᬫᬗᬢᬸᬭᬂ᭟᭐᭟᭒᭟ᬳᬶᬤᬓᭀᬫᬂᬲᭀᬯᬂᬓᬾᬦᬓ᭄ᬦᬾᬫᬗ᭄ᬓᬶᬦ᭄᭞ᬫᬗᬚᭂᬗᬂᬳᬶᬭᬶᬂᬤᬦᬾᬯᬬᬦ᭄᭞ᬫ
ᬲᬦ᭄ᬥᬶᬂᬋᬓᬾᬮᬶᬗ᭄ᬕᬶᬳᬾ᭞ᬳᬕᭀᬲ᭄ᬢᬶᬲᬳᬓᭂᬜᬸᬂ᭞ᬳᬦᬩ᭄ᬦᭀᬭᬫᬗ᭄ᬕᬶᬄᬯᬾᬘᬶ᭞ᬮᬾᬤᬗᬾᬢᬦ᭄ᬢᬦ᭄ᬤᬶᬗᬦ᭄᭞ᬫᬜᬶᬂᬲᭀᬮᬄᬕᬸᬬᬸ᭞ᬧᬸᬧᬸᬢ᭄ᬲᬵᬫ᭄ᬧᬸᬦ᭄ᬫᬗ᭄ᬭᬬᬸᬦᬂ᭞ᬢᬦᬸᬘᬧᬦ᭄᭞ᬯᭂ
[ ᭘᭖ 86A]
ᬗᬶᬦᬾᬲᬵᬫ᭄ᬧᬸᬦ᭄ᬗᭂᬦ᭄ᬢᭀᬲᬶᬦ᭄᭞ᬳᬶᬤᬓᭀᬫᬂᬫᬗᬦ᭄ᬤᬶᬓ᭟᭐᭟᭓᭟ᬉᬥᬸᬄᬯᬬᬦ᭄ᬲᬫ᭄ᬩᬸᬗᬂᬚ᭄ᬯᬫᬮᬶᬄ᭞ᬥᬸᬄᬤᬸᬭᬸᬲᬂ᭞ᬳᬗ᭄ᬕᭀᬦ᭄ᬢᬗ᭄ᬓᬶᬲ᭄ᬫᬕᬥᬂ᭞ᬫᬗ᭄ᬤᬮᬶᬧᬸᬃᬓᬾᬳᬶᬲᭂᬗᬾ᭞ᬦᬷᬯᬬᬦ᭄ᬫᬧᬶ
ᬢᬸᬢᬸᬃ᭞ᬫᬦᭂᬫ᭄ᬧᬮᬶᬦ᭄ᬓᬵᬤᬶᬬᬸᬓ᭄ᬢᬶ᭞ᬇᬗ᭄ᬕᬶᬄᬭᬢᬸᬳᬶᬤᬓᭀᬫᬂ᭞ᬇᬦ᭄ᬥᬶᬓ᭄ᬭᬢᬸᬢᬸᬮᬸᬂ᭞ᬫᬗᭂᬫ᭄ᬩᬦ᭄ᬧᬺᬓᬭᬳᬦᬓ᭄᭞ᬢᬍᬃᬳᬶᬯᬂ᭞ᬫᬗᬸᬩᬸᬗᬶᬦ᭄ᬘᭀᬭᬄᬍᬗᬶᬢ᭄᭞ᬗᬭᬦᬶᬂᬕᬸᬭᬸᬤ᭄ᬭᭀᬯᬓ᭟
᭟᭐᭟᭔᭟ᬉᬧᬬᬦ᭄ᬭᬢᬸᬫᬗᬮᬶᬄᬧᬶᬧᬶᬲ᭄᭞ᬲᬂᬢᬸᬮᬸᬗᬶᬦ᭄᭞ᬳᬚᬃᬗᬯᬶᬓᬦ᭄ᬥ᭞ᬮᬶᬦ᭄ᬢᬂᬫᬳᬸᬓ᭄ᬧᬶᬓᭀᬮᬶᬳᬾ᭞ᬫᬶᬯᬄᬲᬦᬾᬩᬯᭀᬲ᭄ᬭᬢᬸ᭞ᬰᬹᬭᬤᬷᬭᬭᬶᬂᬳᬚᬸᬭᬶᬢ᭄᭞ᬲᬢ᭄ᬭᬶᬬᬢᬦ᭄ᬓᬧᬂ
ᬧᬗᬦ᭄᭞ᬳᬸᬬᬄᬚᬵᬚᬢᬶᬦᬶᬧᬸᬦ᭄᭞ᬲᬶᬗ᭄ᬕᬶᬄᬭᬢᬸᬫᬗᬲᭀᬭᬂ᭞ᬦᬸᬕᬶᬩᬗ᭄ᬕ᭄ᬭᬲ᭄᭞ᬳᬸᬚᬂᬤᬕᬶᬂᬫᬓᬲᬫᬶ᭞ᬳᬸᬚᬃᬳᬶᬤᬓᭀᬫᬂᬲᭀᬯᬂ᭟᭐᭟᭕᭟ᬲᬸᬫᬯᬸᬃᬦᬷᬯᬬᬦ᭄ᬧᬸᬬᬸᬂᬫᬮᬶᬄ