Kaca:Bali-lontar-gaguritan-puyung-sugih-250ppi.pdf/78

Kaca puniki sampun kauji-wacén

[ ᭗᭗ 77B]
᭗᭗
ᬢ᭞ᬫᬗ᭄ᬕᬶᬄᬧᬗ᭄ᬓᬢ᭄ᬲᬦᬾᬢᬶᬗ᭄ᬕᬶ᭟᭐᭟᭗᭟ᬭᬫ᭄ᬩᬸᬢ᭄ᬧᬜ᭄ᬚᬂᬳᬶᬧᬾᬦᬶᬧᬸᬦ᭄᭞ᬢᬦ᭄ᬥᬧᬘᬂᬧᭀᬮᬶᬄᬭᬩᬶ᭞ᬬᬾᬦᬶᬂᬗᬶᬩᭂᬃᬭᬶᬂᬧᬗᬶᬧ᭄ᬬᬦ᭄᭞ᬯᬍᬲᬦ᭄ᬳᬶᬤᬳ᭄ᬬᬂᬍᬯᬶᬄ᭞ᬬᬾᬦ᭄ᬗᬶᬧᬶᬢᬢᬸᬦᬶᬦ᭄ᬳᬦ
ᬓ᭄᭞ᬳᭀᬮᬶᬄᬳᬃᬱᬫᬶᬯᬄᬭᬩᬶ᭟᭐᭟᭘᭟ᬬᬾᬦᬶᬂᬗᬶᬧᬶᬪᬸᬢᬳᬶᬧᬸᬦ᭄᭞ᬘᭂᬦ᭄ᬥᭂᬓ᭄ᬢᬸᬯᬸᬄᬚᬕᬧᬗ᭄ᬕᬶᬄ᭞ᬬᬾᬦᬶᬂᬗᬶᬧᬶᬓᬸᬢᬂᬢᬶᬫ᭄ᬧᬮ᭄᭞ᬓᬢᬄᬮᬩᬚᬕᬧᬗ᭄ᬕᬶᬄ᭞ᬬᬾᬦᬶᬂᬗᬶᬧᬶᬚᬾᬗ᭄ᬕᭀᬢ᭄ᬧ
ᬜ᭄ᬚᬂ᭞ᬓᬲᬸᬓᬦᬾᬚᬕᬧᬗ᭄ᬕᬶ᭟᭐᭟᭙᭟ᬬᬾᬦ᭄ᬫᬕᬸᬦ᭄ᬢᬶᬂᬳᬶᬧᬾᬦᬶᬧᬸᬦ᭄᭞ᬳᬸᬢᬂᬜᬦᬾᬩᬸᬦ᭄ᬢᬲ᭄ᬲᬫᬶ᭞ᬬᬦ᭄ᬫᬢᬮᬶᬭᬶᬂᬧᬗᬶᬧ᭄ᬬᬦ᭄᭞ᬦᬶᬓᬳᬦᬓ᭄ᬕᭂᬤᬥᬦ᭄ᬯᬶᬥᬶ᭞ᬦᬸᬕᭂᬮ᭄ᬭᬫ᭄ᬩᬸᬢ᭄ᬭᬶᬂᬧᬗᬶᬧ᭄ᬬᬦ᭄
ᬚᬕᬧᬮᬲᬶᬧᬸᬦ᭄ᬫᬭᬩᬶ᭟᭐᭟᭑᭐᭟ᬬᬾᬦᬶᬂᬳᬶᬧᬸᬦ᭄ᬗᬶᬧᬶᬫᬮᬮᬸᬂ᭞ᬓᬜ᭄ᬘᬦ᭄ᬓᬾᬯᭂᬄᬢᭂᬮᬲ᭄ᬲᬫᬶ᭞ᬬᬾᬦᬶᬂᬗᬶᬧᬶᬳᬯᬓ᭄ᬩᬯᬓ᭄᭞ᬫᭀᬘᭀᬮ᭄ᬲᬫᬶᬦᬶᬂᬓᬃᬤᬶᬦᬶᬦ᭄᭞ᬬᬾᬦᬶᬂᬗᬶᬧᬶ
[ ᭗᭘ 78A]
ᬍᬫ᭄ᬧᬕ᭄ᬳᬦᬓ᭄᭞ᬲᬓᬶᬢ᭄ᬩᬭᬚᬕᬧᬗ᭄ᬕᬶᬄ᭟᭐᭟᭑᭑᭟ᬗᬶᬧᬶᬪᬸᬢᬫᬢᬦᬶᬧᬸᬦ᭄᭞ᬓᬮᬸᬤᬦ᭄ᬩᭀᬗᭀᬮ᭄ᬭᬶᬂᬓᬸᬧᬶᬂ᭞ᬲᬗ᭄ᬲᬭᬧᬗ᭄ᬕᬸᬄᬲᬢᬢ᭞ᬲᬧᬸᬦᬶᬓᬧᬸᬧᬸᬢ᭄ᬫᬗ᭄ᬓᬶᬦ᭄᭞ᬩᭂᬮᬶᬕᭂᬥᬾᬢᬸ
ᬢᬸᬃᬢᬶᬢ᭄ᬬᬂ᭞ᬧᬶᬭᬲᬢ᭄ᬚᬕᬜᬫ᭄ᬩᬸᬗᬶᬦ᭄᭟᭐᭟ᬧᬸᬧᬸᬄᬧᬗ᭄ᬓᬸᬃ᭟᭐᭟᭑᭟ᬢᭂᬫ᭄ᬩᬂᬧᬗ᭄ᬓᬸᬃᬫᬗᬸᬘᬧᬂ᭞ᬇᬦ᭄ᬥᬶᬓ᭄ᬧᬶᬭᬲᬢ᭄ᬫᬸᬗ᭄ᬕᬸᬄᬮᬮᬓᬶ᭞ᬬᬾᬦᬶᬂᬳᬩᬂᬘᬃᬫᬦᬶᬧᬸᬦ᭄᭞ᬩᭂᬤᭀᬲᬾᬢᬦ᭄ᬚᬗ᭄ᬓᬬᬦ᭄᭞ᬧᭂ
ᬮᬸᬂᬇᬋᬂᬚᬦ᭄ᬫᬇᬓᬓᬸᬮᬶᬢᬶᬧᬸᬦ᭄᭞ᬚᬦ᭄ᬫᬚᬳᬢ᭄ᬮᬶᬦ᭄ᬢᬂᬩᭀᬩᬩ᭄᭞ᬦᭀᬭᬜᬦ᭄ᬤᬂᬓᬕᬸᬕᭀᬦᬶᬦ᭄᭟᭐᭟᭒᭟ᬬᬾᬦᬶᬂᬘᬃᬫᬦ᭄ᬳᬦᬓ᭄ᬜᬦ᭄ᬤᬢ᭄᭞ᬲᭂᬫᬸᬤᬤᬸᬮᬶᬦ᭄ᬢᬂᬚᭂᬫᭂᬢ᭄ᬫᬧᬓᬃᬥᬶ᭞ᬓᬸᬮᬶ
ᬢ᭄ᬧᬸᬢᬶᬄᬢᬦ᭄ᬭᬳᬬᬸ᭞ᬫ᭄ᬯᬂᬭᬫ᭄ᬩᬸᬢᬶᬋᬂᬳᬓᬲ᭄᭞ᬮᬶᬦ᭄ᬢᬂᬩᭂᬘᬶᬓ᭄᭞ᬲᭀᬮᬄᬳᬶᬧᬸᬦ᭄ᬜᬦ᭄ᬤᬂᬕᬸᬕᬸ᭞ᬭᬫ᭄ᬩᬸᬢᬶᬗ᭄ᬕᭂᬮ᭄ᬫᬲᭂᬫᬸᬳᬩᬂ᭞ᬢᬸᬭᬶᬂᬳᬶᬗ᭄ᬕᭂᬮ᭄ᬲᭀᬮᬄᬩᭂᬘᬶᬓ᭄᭟᭐᭟᭓᭟ᬬᬾ