[ ᭗᭔ 74B]
᭗᭔
ᬫ᭄ᬩ᭄ᬮᬶᬮ᭄ᬳᬦᬓ᭄ᬤᬸᬭᬸᬂᬓᭂᬮᬶᬄ᭞ᬦᬶᬓᬳᬶᬯᬂᬲᬦᬾᬤᬸᬫᬸᬦ᭄᭞ᬇᬗ᭄ᬕᬶᬄᬓᬵᬤᬭᬵᬕᬦ᭄ᬩᭂᬮᬶ᭞ᬳᭂᬗ᭄ᬲᭂᬓ᭄ᬤᬦᬾᬕᭂᬥᬾᬳᬾᬮᭀᬕ᭄᭟᭐᭟᭒᭕᭟ᬓᬜ᭄ᬘᬦ᭄ᬫᬮᬕᬸᬤᬸᬕ᭄ᬩᬲᬸᬃᬧᬾᬭᭀᬢ᭄ᬭᬸᬫ᭄ᬧᬸᬄ᭞ᬫᬶᬯᬄᬲᬦᬾᬚᬭᬶ
ᬚᬶᬍᬩᬶᬄ᭞ᬲᬾᬗ᭄ᬓᭀᬓ᭄ᬤᬭᬶᬄᬲᬓᬶᬢ᭄ᬧᬭᬸᬂ᭞ᬩᭀᬭᭀᬓ᭄ᬢᬦ᭄ᬓᭂᬦᬾᬂᬢᬫ᭄ᬩᬦᬶᬦ᭄᭞ᬧᭀᬮᬶᬄᬳᬸᬧᬄᬦᬳᬧ᭄ᬘᭀᬃ᭟᭐᭟ᬲᬓᬶᬢ᭄ᬧᬦᭂᬲ᭄ᬩᭂᬩᭂᬢᭂᬕ᭄ᬫᭂᬚᭂᬦ᭄ᬫᬶᬯᬄᬓᭂᬢᬸᬕ᭄᭞ᬗᬘᬸᬄᬳᬶᬗᬸᬄᬍᬗᭂᬄᬫᬮᬶᬄ᭞ᬓᭂ
ᬩᬸᬲ᭄ᬗᭂᬢᭀᬃᬤᬶᬗᬶᬦ᭄ᬗᬸᬄᬕᬸᬄ᭞ᬳᬶᬯᬂᬳᬶᬧᬸᬦ᭄ᬲᬦᬾᬗᬹᬦᬷ᭞ᬜᬓᬶᬢᬶᬦ᭄ᬲᬓᬜ᭄ᬘᬦ᭄ᬩᬸᬭᭀᬦ᭄᭟᭐᭟᭒᭗᭞ᬳᬸᬚᬂᬢᬶᬢ᭄ᬬᬂᬦᬭᬦᬾᬦᬾᬲᬓᬶᬢ᭄ᬩᬸᬤᬸᬄ᭞ᬲᬦᬾᬤᬸᬫᬸᬦ᭄ᬫᬢᬢ᭄ᬫᬢᬶᬢ᭄᭞ᬗᬫᬥᭂᬫᬂᬢᬧ
ᬗᬶᬢᬸᬂ᭞ᬫᬳᬓ᭄ᬫᬾᬕᬮ᭄ᬮᬦ᭄ᬫᬫᬮᬶᬂ᭞ᬫᬶᬯᬄᬲᭀᬮᬄᬜᬗᬕᬾᬦ᭄ᬤᭀᬂ᭟᭐᭟᭒᭘᭟ᬫᬮᬶᬄᬩᬸᬤᬸᬄᬦᬾᬳᬸᬚᬗᬶᬢᬸᬃᬫᬫ᭄ᬬᬸᬢ᭄᭞ᬫᬲᬂᬢᬸᬩᬫᬶᬯᬄᬘᭂᬢᬶᬓ᭄᭞ᬫᬲᬂᬤᬾᬱ᭄ᬝᬶᬮᬾᬬᬓ᭄ᬦᭂᬮᬸᬄ
[ ᭗᭕ 75A]
ᬫᬶᬭᬢ᭄ᬥᬬᬫᭂᬮᭀᬕ᭄ᬫᭂᬮᭀᬕᬶᬦ᭄᭟ᬢᬸᬳᬸᬦ᭄ᬓᭂᬤᬲ᭄ᬤᬤᬶᬩᬸᬭᭀᬦ᭄᭟᭐᭟᭒᭙᭟ᬳᬶᬯᬂᬳᬶᬓᬸᬦᭀᬭᬓᭂᬦᬫᬮᬶᬄᬢᭂᬩᬸᬲ᭄᭞ᬯᬾᬢ᭄ᬚᬕᬢ᭄ᬫᬦᭂᬧᬲᬶᬦ᭄᭞ᬦᬶᬓᬩᭂᬓᭂᬮ᭄ᬢᬸᬯᬸᬦ᭄ᬗᬗ᭄ᬕᬸᬃ᭞ᬤᬶᬦᬶᬚᬦᬶᬧᬲᬶ
ᬗ᭄ᬓᬸᬳᬶᬦ᭄᭞ᬫᬶᬯᬄᬜᬓᬶᬢᬾᬕᭀᬦ᭄ᬤᭀᬂ᭟᭐᭟᭓᭐᭟ᬓ᭄ᬭᬡᬓᬤᬸᬱ᭄ᬝᬦ᭄᭟ᬭᬵᬩᬤᬸᬱ᭄ᬝᬲᬦᬾᬤᬸᬫᬸᬦ᭄᭞ᬓᬘᬸᬮᬶᬕᬦ᭄᭞ᬘᬸᬮᬶᬕ᭄ᬗᬹᬦᬷ᭞ᬓᬭᬸᬲᬸᬳᬦ᭄᭞ᬭᬸᬲᬸᬄᬤᬸᬫᬸᬦ᭄᭞ᬯᬦ᭄ᬢᬄᬤᬤ᭄ᬯᬧᬶᬓᭀᬮᬶᬄ
ᬚᬦᬶ᭞ᬧᬲᬶᬗ᭄ᬓᬸᬳᬶᬦ᭄ᬫᬯᬂᬲᬓᬶᬢ᭄ᬧᭀᬦ᭄ᬤᭀᬂ᭟᭐᭟ᬧᬸᬧᬸᬄᬤᭂᬫᬸᬂᬓᬯᬶᬢᬦ᭄᭟᭐᭟᭑᭟ᬤᭂᬫᬸᬂᬳᬗ᭄ᬕᬾᬦ᭄ᬫᬜᬫ᭄ᬩᬸᬗᬶᬦ᭄᭞ᬤᬦᬾᬕᭂᬥᬾᬧᬧᬶᬢᬸᬳᬸ᭞ᬲᭀᬮᬄᬳᬦᬓ᭄ᬫᬮ᭄ᬬᬦᬶᬦ᭄᭞ᬫᬮᬶᬳᬶᬦ᭄ᬳᬤᬶᬳ
ᬬᬸ᭞ᬇᬦ᭄ᬥᬶᬓ᭄ᬤᬦᬾᬦᬸᬮᬸᬂᬳᬸᬭᬶᬧ᭄᭞ᬧᬸᬦᬶᬓᬚ᭄ᬯᬤᬾᬯᬩᬯᭀᬲ᭄᭟᭐᭟᭒᭟ᬦᬷᬧᬸᬬᬸᬂᬜᬯᬸᬭᬶᬦ᭄᭞ᬲᭀᬮᬄᬥᬦᬳᬢᬸᬮᬸᬂ᭞ᬦᬭᬶᬂᬓᬥᬂᬓᬸᬮᬯᬃᬕᬶ᭞ᬲᭀᬮᬄᬩᬮ᭄ᬬᬦ᭄ᬢᬶᬯᬲ᭄ᬧᬸᬗ᭄ᬕᬸᬂ᭞ᬦᬶᬓᬩᭂ
Kaca:Bali-lontar-gaguritan-puyung-sugih-250ppi.pdf/75
Kaca puniki sampun kauji-wacén
