Kaca:Bali-lontar-gaguritan-puyung-sugih-250ppi.pdf/74

Saking Wikisource
Kaca puniki sampun kauji-wacén

[ ᭗᭓ 73B]
᭗᭓
᭞ᬬᬾᬦᬶᬂᬳᬦᬓ᭄ᬓᬾᬲ᭄ᬓᬾᬲ᭄ᬕᬸᬤᬶᬕ᭄᭞ᬳᬶᬯᬂᬳᬶᬧᬸᬦ᭄ᬲᬓᬶᬂᬤᬸᬫᬸᬦ᭄᭞ᬭᬶᬂᬳᬤᭂᬕᬦ᭄ᬫᬫᬸᬶᬦ᭄ᬤᬸᬂᬧᬭᬶ᭞ᬲᭀᬮᬄᬳᬶᬧᬸᬦ᭄ᬗᬮᬶᬄᬜᭀᬓ᭄᭟᭐᭟᭑᭖᭟ᬬᬾᬦ᭄ᬩᬸᬮᬾᬦᬦ᭄ᬮᬦ᭄ᬕᭂᬦᬶᬢᬦ᭄ᬓᬯᬓ᭄ᬳᬶᬧᬸᬦ᭄᭞ᬳᬜᭀᬭᬄᬩ᭄ᬭ
ᬲ᭄ᬲᬦᬾᬗᬹᬦᬶ᭞ᬬᬦ᭄ᬗᬭᬶᬚᭂᬧ᭄ᬳᬶᬧᬸᬦ᭄ᬳᬦ᭄ᬤᬸᬮᬸ᭞ᬤᬤᬶᬢᭂᬮᬶᬓ᭄ᬚᬸᬭᬸᬳᬶᬦ᭄ᬢᬶᬧ᭄᭞ᬗᬦ᭄ᬢᬶᬦᬶᬦ᭄ᬳᬶᬘᭀᬭᬄᬗᬕᭀᬃ᭟᭐᭟᭑᭗᭟ᬬᬾᬦᬶᬂᬍᬗᬃᬫ᭄ᬯᬂᬳᬚᬸᬮ᭄ᬚᬸᬮ᭄ᬢᭂᬦ᭄ᬤᬲᬶᬧᬸᬦ᭄᭞ᬦᬶᬓᬲᬮᬳᬾᬫᬫᬮᬶᬂ᭞ᬲᬸᬲᬸᬳᬦᬓ᭄ᬳᬦ
ᬓ᭄ᬤᬸᬫᬸᬦ᭄᭞ᬬᬦ᭄ᬢᭂᬕᭂᬦᬦ᭄ᬧᬸᬦ᭄ᬓᬧᬮᬶᬂ᭞ᬩᬳᬸᬤᬸᬭᬶᬳᬶᬧᬸᬦ᭄ᬕᭀᬦ᭄ᬤᭀᬂ᭟᭐᭟᭑᭘᭟ᬬᬦᬶᬂᬘᬸᬗᬶᬓ᭄ᬚᬸᬯᬄᬓᬜ᭄ᬘᬦ᭄ᬲᬦ᭄ᬲᬓᬶᬢ᭄ᬭᬶᬂᬩᬸᬗᬸᬢ᭄᭞ᬫᬫᬶᬲᬸᬦᬲᬦᬾᬗᬹᬦᬶ᭞ᬫᬶᬯᬄᬢᬸᬮᬶᬢᬦ᭄ᬧᬗ᭄ᬭᬸᬗᬸ᭞ᬦᬫ᭄ᬧᬕᬂᬢᭀᬂ
ᬫᬫᬗ᭄ᬕᬶᬳᬶᬦ᭄᭞ᬯ᭄ᬯᬂᬲᬗ᭄ᬓᬮᬫᬗ᭄ᬕᬸᬄᬓᬯᭀᬦ᭄᭟᭐᭟᭑᭙᭟ᬬᬦᬶᬂᬩᬸᬢᬲᬓᬶᬂᬫᬶᬚᬶᬮ᭄ᬧᬗ᭄ᬕᬸᬄᬳᬶᬧᬸᬦ᭄᭞ᬫᬓ᭄ᬱᬗᬫ᭄ᬩᬶᬮ᭄ᬲᬦᬾᬗᬹᬦᬶ᭞ᬗᬫ᭄ᬩᬶᬮ᭄ᬤᬸᬤᬸᬕᭂᬮᬄᬳᬶᬧᬸᬦ᭄᭞ᬬᬾᬦᬶᬂᬫᬮᬕᭀ
[ ᭗᭔ 74A]
ᬦ᭄ᬤᭀᬂᬫᬮᬶᬄ᭞ᬢᬫ᭄ᬧᬩᬤᬸᬫᬸᬦ᭄ᬦᬕᬧ᭄ᬘᭀᬃ᭟᭐᭟᭒᭐᭟ᬫᬮᬶᬄᬭᬲ᭄ᬢᬸᬫ᭄ᬓᬜ᭄ᬘᬦ᭄ᬲᬓᬶᬢ᭄ᬦᬭᬶᬂᬘᬸᬗᬸᬄᬳᬶᬯᬂᬳᬶᬧᬸᬦ᭄ᬲᬦᬾᬗᬹᬦᬷ᭞ᬕᬗ᭄ᬕᬸᬘᬸᬮᬶᬕ᭄ᬲᬦᬾᬤᬸᬫᬸᬦ᭄᭞ᬕᬸᬬᬸᬢᭂᬍᬩ᭄ᬳᬧᬂᬲᬳᬶ᭞ᬗᬭᬦ᭄ᬳᬦᬓ᭄ᬚᬸᬭᬸᬳᭂᬫ᭄ᬧᭀ
ᬓ᭄᭟᭐᭟᭒᭑᭟ᬬᬾᬦᬶᬂᬓᭀᬮᭀᬓ᭄ᬲᬓᬶᬂᬫᬵᬮᬦᬶᬧᬸᬦ᭄ᬫᭂᬢᬸ᭞ᬫᭂᬮᭀᬕ᭄ᬫᭂᬮᭀᬳ᭄ᬲᬦᬾᬗᬹᬦᬷ᭞ᬲᭀᬮᬄᬳᬶᬧᬸᬦ᭄ᬢᬦ᭄ᬓᬳᬶᬢᬸᬂ᭞ᬬᬾᬦᬶᬂᬲᬓᬶᬢ᭄ᬩᬸᬮ᭄ᬩᬸᬮ᭄ᬫᬮᬶᬄ᭞ᬤᬸᬫᬸᬦ᭄ᬕᭂᬫᭂᬲ᭄ᬦᬶᬕ᭄ᬢᬶᬕ᭄‌ᬯᭀᬂ᭟᭐᭟᭒᭒᭟ᬲᬓᬶᬢ᭄ᬮᬾᬤᬾᬄ
ᬫᬮᬶᬄᬩᭂᬲᭂᬄᬓᬜ᭄ᬘᬦᬶᬧᬸᬦ᭄᭞ᬕᭂᬫᭂᬲ᭄ᬗᭀᬫ᭄ᬧᬾᬲ᭄ᬲᬦᬾᬗᬹᬦᬷ᭞ᬲᬓᬶᬢ᭄ᬗ᭄ᬭᬧᬫᬮᬶᬄᬧᬗ᭄ᬕᬸᬄ᭞ᬦᬾᬫᬮᬸᬕᭂᬫᭂᬲ᭄ᬗᬧ᭄ᬮᬓᬶᬦ᭄᭞ᬲᬓᬶᬢ᭄ᬓᬸᬮᬶᬢ᭄ᬧᬢᭂᬭᭀᬧᭀᬲ᭄᭟᭐᭟᭒᭓᭟ᬬᬾᬦ᭄ᬓᬳᬗᬦ᭄ᬢᬸᬃᬫ᭄ᬩᬸᬄᬦᬸᬶ
ᬲᬓᬶᬢ᭄ᬦᬭᬶᬂᬧᬸᬧᬸᬲ᭄᭞ᬚᬦ᭄ᬫᬦᬓᬮ᭄ᬢᬦ᭄ᬧᬢᬦ᭄ᬤᬶᬂ᭞ᬲ᭄ᬫᬭᬤᬸᬤᬸᬬᬫᬗ᭄ᬮᬶᬧᬸᬢ᭄᭞ᬳᬶᬧᬸᬦ᭄ᬫᬓ᭄ᬱᬫᬦᬸᬭᭀᬦᬶᬦ᭄᭞ᬗᭂᬚᬸᬓ᭄ᬗᬧᬸᬲᬶᬥᭂᬧ᭄ᬜᭀᬮᭀᬂ᭟᭐᭟ᬬᬾᬦᬶᬂᬯᬦ᭄ᬤᬸᬲᬓᬶᬂᬧᬸᬭᬸᬲ᭄ᬮᬶᬦ᭄ᬢᬂᬓᬶᬫᬸᬤ᭄᭞ᬗ