Kaca:Bali-lontar-gaguritan-puyung-sugih-250ppi.pdf/71

[ ᭗᭐ 70B]
᭗᭐
ᬤᬸᬫᬸᬦ᭄᭞ᬉᬧᬓᬭᬦ᭄ᬳᬦᬓ᭄ᬳᭀᬥᬄ᭞ᬧᬸᬦᬶᬓᬤᬾᬯᬢᬸᬢᬸᬭᬂ᭟᭐᭟᭔᭟ᬯᬬᬦ᭄ᬧᬸᬬᬸᬂᬜᬯᬶᬲ᭄ᬲᬤᬳᬮᬸᬲ᭄᭞ᬩᭂᬓᭂᬮ᭄ᬯᬱ᭄ᬝᬦ᭄ᬜᬦᬾ᭞ᬭᬶᬂᬢᬸᬢᬸᬃᬫᬸᬶᬧᬦᬸᬫᬤ᭄ᬬᬦ᭄ᬩᭂᬮᬶ᭞ᬳᬶᬯᬂᬥᬸᬓ᭄ᬤᬸᬫᬤ᭄ᬬᬓᬸᬶᬦᬶᬂᬤᬸᬫᬸᬦ᭄᭞
ᬲᬶᬕᬸᬕ᭄ᬢᭂᬫ᭄ᬧᬮ᭄ᬢᬦ᭄ᬧᬢᬸᬢᬸᬃ᭞ᬢᬸᬮᬓ᭄ᬓᬧᬶᬦ᭄ᬢᬸᬢᬸᬃᬳᭀᬤᬄ᭞ᬲ᭄ᬫᬭᬢᬸᬭᬦᬾᬫᬗ᭄ᬕᬶᬧᬸᬢ᭄᭞ᬲᬮᬄᬫᬭᭀᬲᬶᬄᬦᬾᬲᬸᬩ᭞ᬦᬭᬶᬂᬳᬦᬓ᭄ᬤᬸᬭᬸᬂᬩᬚᬂ᭟᭐᭟᭕᭟ᬳᬶᬯᬂᬲᬦᬾᬤᬸᬫᬸᬦ᭄ᬫᬗ᭄ᬓᬾᬧᬗ᭄ᬕᬸᬄ᭞ᬭᬶᬂᬳᬶᬤᬸᬧᬾᬫᬗ᭄ᬓᬾ᭞
ᬲᬦᬾᬮᬦᬂᬕᭂᬮᬶᬲ᭄ᬜᬯᬸᬭᬶᬦ᭄᭞ᬳᬸᬥᬸᬄᬳᬤᬶᬯᬬᬦ᭄ᬧᬸᬬᬸᬂ᭞ᬮᬶᬦ᭄ᬢᬂᬲᬬᬂᬳᬤᬶᬳᬬᬸ᭞ᬘᬸᬢᭂᬢ᭄ᬚᬦᬶᬬᬦᬸᬘᬧᬂ᭞ᬲᬲᬗᬶᬦᬾᬲᭀᬓ᭄ᬫᬢᬯᬸᬃ᭞ᬳᬕᭂᬢ᭄ᬩᭂᬮᬶᬲᬸᬩᬗᬦᬹᬢᬂ᭞ᬓ᭄ᬭᬫᬦ᭄ᬳᬦᬓ᭄ᬫᬓᬸᬋᬡᬦ᭄᭟᭐
᭟᭖᭟ᬳᬾᬮᬶᬂᬭᬶᬂᬢᬸᬢᬸᬃᬲᬂᬮᬶᬗ᭄ᬲᬶᬃᬤᬸᬫᬸᬦ᭄᭞ᬓᭂᬘᬧ᭄ᬳᬕᬫᬦᬾ᭞ᬢᬦ᭄ᬧᬶᬲᬦ᭄ᬓᬾᬗᬶᬦ᭄ᬜᬓᬶᬢᬶᬦ᭄᭞ᬳᬦᬭᬶᬂᬲᬲᬫᬳᬶᬤᬸᬧ᭄᭞ᬓᬗᭂᬦ᭄ᬩᭂᬮᬶᬦᬾᬫᬫᬸᬧᬸᬢ᭄᭞ᬫᬗᭂᬦᭂᬳᬶᬦ᭄ᬜᬳᬶᬯᬬᬦ᭄᭞ᬲᭀᬮᬄᬳᬶ
[ ᭗᭑ 71A]
ᬲᬶᬂᬭᬶᬂᬧᬢᬸᬭᬸ᭞ᬓᭂᬜᬸᬂᬦᬷᬯᬬᬦ᭄ᬳᬗᬸᬘᬧ᭄᭞ᬳᬶᬲᭂᬂᬢᬶᬢ᭄ᬬᬂᬗᬾᬓᬮᬶᬦ᭄ᬢᬂ᭟᭐᭟᭗᭟ᬗᬸᬢᬂᬳᬸᬫᬄᬫᬶᬯᬄᬭᬵᬫᬳᬶᬩᬸ᭞ᬗᬮᬶᬄᬩᭂᬮᬶᬕᭂᬥᬾ᭞ᬓᬕᬾᬢ᭄ᬫᬗ᭄ᬕᬸᬄᬓᬵᬤᬶᬫᬗ᭄ᬓᬶᬦ᭄᭞ᬩᬶᬮᬶᬄᬢᬶᬢ᭄ᬬᬂᬩᬸᬤᬸᬄ᭞ᬓᭂ
ᬩᬸᬲ᭄ᬩᬭᬮᬶᬦ᭄ᬢᬂᬳᬶᬩᬸᬓ᭄᭞ᬧᬲᬸᬓᬶᬦ᭄ᬲ᭄ᬫᬭᬢᬸᬭᬶᬤ᭞ᬲᬦᬾᬮᬦᬂᬲᭂᬕᬸᬲᭂᬕᬸ᭞ᬲᭂᬤᬶᬄᬓᬗᭂᬦ᭄ᬜᭂᬮ᭄ᬲᭂᬮ᭄ᬳᬯᬓ᭄᭞ᬥᬸᬄᬳᬫ᭄ᬧᬸᬭᬜᬳᬶᬯᬬᬦ᭄᭟᭐᭟᭘᭟ᬲᬗ᭄ᬲᬭᬦᬾᬤᬤᬶᬳᬦᬓ᭄ᬯᬦ᭄ᬤᬸ᭞ᬦᬧᬶᬧᬜᬸᬧᬢᬾ᭞
ᬤ᭄ᬯᬦᬶᬂᬳᬤᬶᬓᭂᬦᬩᬶᬩᬶᬢ᭄᭞ᬦᬶᬯᬬᬦᬼᬕᬭᬶᬂᬓᬳ᭄ᬬᬸᬦ᭄᭞ᬉᬧᬬᬦᬾᬲᬵᬫ᭄ᬧᬸᬦᬂᬓᬾᬫᬲᭂᬮ᭄ᬲᭂᬮᬦ᭄᭞ᬦᬶᬓᬶᬧᬢᬶᬢᬳᬶᬂᬧᭂᬤᬸᬫ᭄᭞ᬳᬮᬳᬬᬸᬦᬶᬂᬫᬚᬦ᭄ᬫ᭞ᬫᬗ᭄ᬓᬶᬦ᭄ᬯᬳᬸᬫᬲᭂ
ᬮ᭄ᬲᭂᬮᬦ᭄᭟᭐᭟᭙᭟ᬗᬫᬮᬶᬳᬶᬦ᭄ᬦᬾᬮᬦᬂᬫᬯᬸᬯᬸᬲ᭄᭞ᬩᭂᬮᬶᬫᬤ᭄ᬯᬾᬳᬶᬯᬗᬾ᭞ᬲᬵᬫ᭄ᬧᬸᬦ᭄ᬳᬤᬶᬲᬮᬶᬢ᭄ᬢᬫ᭄ᬧᬶ᭞ᬬᬤᬶᬦ᭄ᬧᭀᬘᭀᬮ᭄ᬢᬦ᭄ᬧᬳᬶᬢᬸᬂ᭞ᬉᬧᬮᬭᬭᬶᬗ᭄ᬕᬶᬢ᭄ᬲᬢᬸᬲ᭄᭞ᬮᬫᬸᬦᬶᬥᭂᬧ᭄ᬯ