[ ᭖᭙ 69B]
᭖᭙
ᬚ᭄ᬭᭀᬦᬾᬢᬶᬢ᭄ᬬᬂᬮᬕᬲ᭄᭞ᬓᬧᭀᬓᬗ᭄ᬕᭀᬦᬾᬦᬾᬫᬗ᭄ᬓᬶᬦ᭄᭞ᬧᬶᬂᬮᬶᬫᬦᬶᬯᬬᬦ᭄ᬜᬧ᭄ᬬᬦ᭄᭟᭐᭟᭒᭕᭟ᬮᬘᬸᬃᬢᬶᬢ᭄ᬬᬂᬩᬚᬂᬢᬶᬍᬄᬮᬸᬯᬲ᭄ᬫᬫᬸᬶᬮᬶᬄ᭞ᬘᬸᬘᬸᬦᭀᬭᬗᭂᬮᬄ᭞ᬢᬫ᭄ᬬᬸᬦᬾ
ᬫᬦᬗ᭄ᬕᬮ᭄ᬳᬭᬶᬲ᭄᭞ᬘᬸᬢᭂᬢ᭄ᬕᬸᬭᬸᬓᬗ᭄ᬕᭀᬧᬶᬲᬦ᭄᭟᭐᭟᭒᭖᭟ᬤᬦᬾᬯᬭᬂᬲᬯᬸᬃᬫᬦᬶᬲ᭄ᬫᬦᬸᬮᬸᬭᬶᬦ᭄᭞ᬤ᭄ᬬᬲ᭄ᬢᬸᬦ᭄ᬜᬧᬶᬂᬓᬸᬤ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬫᬦ᭄ᬢᬸᬚᬕᬶ᭞ᬚᭀᬮᭀᬢ᭄ᬢᬶᬢ᭄ᬬᬗᬾᬗᬯᬶᬦᬂ᭟᭐᭟
᭒᭗᭟ᬫᬕᬸᬬᭀᬦᬦ᭄ᬩᬧᬦ᭄ᬧᬸᬬᬸᬂᬫᬜᬯᬸᬭᬶᬦ᭄᭞ᬫᬗᬸᬘᬧᬂᬤᬂᬩᬃ᭞ᬢᬶᬢᬄᬕᬶᬭᬂᬢᬩᬸᬄᬫᬦᬶᬲ᭄᭞ᬮᬳᬶᬲ᭄ᬲᬳᬶᬢ᭄ᬯᬭᬗᬮᬄ᭟᭐᭟᭒᭘᭟ᬓᬢᬢᬩᬂᬗᬦ᭄ᬢᬾᬦ᭄ᬜᬦᬾᬲᬋᬂᬓᬮᬶᬄ᭞ᬲᬓ᭄ᬱᬶ
ᬲᬳᬓᬥᬂ᭞ᬧᬸᬧᬸᬢ᭄ᬗᬚᭂᬂᬲᬋᬂᬲᬫᬶ᭞ᬦᬶᬮᬸᬄᬯᬬᬦ᭄ᬗᬸᬚᬂᬭᬭᬗᬦ᭄᭟᭐᭟᭒᭙᭟ᬓᬘᬸᬢᭂᬢᬂᬤᬰᬰᬷᬓᬵᬤᬶᬗᬹᬦᬶ᭞ᬲᬫᬶᬓᬉᬚᬗᬂ᭞ᬩ᭄ᬭᬢᬓᭂᬫᬶᬢᬦᬾᬫᬮᬶᬄ᭞ᬲᭀᬭᬾ
[᭗᭐ 70A]
ᬧᬸᬧᬸᬢ᭄ᬭᬭᬶᬲ᭄ᬩᬸᬤᬮ᭄᭟᭐᭟ᬱᬸᬱᬸᬳᬤ᭄ᬭᬷ᭟᭐᭟᭑᭟ᬕᭂᬮᬶᬲᬶᬂᬢᬸᬢᬸᬃᬲᬵᬫ᭄ᬧᬸᬦ᭄ᬭᬯᬸᬄ᭞ᬓᬓᬧᬗᬸᬗᬦᬺᬓᬾ᭞ᬓᬲ᭄ᬯᬾᬦ᭄ᬤᬦᬾᬧᭀᬮᬶᬄᬳᭀᬃᬢᬶ᭞ᬕᭂᬥᬾᬳᬾᬮᭀᬕ᭄ᬓᭀᬘᬧ᭄ᬯᬦ᭄ᬤᬸ᭞ᬦᬷᬮᬸᬄᬧᬸᬬᬸᬂᬦᭀᬭᬳᬶ
ᬩᬸᬓ᭄᭞ᬦᬸᬕᬶᬫᬗ᭄ᬮᬶᬕᬲ᭄ᬧ᭄ᬭᬡᬦᬾ᭞ᬍᬫᬄᬧᭂᬢᭂᬂᬤᬦᬾᬤᬶᬢᬸ᭞ᬢᬶᬗ᭄ᬓᬄᬫᬜᬶᬂᬓᭂᬮᬲ᭄ᬓᭂᬮᬲ᭄᭞ᬲᬵᬫ᭄ᬧᬸᬦ᭄ᬢᬸᬢᬸᬕ᭄ᬲᭀᬮᬲ᭄ᬤᬶᬦ᭟᭐᭟᭒᭟ᬫᬕᬸᬮ᭄ᬕᬸᬮᬦ᭄ᬩᬶᬮᬂᬧᭂᬢᭂᬂᬤᬶᬢᬸ᭞ᬲᭀᬮᬄᬗᬦ᭄ᬢᬾᬦᬾ᭞ᬭᬶᬂᬧᬢᬸᬭᭀ
ᬦ᭄ᬲᬮᬶᬂᬓᬶᬮᬶᬢ᭄᭞ᬲᬦᬾᬮᬸᬄᬫᬤᬤᬸᬳᬸᬦ᭄᭞ᬢᬗᬦᬾᬢᭂᬓᭂᬧᬂᬲᬸᬲᬸ᭞ᬲᬦᬾᬮᬦᬂᬚᭂᬗᬄᬫᬫᬦᬄ᭞ᬫᬲᬶᬄᬗ᭄ᬭᬾᬥᬾᬧ᭄ᬲᬹᬃᬬᬦᬶᬧᬸᬦ᭄᭞ᬧᬸᬓᬸᬮ᭄ᬮᬶᬫᬗᬸᬦ᭄ᬢᬸᬮ᭄ᬤᭀᬯᬂ᭞ᬩᬶᬮᬂᬯᭂᬗᬶᬲᬧᬸᬦᬶᬓ᭟᭐᭟᭓᭟
ᬦᬾᬮᬦᬂᬫᬫᬸᬜᬶᬲᬤᬳᬮᬸᬲ᭄᭞ᬗᭂᬫ᭄ᬩᭂᬂᬬᬾᬄᬅᬓ᭄ᬱᬶᬦᬾ᭞ᬳᬸᬥᬸᬄᬯᬬᬦ᭄ᬧᬸᬬᬸᬂᬲᬸᬕᬶᬄ᭞ᬮᬶᬦ᭄ᬢᬂᬮᬘᬸᬃᬩᭂᬮᬶᬢᬸᬫ᭄ᬩᬸᬄ᭞ᬫᬦᬸᬫᬤᬶᬤᬤᬶᬯᬦ᭄ᬤᬸ᭞ᬦᬧᬶᬦᬾᬗᬯᬶᬦᬂᬢᬶᬢ᭄ᬬᬂ᭞ᬦᬧᬶᬳᬶᬯᬂᬲᬦᬾ
Kaca:Bali-lontar-gaguritan-puyung-sugih-250ppi.pdf/70
Kaca puniki sampun kauji-wacén
