Kaca:Bali-lontar-gaguritan-puyung-sugih-250ppi.pdf/65

Saking Wikisource
Kaca puniki sampun kauji-wacén

[ ᭖᭔ 64B]
᭖᭔
ᬧᭂᬦ᭄ᬩᭂᬮᬶᬦᬾᬓᬧᬶᬦ᭄ᬯᬬᬦ᭄᭞ᬢᬸᬢᬸᬭᬶᬜ᭄ᬚᬸᬯᬦᬾᬚᬦᬶ᭞ᬕᬯᬾᬦᬾᬫᬲᬸᬓ᭄ᬭᬶᬂᬳᬢᬶ᭞ᬦᬾᬗᬯᬶᬦᬂᬲᬸᬕᬶᬄᬤᬸᬭᬸᬲ᭄᭞ᬚᬦᬶᬫᬭᬮᬶᬫᬂᬤᭀᬓᬃ᭞ᬓᬸᬤᬦ᭄ᬜᬦᬾᬧᬶᬢᬸᬂᬲᬶᬓᬶ᭞ᬲᬓᬶᬂᬲᬵᬫ᭄ᬧᬸᬦ᭄᭞ᬕᬸᬡᬓᬬᬧᬤᬾ
ᬯᬾᬓᬦ᭄᭟᭐᭟᭑᭗᭟ᬯᬬᬦ᭄ᬧᬸᬬᬸᬂᬫᬦᬶᬲ᭄ᬦᬥ᭄ᬕᬮ᭄᭞ᬧᬸᬦᬶᬓᬜᬦ᭄ᬤᬂᬯᭂᬯᭂᬳᬶᬦ᭄᭞ᬓᬢᬸᬭᬗ᭄ᬕᬦ᭄ᬓᬸᬤᬫᭂᬮᬄ᭞ᬫᬗᬯᬶᬦᬂᬲᬸᬕᬶᬄᬲᬶᬗ᭄ᬕᬶᬄ᭞ᬢᬶᬢ᭄ᬬᬂᬳᭀᬮᬶᬄᬲᬦᬾᬗᬹᬦᬶ᭞ᬩᬘᬓ᭄ᬓᬸᬤᬜᬦ᭄ᬤᬂᬳᬸᬩᬸᬄ᭞ᬓᬢᬸ
ᬢᬸᬭᬦ᭄ᬳᬦᬓ᭄ᬳᭀᬥᬄ᭞ᬤᬸᬭᬸᬲ᭄ᬩᬕᬸᬲ᭄ᬧᬶᬋᬂᬫᬗ᭄ᬓᬶᬦ᭄᭞ᬓᬸᬤᬳᬶᬓᬸ᭞ᬧᬢᬹᬢ᭄ᬳᬗ᭄ᬕᬾᬦ᭄ᬗᭂᬤᭂᬂᬤᭀᬓᬃ᭟᭐᭟᭑᭘᭟ᬦᬶᬓᬮᬶᬦ᭄ᬢᬂᬫᬉᬢ᭄ᬢᬫ᭞ᬓᬸᬤᬳᬶᬋᬂᬫᬢᬧᬸᬢᬶᬄ᭞ᬪᬕᬯᬦ᭄ᬲᬢ᭄ᬫᬢᬗᬭᬦ᭄᭞ᬤᬤᬶ
ᬓᬸᬤᬫᬦᬸᬫᬤᬶ᭞ᬫᬮᬶᬄᬗᬭᬦ᭄ᬯᬶᬱ᭄ᬡᬸᬫᬹᬃᬢᬶ᭞ᬓᬸᬤᬲᭂᬍᬫ᭄ᬮᬶᬦ᭄ᬢᬂᬫᬸᬮᬸᬲ᭄᭞ᬧᬫᬢᬶᬢᬦ᭄ᬧᬳᬸᬜᭂᬗᬦ᭄᭞ᬧᬸᬦᬶᬓᬓᬮᬶᬦ᭄ᬢᬂᬩᭂᬘᬶᬓ᭄᭞ᬬᬾᬦᬶᬂᬳᬸᬩᬸᬄ᭞ᬮᬶᬦ᭄ᬢᬂᬳᬬᬸᬲᬦ᭄ᬤᬂᬧᬗᬦ᭄᭟᭐᭟᭑᭙
[ ᭖᭕ 65A]
ᬬᬾᬦᬶᬂᬓᬸᬤᬩᬸᬮᬸᬭᬓ᭄᭞ᬩᬸᬮᬸᬓᬸᬜ᭄ᬘᬶᬃᬜᬦᬾᬧᬸᬢᬶᬄ᭞ᬫᬶᬯᬄᬢᭂᬕᭂᬧ᭄ᬚᬚᬃᬭᭀᬯᬡ᭞ᬤᬸᬓᬸᬦ᭄ᬧᬦ᭄ᬥᬶᬫᬦᬸᬫᬤᬶ᭞ᬓᬸᬤᬩᬸᬮᬸᬳᬩᬂᬫᬮᬶᬄ᭞ᬳᬸᬜᭂᬗᬦ᭄ᬜᬫᬓᬢᬶᬚᬸᬭᬸ᭞ᬮᬮᬶᬫᬭᬶᬂᬳᬫ᭄ᬩᭂᬤ᭄ᬩᬲᬂ
ᬕᭂᬤᭀᬂᬲᬶᬫ᭄ᬧᭂᬦ᭄ᬓᬯᬱ᭄ᬝᬦᬶᬦ᭄᭞ᬩᭂᬘᬶᬓᬸᬩᬸᬄ᭞ᬫᬺᬢᬦᬾᬢᬧᬧᭂᬕᬢᬦ᭄᭟᭐᭟᭑᭐᭟ᬫᬮᬶᬓᬸᬤᬕᭂᬦ᭄ᬤᬶᬲ᭄ᬓᭀᬘᬧ᭄᭞ᬳᬸᬜᭂᬗᬦ᭄ᬭᬶᬂᬢᬸᬗ᭄ᬕᬶᬃᬤᬸᬭᬶ᭞ᬲᬢ᭄ᬭᬶᬬᬧᬶᬦᬬᬸᬂᬗᬭᬦ᭄᭞ᬇᬗ᭄ᬕᬶᬄᬓᬸᬤ
ᬕᭂᬦ᭄ᬤᬶᬲ᭄᭞ᬚᬚᬃᬭᭀᬯᬡᬢᭂᬕᭂᬧ᭄ᬲᬫᬶ᭞ᬫᬳᬸᬜᬗᬦ᭄ᬦᬭᬶᬂᬳᭂᬦ᭄ᬢᬸᬤ᭄᭞ᬭᬶᬂᬓᬶᬭᬶᬲᬸᬓᬸᬳᬶᬋᬧᬦ᭄᭞ᬲᬢ᭄ᬭᬶᬬᬯᬶᬪᬯᬍᬯᬶᬄ᭞ᬜᬦ᭄ᬤᬂᬳᬸᬫᬸᬃᬫᬗ᭄ᬕᬸᬄᬮᬦ᭟᭐᭟᭒᭑᭟ᬩᭂᬮᬶᬂᬧ
ᬜ᭄ᬘᬓᬸᬤᬦᬾᬓᭀᬘᬧ᭄᭞ᬧᬜ᭄ᬘᬧᬡ᭄ᬥᬯᬓᬯᬱ᭄ᬝᬦᬶᬦ᭄᭞ᬓᬢᬄᬫᬺᬢᬓᬃᬬᬫᭂᬫ᭄ᬩᬄ᭞ᬓᬸᬤᬧᬜ᭄ᬘᬳᭂᬫ᭄ᬧᬢ᭄ᬲᬫᬶ᭞ᬭᬶᬂᬧᬸᬭᬸᬲ᭄ᬫᬢᬶᬫ᭄ᬧᬮ᭄ᬧᬸᬢᬶᬄ᭞ᬬᬤᬶᬦ᭄ᬫᬭᬶᬂᬕᬶᬥᬢᬶᬧᬸᬦ᭄᭞ᬧᬜ᭄ᬘᬫᬺᬢᬇᬓᬸᬗᬭᬦ᭄᭞