Kaca:Bali-lontar-gaguritan-puyung-sugih-250ppi.pdf/64

[ ᭖᭓ 63B]
᭖᭓
᭟᭑᭑᭟ᬧ᭄ᬬᬦᬓ᭄ᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬳᭂᬜᬓ᭄᭞ᬫᬗᬶᬫᬗᬂᬕᭂᬮᬶᬲ᭄ᬫᬧᬫᬶᬢ᭄᭞ᬢᬫ᭄ᬬᬸᬦ᭄ᬜᬦᬾᬫᬗᬋᬧᬂ᭞ᬓᬸᬤᬦ᭄ᬜᬦᬾᬓᬧᭂᬘᬸᬢᬶᬦ᭄᭞ᬕᭂᬮᬶᬲᬶᬂᬢᬸᬢᬸᬃᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬦᬭᬶᬂᬧᭀᬦ᭄ᬤᭀᬓ᭄ᬓᬭᬶᬲᬸᬯᬸᬂ᭞ᬯᬬ
ᬦ᭄ᬧᬸᬬᬸᬂᬲᭂᬥᭂᬓ᭄ᬜᬸᬮᬫ᭄᭞ᬫᬓᬶᬤᬸᬂᬫᬸᬜᬶᬦᬾᬫᬦᬶᬲ᭄᭞ᬦᭀᬫ᭄ᬧ᭄ᬮᭀᬓ᭄ᬤᬶᬢᬸ᭞ᬢᬫ᭄ᬬᬸᬭᬯᬸᬄᬢᬦ᭄ᬚᬦ᭄ᬢᭀᬲᬦ᭄᭟᭐᭟᭑᭒᭟ᬕᬸᬧᬸᬄᬜᬧᬫᬗᬶᬫᬗᬂ᭞ᬤᬦᬾᬯᬬᬦ᭄ᬧᬸᬬᬸᬂᬲᬸᬕᬶᬄ᭞ᬫᬾᬫᬾᬦ᭄ᬜᬦᬾ
ᬮᬦᬶᬰᬶᬱ᭄ᬬ᭞ᬗᬫ᭄ᬩᬶᬮ᭄ᬓᬸᬃᬱᬶᬧᬥᬕᬶᬧᬶᬄ᭞ᬢᬫ᭄ᬬᬸᬦᬾᬲᬵᬫ᭄ᬧᬸᬦ᭄ᬫᬮᬶᬗ᭄ᬕᬶᬄ᭞ᬘᬸᬢᭂᬢ᭄ᬧᬫᬥᬶᬓᬾᬤᬶᬢᬸ᭞ᬲᬫᬶᬳᬤᬸᬂᬧᬥᬮᬾᬤᬂ᭞ᬫᬜᬸᬗ᭄ᬓᭂᬤ᭄ᬲᬮᬶᬂᬢᬸᬦᬲᬶᬦ᭄᭞ᬧᬸᬧᬸᬢ᭄ᬲᬵᬫ᭄ᬧᬸᬦ᭄᭞ᬉᬧᬓᬵᬭᬓ
ᬤᬤᬭᬂ᭟᭐᭟᭑᭓᭟ᬗᬦ᭄ᬢᬾᬦ᭄ᬜᬦᬾᬓᬢᬢᬩᬂ᭞ᬲᭂᬫᬸᬳᬍᬧ᭄ᬫᬜᬸᬓᬦᬶᬦ᭄᭞ᬧᬸᬧᬸᬢ᭄ᬲᬵᬫ᭄ᬧᬸᬦ᭄ᬓᬲᭀᬥᬬᬂ᭞ᬫᬚᭂᬂᬤᬦᬾᬲᬋᬂᬲᬫᬶ᭞ᬳᬸᬮᬫ᭄ᬕᬸᬮᬶᬂᬕᭂᬥᬾᬜᭂᬗ᭄ᬓᬶᬃ᭞ᬲᬂᬳᬤᬾᬫᬫᭂᬲᬾᬢ᭄ᬤᬶ
[ ᭖᭔ 64A]
ᬢᬸ᭞ᬘᬫᬸᬲ᭄ᬘᬫᬸᬲ᭄ᬘᬶᬗᬓ᭄ᬲᬗᬢ᭄᭞ᬮᬶᬦ᭄ᬢᬂᬧᭂᬤᭂᬲ᭄ᬤᬳᬲ᭄ᬤᬶᬳᬶᬲ᭄᭞ᬫᬶᬮᬸᬲ᭄ᬘᬸᬗᬸᬄ᭞ᬢᬾᬗᬾᬲ᭄ᬜᬦᬾᬢᬦ᭄ᬧᭂᬕᬢᬦ᭄᭟᭐᭟᭑᭔᭟ᬦᬷᬯᬬᬦ᭄ᬗᬸᬚᬂᬭᬭᬗᬦ᭄᭞ᬤᬰᬰᬷᬮᬓᬵᬲᬶᬗᬹᬦᬶ᭞ᬫ᭄ᬯᬂᬲᭀᬮᬄ
ᬩ᭄ᬭᬢᬓᭂᬫᬶᬢᬦ᭄᭞ᬦᬾᬮᬦᬂᬕᬩᭂᬂᬜᬯᬸᬭᬶᬦ᭄᭞ᬦᭀᬭᬳᬸᬦᬶᬂᬳᬳᬩᭀᬢ᭄ᬓᬸᬭᬶ᭞ᬢᬦᬶᬲᭂᬓᭂᬦ᭄ᬦᬫ᭄ᬧᬶᬢᬸᬢᬸᬃ᭞ᬭᬶᬗ᭄ᬕᬶᬢ᭄ᬲᬢᬸᬲ᭄ᬓᬳᬢᬸᬭᬂ᭞ᬭᬩᬶᬦᬾᬫᬫᬶᬢᬂᬕᭂᬮᬶᬲ᭄᭞ᬧᬘᬩᬸᬃᬩᬸᬃ᭞ᬲᬫᬶᬤᬦᬾᬦᬸ
ᬗ᭄ᬕᬂᬤᭀᬓᬃ᭟᭐᭟᭑᭕᭟ᬫᬰ᭄ᬭᬸᬯᬶᬢ᭄ᬮᬫ᭄ᬧᬄᬲ᭄ᬬᬦ᭄ᬤᬦ᭞ᬦᭀᬃᬦᬾᬃᬘᭂᬘᭂᬄᬫᬗ᭄ᬯᬗ᭄ᬲᬶᬢᬶᬦ᭄᭞ᬢᬜ᭄ᬘᬭᬶᬢᬦᬦ᭄ᬦᬭᬶᬂᬚᬮᬦ᭄᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬭᬶᬂᬢᬦᬶᬓᬗᬶᬦ᭄ᬲᬕᬺᬳᬦ᭄ᬗᬭᬜ᭄ᬚᬶᬂᬭᬶᬂᬧᬸᬭᬷ᭞ᬭᬭᬶᬲ᭄ᬯᭂᬗᬶ
ᬦᬾᬫᬯᬦ᭄ᬢᬸᬦ᭄᭞ᬤᬶᬢᬸᬤᬦᬾᬫᬲᭀᬪᬬ᭞ᬧᬥᬧᬕᭂᬄᬧᬱ᭄ᬝᬶᬚᬵᬢᬶ᭞ᬲᬃᬯᬶᬕᬸᬬᬸ᭞ᬥᬫᬃᬕᬮᬂᬫᬩᭂᬮᬢ᭄ᬫᬾᬚ᭟᭐᭟᭑᭖᭟ᬩᬕᬸᬲ᭄ᬢᭂᬫ᭄ᬩᬾᬭᬭᬶᬲ᭄ᬗᬸᬘᬧ᭄᭞ᬤᬸᬭᬸᬲ᭄ᬯᬬᬦ᭄ᬧᬫᬸᬦᬳᬶᬦ᭄᭞ᬤᭂ