[ ᭖᭒ 62B]
᭖᭒
ᬭᬭᬗᬦᬾᬪᭀᬬᬦᬸᬕᬶ᭞ᬓᭀᬚᬭᬦ᭄ᬜᬧᬦᭂᬲ᭄ᬘᭂᬦᬶᬂ᭞ᬲᬲᬧᬶᬳᬦ᭄ᬲᬵᬫ᭄ᬧᬸᬦ᭄ᬧᬶᬂᬘᬢᬸᬃ᭞ᬫᬘᬸᬦ᭄ᬥᬗᬂᬳᬦᬓ᭄ᬮᬦᬂ᭞ᬪᭀᬬᬦᬸᬕᬶᬗᬮᬶᬧᭂᬢᬶᬦ᭄᭞ᬬᬾᬦᬶᬂᬩᬕᬸᬲ᭄᭞ᬓᭂᬥᭂᬄᬧᬘᬂᬫᬫ᭄ᬯᬢᬂ᭟᭐᭟᭖᭟ᬲᬶᬦᬄᬳᬧᬸ
ᬦ᭄ᬦᬧᬶᬂᬧᬜ᭄ᬘ᭞ᬫᬘᬸᬦ᭄ᬤᬗᬂᬯᭀᬂᬮᬮᬓᬶ᭞ᬭᬵᬕᬳᭀᬦ᭄ᬤᭀᬓᬶᬭᬂᬤᬬ᭞ᬮᬶᬦ᭄ᬢᬂᬢᬸᬦᬫᬓᬲᬫᬶ᭞ᬩᬕᬸᬲ᭄ᬢᭂᬫ᭄ᬩᬾᬫᬜᬯᬸᬭᬶᬦ᭄᭞ᬢᬢᭂᬕᭂᬭᬾᬓᬕᬾᬢ᭄ᬗᬸᬓᬸᬧ᭄᭞ᬭᬶᬗ᭄ᬕᬶᬢ᭄ᬲᬢᬸᬲ᭄ᬳᬗ᭄ᬕᭀᬦ᭄ᬩᬦ᭄ᬢᬂ᭞ᬳᬗ᭄ᬕᬾᬬᬂ
ᬓᬯᭀᬦ᭄ᬫᭂᬘᬧ᭄ᬚᬾᬓᬶ᭞ᬫᬗ᭄ᬤᬢᬸᬮᬸᬲ᭄᭞ᬢᬶᬢ᭄ᬬᬂᬢᬳᬾᬦ᭄ᬫᬓᬸᬋᬦᬦ᭄᭟᭐᭟᭗᭟ᬲᬂᬳᬬᬸᬩ᭄ᬬᬂᬗᬦ᭄ᬥᬶᬓ᭞ᬤᬳᬢ᭄ᬓᭂᬥᭂᬄᬘᭂᬦᬶᬂᬫᬗ᭄ᬓᬶᬦ᭄᭞ᬪᭀᬬᬤᬤᭀᬲ᭄ᬤᬫ᭄ᬧᬢᬶᬦ᭄ᬩ᭄ᬬᬂ᭞ᬫᬾᬫᬾᬲᬗ᭄ᬕᬸᬧ᭄ᬗᬢᭂᬄᬫᬦᬶ᭞ᬳᬾᬧᭀ
ᬢ᭄ᬤᬦᬾᬲᬥᬸᬓ᭄ᬯᭂᬗᬶ᭞ᬦᬤᬂᬕᬸᬮᬶᬂᬳᬚᬶᬲ᭄ᬬᬸ᭞ᬩᬦ᭄ᬢᭂᬦ᭄ᬲᬓᬧᬦ᭄ᬳᬤᬸᬮᬂ᭞ᬦᬫ᭄ᬧᬶᬲᭂᬫᭂᬂᬧᬸᬧᬸᬢ᭄ᬲᬫᬶ᭞ᬧ᭄ᬭᬥᬂᬤᬶᬢᬸ᭞ᬓᬮᬶᬄᬤᭀᬓᬃᬯᬸᬲ᭄ᬫᬘᬥᬂ᭟᭐᭟᭘᭟ᬤᬦᬾᬮᬸᬗ᭄ᬳᬲᬋᬂᬮᬶᬫ᭞ᬤᭀᬓᬃᬜᬦᬾᬫ
[ ᭖᭓ 63A]
ᬓᬓᬮᬶᬄ᭞ᬲᬳᬫ᭄ᬯᬢᬸᬧᬓᬵᬭ᭞ᬫᭂᬘᬸᬢ᭄ᬓᬸᬤᬲᬳᬕᭂᬮᬶᬲ᭄᭞ᬢᭀᬂᬢᭀᬂᬮᬚᬸᬫᬰ᭄ᬭᬸᬯᬶᬢ᭄᭞ᬢᬢᬸᬫ᭄ᬩ᭄ᬭᬕᬦ᭄ᬲᬤᬕᬶᬲᬸ᭞ᬢᬦ᭄ᬘᬭᬶᬢᬦᬭᬶᬂᬚᬮᬦ᭄᭞ᬢᬫ᭄ᬧᭂᬓ᭄ᬲᬵᬫ᭄ᬧᬸᬦ᭄ᬲᬂᬳᬶᬦᬸᬗ᭄ᬲᬶ᭞ᬧᬗ᭄ᬕᬶᬄᬤᬶᬢᬸ᭞ᬧᬦ᭄ᬧᬸ
ᬬᬸᬂᬲᬸᬕᬶᬄᬭᬶᬂᬫᬃᬕ᭟᭐᭟᭙᭟ᬓᬘᬸᬦ᭄ᬤᬸᬓ᭄ᬧᬥᬗᬯᬲᬂ᭞ᬚᬕᬮᬸᬗ᭄ᬳᬤᬦᬾᬫᬗ᭄ᬓᬶᬦ᭄᭞ᬭᬶᬂᬤᬶᬯᬂᬩᬸᬓᬧᬚᭀᬕᬂ᭞ᬧᬥᬳᬕᬾᬜᬸᬗ᭄ᬓᭂᬮᬶᬢ᭄ᬓ᭄ᬭᬶᬲ᭄᭞ᬕ᭄ᬭᬦ᭄ᬢᬶᬫ᭄ᬜᬦᬾᬫᬲ᭄ᬓᬸᬦᬶᬂ᭞ᬳᬶᬭᬶᬗᬦᬾᬚᬸᬭᬸᬧᬶᬓᬸᬮ᭄᭞ᬲᬫᬶᬧᬥ
ᬦᭂᬕᭂᬦ᭄ᬳᬬᬫ᭄᭞ᬳᬓᬸᬢᬸᬲ᭄ᬲᬋᬂᬓᬓᬮᬶᬄ᭞ᬗᬥᬸᬲᬯᬸᬂ᭞ᬫᬳᬸᬤᭂᬂᬳᬾᬩᬾᬮᬾᬩᬾᬮᬦ᭄᭟᭐᭟᭑᭐᭟ᬧᬦ᭄ᬧᬸᬬᬸᬂᬢᬩᬸᬳᬾᬕᭂᬢᬃ᭞ᬗᬭᬶᬳᬶᬦᬦᬶᬧᬸᬦ᭄ᬫᬚᬶᬜ᭄ᬚᬶᬦ᭄᭞ᬇᬦᬩ᭄ᬚ᭄ᬭᭀᬓᬚᬸᬫᬄᬢᬶᬢ᭄ᬬᬂ᭞ᬉᬧᬓᬭᬦᬾᬫ
ᬘᬶᬭᬶ᭞ᬘᭀᬘᭀᬓ᭄ᬱᬫᬶᬓᬵᬤᬶᬗᬹᬦᬶ᭞ᬢᬫ᭄ᬬᬸᬦᬾᬫᬲᬯᬸᬃᬧᬢᬹᬢ᭄᭞ᬧᬦ᭄ᬧᬸᬬᬸᬂᬫᬵᬢᬹᬃᬤᬸᬭᬸᬲᬂ᭞ᬲᬵᬫ᭄ᬧᬸᬦ᭄ᬫᬮᬶᬄᬫᬗᬦ᭄ᬢᭀᬲᬶᬦ᭄᭞ᬢᬶᬢ᭄ᬬᬂᬗᬥᬸ᭞ᬭᬾᬧᭀᬢ᭄ᬢ᭄ᬯᬭᬧᭀᬮᬶᬄᬗᬭᬸᬗ᭄ᬯᬂ᭟
Kaca:Bali-lontar-gaguritan-puyung-sugih-250ppi.pdf/63
Kaca puniki sampun kauji-wacén
