[ ᭕᭙ 59B]
᭕᭙
ᬓᬤᬶᬢᬶᬢ᭄ᬬᬂ᭞ᬦᬧᬶᬓ᭄ᬭᬡᬳᭀᬩᬄᬳᬶᬗᬸᬄ᭞ᬪᬶᬦᬓᬤᬵᬤᬶᬭᬵᬕᬦ᭄ᬤᬾᬯ᭞ᬓᬤᬶᬕᬸᬦᬸᬂᬚᭂᬚᭂᬃᬲᬳᬶ᭟᭐᭟᭑᭓᭟ᬤᬦᬾᬯᬬᬦ᭄ᬫᬗᬦ᭄ᬤᬶᬓ᭟ᬉᬥᬸᬄᬜᬳᬶᬲᬫᬶᬫᭂᬍᬤ᭄ᬭᬶᬂᬳᬚᬷ᭞ᬓᬦ᭄ᬤᬦ᭄ᬩᬚᬂᬳᬧᬂ
ᬢᬳᬸ᭞ᬲᬦᬾᬗᭂᬫ᭄ᬧᬸᬭᬶᬂᬳᬯᬓ᭄᭞ᬧᬶᬢᬸᬂᬮᬧᬶᬲ᭄᭞ᬚᬶᬯᬓᭀᬘᬧ᭄ᬯᬱ᭄ᬝᬦ᭄ᬳᬶᬧᬸᬦ᭄᭞ᬕᬸᬭᬸᬦ᭄ᬫ᭄ᬩᭀᬓᬾᬗᬦ᭄ᬤᬶᬓᬬ᭞ᬫᬪᬶᬰᬾᬓᬋᬱᬶᬩᬸᬤ᭄ᬥᬶ᭟᭐᭟᭑᭔᭟ᬲᬓᬶᬂᬓᬯᬶᬢ᭄ᬓᬳᬸᬚᬗᬂ᭞ᬫᬵᬦᬸᬱᬦᬾ
ᬳᬚᬓᬦ᭄ᬮᬦᬂᬳᬶᬲ᭄ᬢ᭄ᬭᬷ᭞ᬚᬶᬯᬦ᭄ᬜᬦᬾᬲᬫᬶᬓᬸᬓᬸᬄ᭞ᬢᬸᬯᬸᬄᬜᬦᬾᬫᬜᬶᬸᬗᬚᬓ᭄᭞ᬲᬓᬶᬂᬫᬶᬚᬶᬮ᭄ᬲᬫ᭄ᬧᬿᬫᬶᬚᬶᬮ᭄ᬲᭀᬮᬲ᭄ᬢᬳᬸᬦ᭄᭞ᬚᬶᬯᬵᬕ᭄ᬭᬫᬜᬸᬲᬸᬧ᭄ᬭᬵᬕ᭞ᬓ᭄ᬭᬡᬭᬭᬾᬲᬶᬕᬸᬕ᭄ᬫᬸᬗᬶᬮ᭄᭟᭐᭟
᭟᭑᭕᭟ᬬᬸᬱᬦ᭄ᬜᬦᬾᬗᬫᬗ᭄ᬕᭂᬳᬂ᭞ᬲᬓᬶᬂᬲᭀᬮᬲ᭄ᬲᬫ᭄ᬧᬿᬧᬶᬢᬸᬮᬲ᭄ᬓᬮᬶᬄ᭞ᬢ᭄ᬭᬸᬡᬢ᭄ᬭᬸᬡᬶᬤᬾᬯᬾᬓᬶᬧᬸᬦ᭄᭞ᬫᬭᬤᬶᬢᬸᬦᬦ᭄ᬤᬂᬚᭂᬗᬄ᭞ᬫᭀᬫᭀᬲᬶᬕᬸᬕ᭄᭞ᬓᬶᬫᬸᬤᭀᬩᬄᬍᬯᬶᬄᬳ
[ ᭖᭐60A]
ᬓᬸ᭞ᬧᭂᬲᬸᬩᬶᬓᬲ᭄ᬗᬧᬓᬧᬓ᭄᭞ᬗᬫ᭄ᬩᬸᬮᬫ᭄ᬩᬸᬮ᭄ᬧᬢᬶᬘᬭᬾᬦᬶᬦ᭄᭟᭐᭟᭑᭖᭟ᬚᬶᬯᬵᬲ᭄ᬫᬭᬓᬭᬗ᭄ᬲᬸᬓᬦ᭄᭞ᬓ᭄ᬭᬡᬳᬶᬧᬸᬦ᭄ᬧᬢᬶᬲᭂᬤᬶᬄᬲᭂᬤᬶᬳᬦ᭄᭞ᬢᬶᬤᭀᬂᬕᭂᬮᬄᬢᬕᬶᬄᬚᬸᬚᬸᬄ᭞ᬳᬕᬸᬂᬤᭂ
ᬫᭂᬦᬾᬗᬯᬶᬦᬂ᭞ᬲᬦᬾᬮᬦᬂᬮᬶᬦ᭄ᬢᬂᬫᭀᬫᭀᬰᬓ᭄ᬢᬶᬳᬓᬸ᭞ᬲᬶᬢᭂᬂᬳᬯᬓᬾᬗᬯᬶᬦᬂ᭞ᬗᬮᬾᬫ᭄ᬧᬲᬶᬦ᭄ᬢᬸᬢᬸᬃᬮᬶᬗ᭄ᬲᬶᬃ᭟᭐᭟᭑᭗᭟ᬓᭂᬫᬫᬳᬶᬗᬤ᭄ᬯᬂᬳᬯᬓ᭄᭞ᬢᬦ᭄ᬧ᭄ᬬᭀᬭᬦ᭄ᬫᭂᬦ᭄ᬤᭂᬧ᭄ᬫᭂᬦ᭄ᬤᭂᬧ᭄ᬫᬕᭂᬤᬶ᭞ᬫᬶ
ᬦᬩ᭄ᬢ᭄ᬯᬭᬫᬸᬢᬂᬢᬸᬯᬸᬄ᭞ᬮᬮᬶᬓᬧᬶᬦ᭄ᬳᬦᬓ᭄ᬢᬸᬯ᭞ᬲᬬᬂᬓᬗᭂᬦ᭄ᬢᬦ᭄ᬓᬭᬱᬳᬦ᭄ᬢᬸᬓᬶᬧᬸᬦ᭄᭞ᬓᬫᬸᬜᬶᬦᬶᬦ᭄ᬤᬤᬶᬢᬶᬫ᭄ᬧᬮ᭄᭞ᬧᬸᬭᬸᬦ᭄ᬓᬧᬶᬦ᭄ᬭᬵᬫᬩᬶᬩᬶ᭟᭐᭟᭑᭘᭟ᬲᭀᬮᬄᬢ᭄ᬭᬸᬡᬶᬲᬫᬚᬸᬕ᭞ᬲ
ᬬᬦ᭄ᬓᭂᬮᬶᬄᬓᬲᬬᬗᬂᬳᬶᬧᬸᬦ᭄ᬫᬜᬶᬂ᭞ᬗᬗ᭄ᬕᭀᬳᬜᬃᬧᬸᬧᬸᬃᬧᬸᬧᬸᬃ᭞ᬘᬶᬗᬓ᭄ᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬩᬚᬂ᭞ᬳᬃᬣᬶᬦᬶᬧᬸᬦ᭄ᬫᬗᬾᬤᬾᬗᬂᬤᭂᬫᭂᬦ᭄ᬤᬶᬢᬸ᭞ᬳᬧᬂᬮᬶᬬᬸᬳᬦᬓ᭄ᬦᬯᬂ᭞ᬤᬾᬯᬾᬓ᭄ᬳᬬᬸᬓᬳ
Kaca:Bali-lontar-gaguritan-puyung-sugih-250ppi.pdf/60
Kaca puniki sampun kauji-wacén
