[ ᭕᭕ 55B]
᭕᭕
ᬓᬧᬢᬹᬢᬦ᭄᭞ᬓᬜ᭄ᬘᬜ᭄ᬘᭀᬭᬄᬧᬥᬯᭂᬤ᭄ᬥᬶ᭞ᬢᭂᬮᬲ᭄ᬓᬧᬥᭂᬫᬂ᭞ᬳᬲᬶᬂᬢᭂᬭᬂᬳᬶᬧᬸᬦ᭄ᬫᬫᬮᬶᬂ᭟᭐᭟᭑᭑᭟ᬢᬶᬕᬂᬤᬶᬦᬓᭀᬫ᭄ᬧ᭄ᬬᬂᬕᬦᬮ᭄ᬦᬭᬶᬂᬚᬮᬦ᭄᭞ᬦᬫ᭄ᬧᬶᬲᭂᬫᭂᬂᬳᬶᬧᬸᬦ᭄ᬧ᭄ᬭᬧ᭄ᬢ᭞ᬤ᭠
ᬦᬾᬢᬦ᭄ᬭᬾᬭᬾᬦᬦ᭄᭞ᬫᬥᬳᬢ᭄ᬪᬸᬃᬫᬕᬥᬂ᭞ᬭᬹᬧᬦ᭄ᬜᬦᬾᬓᭂᬘᬸᬤ᭄ᬓᬸᬦᬶᬂ᭞ᬫ᭄ᬯᬂᬘᬶᬗᬓ᭄ᬤᬸᬤ᭞ᬮ᭄ᬯᬶᬂᬳᬦᬓ᭄ᬲᬸᬗ᭄ᬓᬦ᭄ᬫᬶᬲᬶᬂ᭟᭐᭟᭑᭒᭟ᬓᭀᬫ᭄ᬧ᭄ᬬᬂᬕᬡᬮ᭄ᬫᬦᬸᬚᬸᬤᬦᬾᬓᬧᬲᬃ᭞ᬧ᭄ᬭᬬᬫᬦᬸᬫ᭄ᬩᬲ᭄ᬦᬲᬶ᭞ᬩᬲᬂ
ᬤᬦᬾᬮᬬᬄ᭞ᬗᬮᬶᬜ᭄ᬘᬓ᭄ᬗᬯᬲ᭄ᬭᬶᬂᬧᬲᬃ᭞ᬲᬕᬾᬢ᭄ᬯᬾᬦ᭄ᬢᭂᬦ᭄ᬳᬦᬓ᭄ᬧᬗ᭄ᬕᬶᬄ᭞ᬲᬓᬶᬂᬕᬸᬦᬸᬂᬓᭂᬤᬲ᭄᭞ᬧᬶᬲᬕᬦ᭄ᬜᬦᬾᬗᬸᬦᬶ᭟᭐᭟᭑᭓᭟ᬧᬧᬸᬗ᭄ᬓᬸᬲᬲ᭄ᬲᬂᬳᬶᬦᬸᬘᬧ᭄ᬧᬦ᭄ᬩᬦ᭄ᬥᬄ᭞ᬚᬦ᭄ᬫᬓᬮᬶ᭠
ᬦ᭄ᬢᬂᬭᬸᬲᬶᬢ᭄᭞ᬲᭀᬮᬄᬢᬦ᭄ᬚᬗ᭄ᬓᬬᬦ᭄᭞ᬢᬸᬓᬂᬩᭂᬳᬓ᭄ᬫᬸᬯᬄᬩᬾᬕᬮ᭄᭞ᬢᬩᬸᬄᬕᭂᬢᬃᬲᭀᬮᬄᬧᬗᬶᬤ᭄᭞ᬭᬭᬶᬲ᭄ᬦᭂᬲᭂᬓᬂ᭞ᬗᬫ᭄ᬩᬶᬮ᭄ᬢᬗᬦ᭄ᬫᬜᬧᬢᬶᬦ᭄᭟᭐᭟᭑᭔᭟ᬢᬸᬄᬫ᭄ᬩᬦ᭄ᬢᭂ᭠
[ ᭕᭖ 56A]
ᬧᬸᬓ᭄ᬩᬥᬄᬘᬳᬶᬓᭀᬫ᭄ᬧ᭄ᬬᬂᬕᬡᬮ᭄᭞ᬦᬾᬚᬦᬶᬓᬶᬚᬲᬳᬶ᭞ᬳᬶᬮᬂᬳᬸᬮᬶᬮᬯᬲ᭄᭞ᬤᬶᬚᬚᬦᬶᬫᬕᭂᬦᬄ᭞ᬓᬤᬶᬳᬦᬓ᭄ᬗᭂᬩᬸᬲ᭄ᬤᬶᬗᬶᬦ᭄᭞ᬕᭀᬩᬦᬾᬓᭂᬫ᭄ᬩᬂ᭞ᬳᬶᬓᭀᬫ᭄ᬧ᭄ᬬᬂᬫᬜᬯᬸᬭᬶᬦ᭄᭟
᭟᭐᭟᭑᭕᭟ᬩᬧᬯᬬᬦ᭄ᬫᬸᬗ᭄ᬕ᭄ᬯᬶᬂᬧᬕᭂᬦᬳᬦ᭄ᬢᬶᬢ᭄ᬬᬂ᭞ᬭᬶᬂᬓᬭᬂᬲᬸᬯᬸᬂᬚᬢᬶ᭞ᬗ᭄ᬕᬶᬄᬓᬩ᭄ᬯᬢᬦ᭄ᬢᬶᬢ᭄ᬬᬂ᭞ᬯᬦ᭄ᬢᬄᬫᬫᬓ᭄ᬢᬲᬸᬭᬵᬢ᭄᭞ᬭᬯᬸᬄᬢᬶᬢᬸᬶᬢ᭄ᬬᬗᬾᬫᬭᬶᬓᬶ᭞ᬗ᭄ᬕᬶᬄᬧ᭄ᬭᬬᬢᬶᬢ᭄ᬬᬂ᭞ᬭᬶᬂᬳᬶᬤᬰ᭄ᬭᬷᬪᬸᬧᬢᬶ᭟᭐᭟᭑
᭖᭟ᬤᬤᬶᬩᬗ᭄ᬕ᭄ᬭᬲ᭄ᬧᬦ᭄ᬩᬦ᭄ᬥᬄᬫᬗᬸᬘᬧ᭄ᬓᬲᬃ᭞ᬯᬸᬄᬩᬺᬕᬄᬓᬾᬢᭀᬘᬳᬶ᭞ᬢᬸᬲᬶᬂᬦᬯᬂᬳᬤᬢ᭄᭞ᬲᭀᬮᬳᬾᬫᬢᬢᬗ᭄ᬓᬶᬮᬦ᭄᭞ᬬᬤ᭄ᬬᬧᬶᬦ᭄ᬢᬢᬭᬶᬂᬧᬸᬭᬷ᭞ᬓᬮᬶᬦ᭄ᬢᬂᬲᭂᬗ᭄ᬓ᭞ᬬᬾᬦ᭄ᬓᭀᬫ᭄ᬧ᭄ᬬᬂᬮᬓᬃ
ᬦᬗ᭄ᬓᬶᬮ᭄᭟᭐᭟᭑᭗᭟ᬦ᭄ᬤᬾᬦ᭄ᬫᬮᬸᬤᬩ᭄ᬤᬩᬂᬘᬳᬶᬤᬩ᭄ᬤᬩᬂ᭞ᬳᬗ᭄ᬕᬸᬭᬦ᭄ᬦᬲᬶᬦᬾᬩᭂᬮᬶ᭞ᬳᬯᬓᬾᬢᭂᬕ᭄ᬢᭂᬕᬂ᭞ᬧᬦ᭄ᬩᬦ᭄ᬥᬄᬗᬫ᭄ᬩᬶᬮ᭄ᬩᬲᬂ᭞ᬜᭂᬮᬸᬓ᭄ᬚᬶᬦᬄᬧᭂᬢᬂᬓᭂᬢᬶᬧ᭄᭞ᬥᬸᬄᬓᭀᬫ᭄ᬧ᭄ᬬᬂᬕᬡ
Kaca:Bali-lontar-gaguritan-puyung-sugih-250ppi.pdf/56
Kaca puniki sampun kauji-wacén
