[ ᭕᭐ 50B]
᭕᭐
᭒᭗᭟ᬗᬫ᭄ᬩᬶᬮ᭄ᬩᬢᬸ᭞ᬢᬫ᭄ᬩᬳᬾᬓᬢᬶᬗ᭄ᬕᬮ᭄ᬳᬜᬸᬤ᭄᭞ᬚᬕᬳᬫ᭄ᬩᬶᬮ᭄ᬳᬶᬘᬮ᭄᭞ᬋᬗᬲ᭄ᬚᭂᬗᬄᬢᬶ᭠ᬤᭀᬂᬕᬶᬕᬶᬲ᭄᭞ᬚᬕ᭄ᬫᬕᬺᬩ᭄ᬬᬸᬕ᭄᭞ᬳᬯᬓᬾᬤᬶᬢᬸᬢᬫ᭄ᬩᭂᬗᬂ᭟᭐᭟ᬧᬸᬧᬸᬄᬕᬶᬦᬦ᭄ᬢᬶ᭟᭐᭟᭑᭟ᬓᭀᬘᬧ᭄ᬲ
ᬫ᭄ᬧᬸᬦ᭄ᬢᭂᬗᬄᬤᬮᬸ᭞ᬯᬬᬦ᭄ᬧᬸᬬᬸᬂᬓᭀᬘᬧ᭄ᬫᬗ᭄ᬓᬶᬦ᭄᭞ᬳᬸᬬᬸᬢ᭄ᬤᬦᬾᬦᬭᬶᬂᬳᬸᬫᬄ᭞ᬧᬢᬶᬢᬓᭀᬦ᭄ᬧᭂᬲᬸᬫᬸᬮᬶᬄ᭞ᬦᬾᬦ᭄ᬢᭂᬦ᭄ᬳᬦᬓ᭄ᬦᬯᬂ᭞ᬳᬾᬮᬶᬗᬂᬲᭀᬲᭀᬦᬾᬗᬸᬦᬶ᭟᭐᭟᭒᭟ᬤᬦᬾᬓᭀᬫ᭄ᬧ᭄ᬬᬂᬦᭂᬕᭂᬦ᭄ᬧᬘᬸᬮ᭄᭞ᬲᬶ
ᬦᬄᬳᬶᬧᬸᬦ᭄ᬮᬸᬯᬲ᭄ᬓᬘᬭᬶᬢ᭞ᬦᬶᬓᬓ᭄ᬭᬡᬜᬳᬶᬯᬬᬦ᭄᭞ᬕᬶᬲᬸᬤᬦᬾᬫᬧᬧᬕᬶᬦ᭄᭞ᬮᬸᬤᬶᬦ᭄ᬯᭂᬗᬶᬢᬦ᭄ᬧᬢᬶᬫ᭄ᬧᬮ᭄᭞ᬫᬗᬶᬫᬗᬂᬫᬓ᭄ᬢᬲᬸᬦ᭄ᬤᬶᬄ᭟᭐᭟᭓᭟ᬓᭀᬘᬧ᭄ᬲᬵᬫ᭄ᬧᬸᬦ᭄ᬤᬦᬾᬭᬯᬸᬄ᭞ᬫᬭᬶᬂᬘᬭᬶ᭠
ᬓ᭄ᬫᬗ᭄ᬭᬸᬭᬸᬳᬶᬦ᭄᭞ᬓᬧᬗ᭄ᬕᬸᬄᬭᬶᬂᬢᬗ᭄ᬕᬸᬦ᭄ᬲᬯᬄ᭞ᬤᬦᬾᬯᬬᬦ᭄ᬭᬭᬶᬲ᭄ᬜᭂᬭᬶᬢ᭄᭞ᬓᬘᬶᬗᬓ᭄ᬭᬩᬶᬦᬾᬋᬩᬄ᭞ᬕᬸᬧᬸᬄᬗᬫ᭄ᬩᬶᬮ᭄ᬓᬲᬸᬦ᭄ᬤᬂᬕᭂᬮᬶᬲ᭄᭟᭐᭟᭔᭟ᬫᬧᭀᬓᭀᬄᬫᬜᬸᬦ᭄ᬤᬂᬤᬶᬢᬸ᭞ᬍᬫᭂᬢ᭄ᬮᬾ
[ ᭕᭑ 51A]
ᬕ᭄ᬮᭀᬕ᭄ᬮᬶᬦ᭄ᬢᬂᬳᭂᬢᬶᬲ᭄᭞ᬮᬸᬄᬯᬬᬦ᭄ᬫᬗᬸᬲᬧ᭄ᬫᬸᬓ᭞ᬮᬫ᭄ᬩᬾᬦᬾᬕᭂᬮᬶᬲ᭄ᬓᬩᬶᬢ᭄ᬩᬶᬢ᭄᭞ᬫᬦᬗᬶᬲ᭄ᬫᬲᬲᬫ᭄ᬩᬢᬦ᭄᭞ᬫᬦᬸᬮᬫᬾᬲᬂᬳ᭄ᬬᬂᬯᬶᬥᬶ᭟᭐᭟᭕᭟ᬤᬾᬯᬦ᭄ᬲᬯᬄᬤᬾᬯᬦ᭄ᬲᬸᬯᬸᬂ᭞ᬤᬾᬯᬦ᭄ᬧᭂᬢᭂᬂ
ᬤᬾᬯᬦ᭄ᬲᭂᬧᬶ᭞ᬗᬥᭂᬕ᭄ᬭᬢᬸᬘᬶᬗᬓ᭄ᬢᬶᬢ᭄ᬬᬂ᭞ᬲᬂᬳ᭄ᬬᬂᬯᬶᬱ᭄ᬡᬸᬫᬶᬦᬓᬵᬤᬶ᭞ᬘᬶᬗᬓ᭄ᬮᬓᬶᬦ᭄ᬢᬶᬢ᭄ᬬᬂᬧᭂᬚᬄ᭞ᬲ᭄ᬯᬾᬘᬭᬢᬸᬦᬸᬮᬸᬂᬳᬸᬭᬶᬧ᭄᭟᭐᭟᭖᭟ᬧᬢᬶᬳᬫᬾᬦᭀᬭᬧᬢᬹᬢ᭄᭞ᬮᬶᬦ᭄ᬢᬂᬩᬭᬦᬭᬶᬂᬳᬢᬶ
᭞ᬲᬫᬦ᭄ᬢᬭᬧᬸᬓᬸᬮ᭄ᬢᬶᬕ᭞ᬯᭂᬗᬶᬦᬾᬓᬮᬶᬦ᭄ᬢᬂᬫᬗ᭄ᬓᬶᬦ᭄᭞ᬍᬲᬸᬤᬦᬾᬜᬳᬶᬯᬬᬦ᭄᭞ᬗᬩᬶᬦ᭄ᬲᬯᬲᬫ᭄ᬩᬶᬮ᭄ᬦᭂᬗᬶᬮ᭄᭟᭐᭟᭗᭟ᬜᬸᬓ᭄ᬮᬇᬥᭂᬧ᭄ᬤᬦᬾᬢᬸᬫᬸᬲ᭄᭞ᬳᭂᬦᬂᬳᭂᬦᬶᬂᬩᬬᬸᬲᬶᬤ᭄ᬥᬶ᭞ᬧᬜ᭄ᬘ
ᬩᬬᬸᬦᬾᬳᬺᬥᬦ᭞ᬧᬜ᭄ᬘᬪᬸᬢᬫᬵᬳᬲᬶᬤ᭄ᬥᬶ᭞ᬧᬜ᭄ᬘᬰᬹᬦ᭄ᬬᬲᬵᬫ᭄ᬧᬸᬦ᭄ᬳᭂᬫ᭄ᬩᬓ᭄᭞ᬗ᭄ᬭᬗ᭄ᬲᬸᬓ᭄ᬭᬶᬂᬦᬷᬧᬸᬬᬸᬂᬲᬸᬕᬶᬄ᭟᭐᭟᭘᭟ᬓᭀᬦ᭄ᬢᬓ᭄ᬩᬬᬸᬦ᭄ᬜᬦᬶᬧᬸᬬᬸᬂ᭞ᬫᬜᬸᬲᬸᬧ᭄ᬫᬭᬶᬂᬮᬮᬓᬶ᭞ᬤᬤᬶᬳᬶᬗᭂ
Kaca:Bali-lontar-gaguritan-puyung-sugih-250ppi.pdf/51
Kaca puniki sampun kauji-wacén
