[ ᭔᭔ 44B]
᭔᭔
ᬗ᭄ᬓᬄᬮᬶᬗ᭄ᬓᬸᬄ᭞ᬭᬶᬂᬳᬫ᭄ᬧᬶᬓ᭄ᬤᬦᬾᬜᬍᬫ᭄ᬧᬂ᭟᭐᭟ᬦᭂᬂᬳᬓ᭄ᬦᬲ᭄ᬯᬾᬦᬾᬫᬗ᭄ᬓᬶᬦ᭄᭞ᬗ᭠ᬦ᭄ᬢᬾᬦ᭄ᬲᭀᬫ᭄ᬧᬸᬦ᭄ᬢᬶᬕᬂᬯᬸᬮᬦ᭄᭞ᬧᬦ᭄ᬧᬸᬬᬸᬂᬓᭀᬘᬧᬦᬺᬓᬾ᭞ᬫᬩ᭄ᬬᬦ᭄ᬫᭀᬦ᭄ᬤᭀᬓᬂᬓᬸᬭᬸᬗ
ᬦ᭄᭞ᬳᬤᭀᬄᬲᬓᬾᬂᬧᬤᬸᬦᬸᬗᬦ᭄᭞ᬗᬦ᭄ᬤᭂᬮ᭄ᬫᬦ᭄ᬢᬸᬗᬶᬚᭂᬂᬤᬶᬢᬸ᭞ᬭᬶᬂᬓᬭᬂᬲᬸᬯᬸᬂᬧᬸᬦᬶᬓ᭟᭐᭟᭑᭕᭟ᬕᬸᬧᬸᬄᬳᬦ᭄ᬢᭂᬂᬲᬦᬾᬮᬓᬶ᭞ᬚᬸᬭᬸᬧᬘᬸᬮ᭄ᬤᬤᬶᬧᬜ᭄ᬚᬓ᭄᭞ᬲᬃᬯᬳᬾᬦ᭄ᬤᬄ
ᬢᬦ᭄ᬤᬸᬭᬦᬾ᭞ᬓᭀᬘᬧ᭄ᬫᬗ᭄ᬓᬶᬦ᭄ᬫᬲᬦ᭄ᬢᭂᬭᬂ᭞ᬫᬲᬦ᭄ᬳᭀᬗ᭄ᬓᭂᬩ᭄ᬰᬰᬶᬄᬓᬧᬢ᭄᭞ᬯᭀᬄᬯᭀᬳᬦ᭄ᬦᭂᬥᭂᬂᬤᬶᬢᬸ᭞ᬧᭀᬄᬫᬗ᭄ᬕᬶᬲ᭄ᬯᬦᬶᬫᬦᬲ᭄᭟᭐᭟᭑᭖᭟ᬦᬶᬧᬸᬬᬸᬂᬭᬭᬶᬲ᭄ᬫᬫᬸᬜᬶ᭞ᬭᬶᬂᬮ
ᬓᬶᬦᬾᬓᭀᬫ᭄ᬧ᭄ᬬᬂᬕᬡᬮ᭄᭞ᬩᭂᬮᬶᬓᭀᬫ᭄ᬧ᭄ᬬᬂᬗᬩᬧᭀᬄ᭞ᬓᬧᭀᬦ᭄ᬤᭀᬓ᭄ᬗᬩ᭠ᬳᬂᬳᬶᬩᬧ᭞ᬭᬭᬧᬶᬦ᭄ᬧᭀᬄᬮᬶᬫᭀᬮᬲ᭄᭞ᬲᬳᬲᬭᬵᬢ᭄ᬫᬸᬗ᭄ᬕᬸᬄᬤᬶᬢᬸ᭞ᬧᬸᬧᬸᬢ᭄ᬲᬵ᭠
[ ᭔᭕ 45A]
ᬫ᭄ᬧᬸᬦ᭄ᬫᬯᬥᬄᬓᬶᬱ᭟᭐᭟᭑᭗᭟ᬦᭀᬭᬢᬸᬮᬓ᭄ᬲᬦᬾᬮᬓᬶ᭞ᬳᬜ᭄ᬚᭂᬕ᭄ᬤᬦᬾᬚᬕᬓᬩ᭄ᬬᬦ᭄᭞ᬓᬶᬱᬦᬾᬓᬳᬸᬦ᭄ᬤᬶᬢᬺᬓᬾ᭞ᬩᬚᭂᬕ᭄ᬲᬹᬃᬬᬬᬫᬚᬮᬦ᭄᭞ᬧᭂᬮᬸᬄᬲᬶᬢᬄᬦᬭᬶᬂᬫᬃᬕ
᭞ᬢᭂᬗᬄᬚᬮᬦ᭄ᬫᬭᬾᬭᬾᬦ᭄ᬤᬶᬢᬸ᭞ᬜᬗ᭄ᬕᭂᬮᬤ᭄ᬩᬚᬸᬫᬲᬬᬸᬩᬦ᭄᭟᭐᭟᭑᭘᭟ᬩᭂᬥᬓ᭄ᬜᬦᬾᬢᬶᬤᭀᬂᬕᬶᬕᬶᬲ᭄᭞ᬫᬳᬶᬮᬶᬄᬳᬦ᭄ᬢᬸᬓ᭄ᬤᭀᬜ᭄ᬚᬭᬓ᭄᭞ᬲᬫ᭄ᬩᬶᬮᬂᬗᬫ᭄ᬩᬶᬮ᭄ᬓᬶᬱᬦᬾ᭞ᬳᬧᬳᬗ᭄ᬕᭀ
ᬦᬸᬩᬤ᭄ᬩᭂᬥᬓ᭄᭞ᬜᬮᬸᬓ᭄ᬧᭀᬄᬦᬭᬶᬂᬓᬶᬱ᭞ᬧᭂᬮᬸᬢ᭄ᬤᬦᬾᬯᬦ᭄ᬢᬄᬳᬩᬸᬗ᭄ᬓᬸᬮ᭄᭞ᬳᬶᬓᬂᬩᭂᬥᬓ᭄ᬢᬸᬃᬫᬚᬮᬦ᭄᭟᭐᭟᭑᭙᭟ᬲᬫ᭄ᬩᬶᬮᬗᬕᭂᬦ᭄ᬤᬂᬕᭂᬦ᭄ᬤᬶᬂ᭞ᬢᭀᬮᬄᬢᭀᬮᬶᬄᬬᬫᬸᬶᬫᬚᬮᬦ᭄᭞ᬫᬢᬸ᭠
ᬢᭂᬫ᭄ᬩᬂᬤᬂᬤᬂᬕᬸᬮᬦᬾ᭞ᬧᬫᬃᬕᬶᬦᬾᬫᬗᬶᬜ᭄ᬘᭂᬕᬂ᭞ᬮᬶᬦ᭄ᬢᬂᬚᬗᬶᬄᬫᬦᭂᬫ᭄ᬩᬗᬂ᭞ᬗᬯᬶᬮᬗᬶ᭠ᬦ᭄ᬨᬮᬕᬦ᭄ᬢᬸᬂ᭞ᬧᬸᬧᬸᬄᬤᭂᬫᬸᬂᬓᬢᭂᬫ᭄ᬩᬗᬂ᭟᭐᭟ᬧᬸᬧᬸᬄᬤᭂᬫᬸᬂᬓᬯᬶᬢᬦ᭄᭟ᬲᬗ᭄ᬕᬮᬂᬩᬯᬓ᭄᭟᭐᭟᭑᭟
Kaca:Bali-lontar-gaguritan-puyung-sugih-250ppi.pdf/45
Kaca puniki sampun kauji-wacén
