[ ᭔᭐ 40B]
᭔᭐
ᬬᬦ᭄ᬧᬸᬬᬸᬂᬦᬸᬢᬸᬭᬂᬢᬾᬢᬾᬄᬢᬸᬳᬸ᭞ᬧᬶᬋᬂᬩᬧᬳᬧᬂᬚᬵᬢᬶ᭞ᬮᬫᬸᬦ᭄ᬲᭂᬦᭂᬂᬫᬶᬋᬂᬢᬸᬢᬸᬃ᭞ᬇᬦ᭄ᬥᬶᬓ᭄ᬢᬶᬢ᭄ᬬᬂᬲᬳᬦᬾᬗᬹᬦᬶ᭞ᬕᭂᬥᬾᬳᬯᬲ᭄ᬫᬲᬂᬫᭀᬭᭀ᭟᭐᭟᭓᭟ᬓᬩᬶᬲᬾᬦᬦ᭄᭞ᬲᬓᬶᬢ᭄ᬢᬶᬢ᭄ᬬᬂᬲᬦᬾᬤᬸᬫᬸᬦ᭄
᭞ᬪᬸᬢᬢᬶᬢ᭄ᬬᬂᬜᬸᬶᬗᬫ᭄ᬩᬄᬤᬾᬱ᭄ᬝᬶ᭞ᬩᬧᬦ᭄ᬜᬦᬾᬦᬢᬓ᭄ᬱᬳᬸᬃ᭞ᬗᬹᬥᬢᭀᬂᬤᬤᬶᬢᬫ᭄ᬩᬦᬶᬦ᭄᭞ᬚᬵᬢᬶᬩᬧᬩᬩᬃᬳᭂᬗᭀᬦ᭄᭟᭐᭟᭔᭟ᬯᬬᬦ᭄ᬦᬫ᭄ᬧᬢ᭄ᬲᬥᬸᬓ᭄ᬩᬧᬗᬮᬶᬄᬤᬸᬓᬸᬦ᭄᭞ᬲᬓᬶᬢ᭄ᬫᬦᬄᬩᬧ
ᬘᭂᬦᬶᬂ᭞ᬫᬾᬫᬾᬦ᭄ᬘᭂᬦᬶᬂᬲᭂᬤᬶᬄᬗᬸᬦ᭄ᬗᬸᬦ᭄᭞ᬤᬾᬦᬶᬂᬤᬾᬯᬦᬦ᭄ᬤᬂᬲᬓᬶᬢ᭄᭞ᬩᬦ᭄ᬢᭂᬦᬾᬫᬮ᭄ᬯᬲᬂᬓᬓᭀ᭟᭐᭟᭕᭟ᬯᬬᬦ᭄ᬧᬸᬬᬸᬂᬫᬦᬶᬗ᭄ᬕᬭᬂᬇᬦ᭄ᬥᬶᬓᬶᬓᬸ᭞ᬚᬵᬢᬶᬦᬵᬦᬓ᭄ᬓᭂᬦᬲᬓᬶᬢ᭄᭞ᬚᬦ᭄ᬫᬦᬾᬳᬚ
ᬕᬢ᭄ᬲᬵᬫ᭄ᬧᬸᬦ᭄᭞ᬲᬓᬶᬂᬲᬵᬫ᭄ᬧᬸᬦ᭄ᬓᭂᬦᬲᬓᬶᬢ᭄᭞ᬦᬶᬓᬩᭂᬓᭂᬮ᭄ᬩᭂᬘᬶᬓ᭄ᬓᬯᭀᬦ᭄᭟᭐᭟᭖᭟ᬓᬮᬲᬓᬶᬢ᭄ᬯᬭᬲᬾᬢᬦ᭄ᬫᬭᬶᬗᭂᬧᬸᬂ᭞ᬓᬾᬦᬓᬾᬢᬸᬢᬸᬕᬶᬦ᭄ᬲᬓᬶᬢ᭄᭞ᬩᭂᬓᭂᬮ᭄ᬚᬦ᭄ᬫᬲᬓᬶᬂᬤᬸᬫᬸᬦ᭄᭞ᬓᬜ᭄ᬘ
[ 41A]
ᬦᬾᬯᬢᭂᬓ᭄ᬫᬳᬸᬭᬶᬧ᭄᭞ᬳᬮᬳᬬᬸᬦᭀᬭᬳᬤᭀᬄ᭟᭐᭟᭗᭟ᬲᬚᬭᬶᬭᬶᬄᬱᬦᬾᬫᬲᬂᬩᬗ᭄ᬕ᭄ᬭᬸᬓ᭄᭞ᬗᬯᬾᬲᬓᬶᬢ᭄ᬢᬍᬃᬭᬶᬭᬶᬄ᭞ᬓᬮᬦᬶᬂᬫᬲᬂᬫᬦᬸᬚᬸ᭞ᬩᭂᬓᭂᬮ᭄ᬳᬦᬓ᭄ᬕᬦ᭄ᬢᬶᬦᬫ᭄ᬧᬶ᭞ᬤᬸᬫᬤᬶᬗᬦᬹᬢᬶ
ᬓ᭄ᬓ᭄ᬯᭀᬦ᭄᭟᭐᭟᭘᭟ᬫᬗᬕᭀᬭᬶᬦ᭄ᬳᬦᬓᬾᬭᬶᬭᬶᬄᬫᬦᭂᬮᬸᬄ᭞ᬳᬯᬶᬦᬦ᭄ᬳᬦᬓᬾᬲᬓᬶᬢ᭄᭞ᬤᬶᬢᬸᬳᬚᬸᬫ᭄ᬲᬂᬳᬭᬸᬲᬸᬄ᭞ᬗᬗ᭄ᬓᭂᬦ᭄ᬪᬶᬱᬫᬜᬓᬶᬦ᭄᭞ᬚᬵᬢᬶᬦ᭄ᬜᬦᬾᬢᬸᬲᬶᬂ᭞ᬓᬾᬢᭀ᭟᭐᭟᭙᭟ᬳᬯᬲ᭄ᬩᬧ
ᬲᬗ᭄ᬓᬦ᭄ᬧᬭᬦ᭄ᬲᬓᬶᬂᬲᬵᬫ᭄ᬧᬸᬦ᭄᭞ᬦᭀᬭᬦᬭᬭᬧᬦ᭄ᬲᬓᬶᬢ᭄᭞ᬢᬶᬢ᭄ᬬᬂᬦᭀᬭᬦᬳᬦ᭄ᬫᬗ᭄ᬕᬸᬄ᭞ᬭᬹᬧᬦᬶᬧᬸᬦ᭄ᬩᬗ᭄ᬕᬾᬦ᭄ᬲᬓᬶᬢ᭄᭞ᬲᬵᬫ᭄ᬧᬸᬦ᭄ᬩᬧᬕᬸᬕᭀᬦ᭄ᬢᬸᬯᭀᬦ᭄᭟᭐᭟᭑᭐᭟ᬓᬤᬶᬭᬭᬾᬓᬧᬢᬓᬸᬢ᭄ᬳᬭᬸ
ᬳᬭᬸ᭞ᬳᬯᬓ᭄ᬚᬸᬫᬄᬲᬸᬩᬗᬶᬮᬶ᭞ᬲᬾᬧᬦ᭄ᬫᬶᬦᭂᬄᬲᬸᬩᬗᬸᬕᬸ᭞ᬢᬸᬮᬸᬂᬢᬸᬮᬸᬂᬗᬶᬤᬶᬄᬳᬸᬭᬶᬧ᭄᭞᭠ᬲᬶᬭᬲᬗ᭄ᬕᬸᬧ᭄ᬫᬗᬦ᭄ᬢᭀᬲ᭄᭟᭐᭟ᬦᬾᬢᬸᬦᬲᬶᬦ᭄ᬗᭂᬮᬄᬳᬸᬭᬶᬧ᭄ᬢᬸᬯᬄᬳᬘᬸᬓᬸᬧ᭄᭞ᬧᬢᬸᬄᬓᬧᬶᬦ᭄ᬳᬯ᭠
Kaca:Bali-lontar-gaguritan-puyung-sugih-250ppi.pdf/41
Kaca puniki sampun kauji-wacén
