Kaca:Bali-lontar-gaguritan-puyung-sugih-250ppi.pdf/38

Saking Wikisource
Kaca puniki sampun kauji-wacén

[ ᭓᭗ 37B]
᭓᭗
ᬦ᭄ᬢᬂᬜᬸᬜᬸᬃ᭞ᬫᬗᬯᬶᬦᬂᬇᬥᭂᬧ᭄ᬮᬾᬫ᭄ᬧ᭄ᬭᭀᬄ᭟᭐᭟᭗᭟ᬲ᭄ᬫᬭᬩᬮᬳᭂᬦ᭄ᬥᬸᬄ᭞ᬯᬶᬘᬓ᭄ᬱᬡᬗᬯᬶᬦᬂᬮᬶᬧᬸᬃ᭞ᬦᬶᬯᬬᬦ᭄ᬫᬸᬜᬶᬦᬾᬳᬮᬸᬲ᭄ᬗᬲᬶᬄ᭞ᬥᬸᬄᬤᬾᬯᬲᬂᬳᬩᬕᬸᬲ᭄᭞ᬓᬲᬢ᭄ᬭᬶᬬᬮᬶᬦ᭄ᬢᬂᬓᬯᭀ
ᬢ᭄᭟᭐᭟᭘᭟ᬇᬥᬤᬾᬯᬚᬕᬗᬸᬓᬸᬢ᭄᭞ᬢᬦ᭄ᬚᬦ᭄ᬢᭀᬲᬦ᭄ᬥᬸᬄᬲᬂᬳᬩᬕᬸᬲ᭄᭞ᬢᬦ᭄ᬯᬶᬓᬦ᭄ᬤᬾᬯᬭᬶᬂᬲᬶᬧ᭄ᬢᬚᬵᬢᬶ᭞ᬇᬦ᭄ᬥᬶᬓ᭄ᬬᬗᬾᬳᬸᬮᬗᬸᬦ᭄᭞ᬲᭀᬮᬄᬯᬥᬸᬫᬸᬮᬲᬾᬯᭀᬲ᭄᭟᭐᭟᭙᭟᭠
ᬜᬤ᭄ᬬᬢᬶᬢ᭄ᬬᬂᬳᬢᬸᬭᬸ᭞ᬗᬶᬭᬶᬂᬤᬾᬯᬫᬗ᭄ᬓᬾᬳᬤᬸᬮᬸ᭞ᬯᬦ᭄ᬢᬄᬘᬶᬳ᭄ᬦᬢᬸᬦᬲ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬧᭀᬮᬄᬲᬂᬚᬵᬢᬶᬓᬲᬥᬸᬦ᭄᭞ᬗᬍᬩᬸᬃᬩ᭄ᬭᬢᬓᬯᭀᬢ᭄᭟᭐᭟᭑᭐᭟ᬦᬸᬦᬲᬶᬘᬾᬦᬶᬦ᭄ᬫᭂᬢᬸ᭞ᬳ
ᬚᬳᬦ᭄ᬢᬶᬢ᭄ᬬᬂᬳᬭᬭᬳᬸᬧ᭄᭞ᬫᬗ᭄ᬤᬩᬺᬱᬶᬄᬧᬢᬫᬸᬦᬾᬦᭂᬓᬾᬂᬳᬢᬶ᭞ᬩᭂᬘᬶᬓ᭄ᬯᬦ᭄ᬢᬄᬲᬸᬮᬸᬃᬳᬶᬧᬸᬦ᭄᭞ᬰᬦ᭄ᬢᬦᬦᬾᬫᬗ᭄ᬤᬓᬢᭀᬂ᭟᭐᭟᭑᭒᭟ᬢᬶᬢ᭄ᬬᬂᬗᬶᬭᬶᬂᬫᬢᭂᬫᬸ᭞ᬫᬓᬍᬫᬄᬫᬗ᭄ᬤᬢᬦ᭄ᬲᬸ
[ 38A]
ᬭᬸᬤ᭄᭞ᬜᬤ᭄ᬬᬯᬦ᭄ᬢᬄᬢᬶᬢ᭄ᬬᬂᬫᬦᬦ᭄ᬤᬓᬶᬦ᭄᭞ᬲᬦᬾᬮᬦᬂᬗᬶᬘᬾᬦ᭄ᬗᬗ᭄ᬕᬸᬢ᭄᭞ᬓᬲ᭄ᬯᬾᬦ᭄ᬤᬦᬾᬗᬦ᭄ᬢᭀᬲ᭄ᬩᭂᬗᭀᬂ᭟᭐᭟᭑᭒᭟ᬦᬾᬮᬸᬄᬗᬮᬶᬕᬲ᭄ᬧᭂᬲᬸ᭞ᬗᬫ᭄ᬩᬶᬮ᭄ᬘᬭᬢᬦ᭄ᬤᬦᬾᬜᬭᬸ᭞ᬢᭂᬭᬸᬲ᭄ᬤᬦᬾᬫ
ᬦᬶᬗ᭄ᬕᬮᬶᬦ᭄ᬲᬤᬕᬢᬶ᭞ᬲᬵᬫ᭄ᬧᬸᬦ᭄ᬦᬫ᭄ᬧᬶᬧᬸᬓᬸᬮ᭄ᬢᭂᬮᬸ᭞ᬲᬦᬾᬮᬦ᭄ᬢᬂᬓᬭᬶᬩ᭄ᬩᭂᬗᭀᬂ᭟᭐᭟᭑᭓᭟ᬢᬢᬲ᭄ᬲᭂᬫᭂᬂᬤᬦᬾᬭᬯᬸᬄ᭞ᬳᬦᬭᬶᬂᬧᭀᬦ᭄ᬤᭀᬓ᭄ᬓᬭᬂᬲᬸᬯᬸᬂ᭞ᬦᭀᬕ᭄ᬤᭀᬕ᭄ᬮᬯᬂᬤᬦᬾᬯᬬᬦ᭄ᬫᬗᭂᬮᬸ
ᬦᬶᬦ᭄᭞ᬓᬕ᭄ᬬᬢ᭄ᬫᬾᬫᬾᬦ᭄ᬜᬦᬾᬫᭂᬢᬸ᭞ᬩᬧᬦ᭄ᬜᬦᬾᬧᭂᬲᬸᬦᭀᬫ᭄ᬧ᭄ᬮᭀᬓ᭄᭟᭐᭟᭑᭔᭟᭠ᬮᬸᬚᭂᬂᬭᬯᬸᬄᬳᬦᬓᬸ᭞ᬳᬧᬓᬩᭂᬃᬧᬕᬶᬧᬕᬶᬭᬯᬸᬄ᭞ᬫᬓᭂᬚᬶᬢ᭄ᬗᬫ᭄ᬩᬶᬮ᭄ᬳᭀᬓᬫᬦᬓᭀᬦᬶᬦ᭄᭞ᬳᭀ
ᬓᬦ᭄ᬤᬦᬾᬓᬵᬤᬶᬧᬢᬹᬢ᭄᭞ᬫᬗᬢᬸᬭᬂᬲᭀᬮᬄᬓᬯᭀᬦ᭄᭟᭐᭟᭑᭕᭟ᬲᬶᬕ᭄ᬲᬶᬕ᭠ᬦ᭄ᬲᭂᬫᬸᬋᬗᬸᬢ᭄᭞ᬢᬦ᭄ᬲᬸᬓᬢᬶᬢ᭄ᬬᬂᬓᬓᭀᬰᬤᬶᬢᬸ᭞ᬩᬧᬦ᭄ᬜᬦᬾᬮᬕᬲ᭄ᬫᬦᬓᭀᬦᬶᬦ᭄᭞ᬩᬓ᭠