Kaca:Bali-lontar-gaguritan-puyung-sugih-250ppi.pdf/29

[ ᭒᭘ 28B]
᭒᭘
ᬬᬦᬸᬫ᭄ᬩᬲ᭄ᬚᬗᬦ᭄᭞ᬢᬹᬃᬓᬢᬶᬗ᭄ᬳᬮ᭄᭞ᬤᬶᬢᬸᬳᬶᬮᬓᬶᬫᬢ᭄ᬭᬸᬯᬶ᭞ᬗᭀᬭᭀᬗᬂᬲ᭄ᬮᬾᬂᬯᬮᬾᬓᬂ᭟᭐᭟᭒᭟ᬕᭂᬥᬾᬳᬯᬲ᭄ᬤᬦᬾᬦᭀᬭᬳᬸᬤᬶᬂ᭞ᬓᬢᬗᭂᬳᬦ᭄᭞ᬥᬸᬓ᭄ᬭᬩᬶᬦᬾᬢᭂᬓ᭞ᬳᭀᬮᬶᬄᬫᬗᬸᬗ᭄ᬓᬸ
ᬭᬶᬦ᭄ᬤᬦᬾ᭞ᬜᬳᬶᬯᬬᬦ᭄ᬕᭂᬮᬶᬲ᭄ᬫᬦ᭄ᬢᬸᬓ᭄᭞ᬳᬸᬭᬸᬂᬥᬦᬾᬦᬸᬫ᭄ᬩᬲ᭄ᬦᬧᬶ᭞ᬫᬧᬶᬳᭀᬭᬄᬭᬶᬂᬫᬢ᭄ᬯ᭞ᬚᬸᬫᬄᬮᬦᬂᬯᬥᬸ᭞ᬦᬷᬯᬬᬦ᭄ᬳᬗᬸᬘᬧ᭄ᬤᬩ᭄ᬤᬩ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂ᭞ᬫᬗ᭄ᬓᬶᬦ᭄ᬯᬦ᭄ᬢᬄᬚᬕᬶᬧᬫᬶᬢ᭄᭞ᬲᬵᬫ᭄ᬧᬸᬦ᭄ᬩᬧ
ᬲᬮᬶᬢᬃᬱ᭟᭐᭟᭓᭟ᬉᬚᬭᬶᬂᬭᬭᬗᬦ᭄ᬲᬦᬾᬗᬹᬦᬶ᭞ᬗ᭄ᬕᬶᬄᬧᬸᬦᬶᬓ᭞ᬦᬾᬫᬗ᭄ᬕᭂᬳᬂᬢᬶᬢ᭄ᬬᬂ᭞ᬫᬫᬸᬭᬸᬕ᭄ᬳᭀᬓᬦ᭄ᬫᬾᬫᬾᬦᬾ᭞ᬫᬢ᭄ᬭᬸᬯᬶᬢᬶᬢ᭄ᬬᬂᬫᬗ᭄ᬕᬸᬄ᭞ᬦᬭᬶᬂᬧᬲᬃᬲᬵᬫ᭄ᬧᬸᬦ᭄ᬚᬢᬶ᭞ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬧ
ᬮᬲ᭄᭞ᬦᬷᬯᬬᬦ᭄ᬮᬸᬫᬓᬸ᭞ᬢᬦ᭄ᬤᬤᭀᬲ᭄ᬫᬮᬶᬄᬳᬦ᭄ᬤᭂᬕᬂ᭞ᬲᬳᬲᬸᬭᬢ᭄᭞ᬫᬧᬫᬶᬢ᭄ᬭᬶᬂᬲᬦᬾᬫ᭄ᬯᬦᬶ᭞ᬩᭂᬮᬶᬕᭂᬥᬾᬲᬮᬫᬢ᭄ᬢᬶᬗ᭄ᬕᬮ᭄᭟᭐᭟᭔᭟ᬲᬸᬭᬸᬧ᭄ᬲᬹᬃᬬᬳᬶᬕᭂᬥᬾᬤᬦᬾᬧ᭄ᬭᬧ᭄ᬢ᭞ᬫᬗ᭄ᬕᬶᬄ
[ ᭒᭙ 29A]
ᬲᬸᬭᬵᬢ᭄᭞ᬫᬾᬫᬾᬦ᭄ᬜᬦᬾᬗᬸᬘᬧ᭄᭞ᬳᬮᬧᬶᬦ᭄ᬓᬃᬤᬶᬦᬾᬕᭂᬥᬾ᭞ᬤᭂᬫᭂᬦᬾᬢᬦ᭄ᬓᬳᬶᬢᬸᬂ᭞ᬳᭀᬓᬦ᭄ᬤᬦᬾᬤᬶᬢᬸᬲᭂᬤᬶᬄ᭞ᬢᬸᬳᬸᬦᬭᬶᬂᬭᬵᬕᬳᬶᬯᬂ᭞ᬲᬮᬶᬂᬲᭂᬮ᭄ᬲᭂᬮ᭄ᬤᬶᬢᬸ᭞ᬳᭀᬩᬳᬾᬫ
ᬮᬶᬄᬳᬍᬫᬄ᭞ᬦᬾᬧᬕᭂᬳᬂ᭞ᬤᬰᬤᬶᬦᬲᬓᬶᬂᬗᬹᬦᬶ᭞ᬳᬶᬯᬂᬲᭀᬮᬳᬾᬪᬸᬓ᭄ᬢ᭄ᬬᬂ᭟᭐᭟᭕᭟ᬓᭀᬘᬧ᭄ᬤᬦᬾᬯᬬᬦ᭄ᬧᬸᬬᬸᬂᬲᬸᬕᬶᬄ᭞ᬭᬶᬂᬧᭀᬦ᭄ᬤᭀᬓ᭞ᬓᬭᬂᬲᬸᬯᬸᬂᬧᬸᬦᬶᬓ᭞ᬩᬧᬦ᭄ᬜᬦᬾᬜᬧᬳᬕᬾ᭞ᬲ
ᬮᬫᬢ᭄ᬤᬢᭂᬂᬳᬦᬓᬸ᭞ᬲᬃᬯᬶᬓᭂᬜᬶᬂᬗᬯᬮᬾᬓ᭄ᬫᬗ᭄ᬓᬶᬦ᭄᭞ᬉᬥᬸᬄᬤᬾᬯᬫᬲ᭄ᬢᬶᬢ᭄ᬬᬂᬭᬢᬸ᭞ᬗᭂᬢᭂᬮ᭄ᬢᬦ᭄ᬧᭂᬕᬢ᭄ᬲ᭄ᬮᬫ᭞ᬤᬸᬭᬸᬲ᭄ᬤᬾᬯ᭞ᬉᬘᬧᬂᬲᬓᬵᬤᬶᬚᬵᬢᬶ᭞ᬳᭀᬓᬦᬾᬢᬢᬃᬗᬸᬘᬧᬂ᭟᭐᭟
᭟᭖᭟ᬲᬤ᭄ᬬᬦ᭄ᬢᬶᬢ᭄ᬬᬂᬗᬤᬓ᭄ᬤᬾᬯᬳᬷᬲ᭄ᬢ᭄ᬭᬷ᭞ᬳᭀᬭᬦᬳᬮᬄᬓᬭᭀᬲᬲᬫᬦ᭄᭞ᬲᬸᬯᬸᬗᬾ᭞ᬢᬜ᭄ᬘᬭᬶᬢᬬᬂᬤᬶᬢᬸ᭞ᬚᭂᬗᬄᬤᬦᬾᬲᬦᬾᬮᬓᬶ᭞ᬓᬶᬫᬸᬤ᭄ᬓᭂᬤᬾᬓᬶᬦ᭄ᬳᬦᬓ᭄᭞ᬳᬯᬓ᭄ᬲᬸᬕᬶᬄ