Kaca:Bali-lontar-gaguritan-puyung-sugih-250ppi.pdf/27

[ ᭒᭖ 26B]
᭒᭖᭞
᭐᭟᭒᭟ᬳᬃᬢᬶᬦ᭄ᬜᬦᬾᬧᬮᬮ᭄ᬬᬦ᭄ᬫᬮᬶᬄ᭞ᬳᬲᬮ᭄ᬧᭀᬮᬶᬄᬫᭂᬢᭀᬄ᭞ᬫᬧᬶᬓᭀᬮᬶᬄᬗᬤᭀᬓᬂᬚᬶᬦᬳᬾ᭞ᬲᭀᬮᬄᬢᬢᬚᬾᬦ᭄ᬩᭂᬮᬶᬚᬮᬦᬶᬦ᭄᭞ᬦᬶᬓᬧᬮᬚᬳᬶᬦ᭄᭞ᬦᬚᬶᬦᬶᬦ᭄ᬳᬬᬫ᭄ᬧᬂᬢᬳᬸ᭟᭐᭟᭓᭟ᬳ
ᬢᬸᬃᬢᬶᬢ᭄ᬬᬂᬲᬧᬸᬦᬶᬓᬩᭂᬮᬶ᭞ᬢᬚᬶᬩᬸᬮᬂᬳᬫᭀᬂ᭞ᬧᬶᬦᬩ᭄ᬤᬩ᭄ᬧᬸᬦᬶᬓᬲᬫᬶᬫᬤ᭄ᬯᬾ᭞ᬲᭀᬯᬮ᭄ᬳ᭄ᬫᬓᭂᬫ᭄ᬩᬃᬫᬗ᭄ᬤᬩᭂᬮᬶᬗᬃᬢᬶ᭞ᬮᬾᬩᬦ᭄ᬳᬬᬫ᭄ᬫᬮᬶᬄ᭞ᬢᬢᭂᬫ᭄ᬧᬸᬭᬦ᭄ᬓᬵᬮᬓᬸᬯᬸᬓ᭄᭟᭐᭟᭔᭟ᬩᬸᬮᬸᬢᬍᬃᬫᬗ᭄ᬤᬳᬸᬦᬶᬂ᭞ᬲᭀ
ᬮᬳᬾᬫᬫᭀᬢᭀᬄ᭞ᬫᬗ᭄ᬤᬾᬓᬾᬳᬸᬦ᭄ᬢᬸᬂᬧᬕᬯᬾᬦᬾ᭞ᬗᬸᬭᬸᬂᬳᬬᬫ᭄ᬩᭂᬮᬶᬧᬮᬚᬳᬶᬦ᭄᭞ᬦᬾᬜᬦ᭄ᬤᬂᬢᭂᬓᭂᬧᬶᬦ᭄᭞ᬫᬗ᭄ᬤᬧᬸᬭᬸᬦ᭄ᬫᬩ᭄ᬯᬢ᭄ᬮᬶᬬᬸ᭟᭐᭟᭕᭟ᬓᬶᬓᬶᬢᬸᬢᬸᬃᬧᬶᬋᬂᬩᭂᬮᬶᬫᬗ᭄ᬓᬶᬦ᭄᭞ᬢᬸᬢᬸᬃᬳᬦᬓ᭄ᬓ
ᬢᭀᬂ᭞ᬦᬾᬫᬸᬗ᭄ᬕᬸᬄᬭᬶᬂᬧᬗᬬᬫᬬᬫᬦ᭄᭞ᬦᬶᬓᬳᬬᬫ᭄ᬩᬶᬬᬶᬂᬕ᭄ᬭᬸᬗ᭄ᬲᬂᬓᬸᬦᬶᬂ᭞ᬧᬧᬓ᭄ᬩᬶᬬᬶᬂᬓᬸᬦᬶᬂ᭞ᬦᬾᬩᬂᬓᬃᬡᬧᭀᬮᭀᬲ᭄ᬚᬫ᭄ᬩᬸᬮ᭄᭟᭐᭟᭖᭟ᬩᬶᬬᬶᬂᬩᬶᬭᬸᬲᬦ᭄ᬥᭂᬄᬚᬫ᭄ᬩᬸᬮ᭄᭞ᬩᭂᬮᬶ᭞ᬗᬗ᭄ᬕᭀᬯᬸᬶᬤᬶ
[ ᭒᭗ 27A]
ᬫ᭄ᬧᬶᬮ᭄ᬓᬭᭀ᭞ᬦᬾᬶᬸᬕᭀᬤᬾᬕ᭄ᬤ᭄ᬭᬸᬧᬧᬜ᭄ᬘᬧᬗᬗ᭄ᬕᭀᬦᬾ᭞ᬩᬶᬬᬶᬂᬩᬶᬭᬸᬤᬶᬫ᭄ᬧᬶᬮ᭄ᬓᬭᭀᬫᬮᬶᬄ᭞ᬦᬶᬓᬚ᭄ᬯᬢᭂᬓᭂᬧᬶᬦ᭄᭞ᬫᬮᬶᬄᬳᬶᬧᬸᬦ᭄ᬲᬗ᭄ᬓᬸᬃᬚᬫ᭄ᬩᬸᬮ᭄᭟᭐᭟᭗᭟ᬯᬦ᭄ᬢᬄᬘᬢᬸᬃᬲᬦᬾᬩᬶᬬᬶᬂᬩᭂᬮᬶ᭞ᬦᬾᬩ᭄ᬯᬶᬦ᭄ᬧ
ᬧᬓ᭄ᬳᬸᬯᭀᬓ᭄᭞ᬫᬮᬶᬄᬩᬸᬯᬶᬓ᭄ᬤᬶᬫ᭄ᬧᬶᬮ᭄ᬳᬦᬾᬄ᭞ᬳᬶᬗ᭄ᬕᬶᬄᬧᬸᬦᬶᬓᬢᬦ᭄ᬢᬸᬄᬓᬓᬮᬶᬄ᭞ᬫᬮᬶᬄᬩ᭄ᬭᬸᬫ᭄ᬩᬸᬦ᭄ᬓᬸᬦᬶᬂ᭞ᬤᬶᬫ᭄ᬧᬶᬮ᭄ᬓᬭᭀᬧ᭄ᬭᬗᬢ᭄ᬚᬫ᭄ᬩᬸᬮ᭄᭟᭐᭟᭘᭟ᬫᬮᬶᬄᬳᬬᬫ᭄ᬲᬦᬾᬩ᭄ᬭᬸᬫ᭄ᬩᬸᬦᬶᬂ᭞ᬦᬾᬩᬂᬓᬃᬡᬧᭀᬮᭀ
ᬲ᭄᭞ᬫᬗ᭄ᬤᬳᬶᬧᬸᬦ᭄ᬫᬢᭂᬕᬶᬮ᭄ᬢᬸᬯᬶᬧᬾᬮᬾᬢ᭄᭞ᬫᬮᬶᬄᬩ᭄ᬭᬸᬫ᭄ᬩᬸᬦ᭄ᬗᬗ᭄ᬕᭀᬕᭂᬦᭂᬧ᭄ᬲᬫᬶ᭞ᬫᬢᬓ᭄ᬧᬗᬦ᭄ᬓᬮᬶᬄ᭞ᬢᬢᬶᬕᬧᬸᬦᬶᬓᬧᬸᬧᬸᬢ᭄᭟᭐᭟᭙᭟ᬓ᭄ᬮᬯᬸᬩᬶᬭᬸᬲᬦ᭄ᬤᭂᬄᬕᭀᬤᬾᬕ᭄ᬧᬸᬢᬶᬄ᭞ᬫᬗ᭄ᬤᬤ᭄ᬭᬸᬧᬍᬓᭀᬂ᭞ᬓ᭄ᬮᬯᬸ
ᬓᬸᬦᬶᬂᬧᭀᬮᭀᬲ᭄ᬩᬶᬂᬓᬃᬡᬦᬾ᭞ᬳᬶᬓᬸᬄᬳᬶᬧᬸᬦ᭄ᬜᬧᬸᬄᬚᬫ᭄ᬩᬸᬮ᭄ᬧᬸᬢᬶᬄ᭞ᬕᭀᬤᬾᬕ᭄ᬳᬭᬂᬫᬮᬶᬄ᭞ᬦᬗ᭄ᬳᬶᬂᬲᬸᬓᬸᬦᬶᬧᬸᬦ᭄ᬫᬸᬄᬫᬸᬄ᭟᭐᭟᭑᭐᭟ᬢᬗ᭄ᬓᬲ᭄ᬓᬸᬦᬶᬂᬕᭀᬤᬾᬕ᭄ᬳᬭᬂᬫᬮᬶᬄ᭞ᬲᬦᬾᬗᬗ᭄ᬕᭀ