Kaca:Bali-lontar-gaguritan-puyung-sugih-250ppi.pdf/24

Saking Wikisource
Kaca puniki sampun kauji-wacén

[ ᭒᭓ 23B]
᭒᭓᭞
ᬢᬸᬲ᭄ᬳᭀᬭᬓᭂᬦᬲᬸᬤ᭞ᬩᬭᬂᬦᬦᬂᬢᭀᬂᬲᬸᬲᬸᬤ᭄ᬲᬳᬶ᭟᭐᭟᭑᭑᭟ᬓᭀᬘᬧ᭄ᬭᬶᬂᬤᬶᬦᬧᬸᬦᬶᬓ᭞ᬯᬾᬦ᭄ᬢᭂᬦ᭄ᬳᬦᬓ᭄ᬓᬮᬶᬦ᭄ᬢᬂᬮᬶᬦ᭄ᬢᬂᬲᬸᬕᬶᬄ᭞ᬤᬦᬾᬲᬓᬾᬤᬾᬰᬮᬸᬯᬸᬲ᭄᭞ᬫᬧᬭᬩ᭄ᬕᭂᬥᬾᬳᬯᬳᬲ᭄᭞ᬧᬰ᭄ᬘᬤ᭄ᬭᬶᬭᬶᬄ᭞
ᬢᬩᬸᬄᬕᭂᬢᬃᬲᭂᬫᬸᬧᬗᬸᬲ᭄᭞ᬓᬲᬸᬩ᭄ᬤᬤᬶᬩᭀᬢᭀᬄᬓᭂᬫ᭄ᬩᬃ᭞ᬳᬤᭂᬕ᭄ᬮᬜ᭄ᬚᬃᬜᬦ᭄ᬥᬢ᭄ᬕᬥᬶᬂ᭟᭐᭟᭑᭒᭟ᬳᬥᬸᬂᬫᬗ᭄ᬓᬶᬦ᭄ᬧᬯᬶᬮᬗᬦ᭄᭞ᬗᬚᬓ᭄ᬫᬾᬫᬾᬫ᭄ᬯᬂᬓᬥᬂᬯᬃᬕᬶ᭞ᬧᬘᬂᬫᬥᬶᬓ᭄ᬯᬬᬦ᭄ᬧᬸᬬᬸᬂ᭞ᬧᬸᬧᬸᬢ᭄ᬲᬵᬫ᭄ᬧᬸ
ᬦ᭄ᬧᬯᬶᬮᬗᬦ᭄᭞ᬩᬾᬜ᭄ᬚᬂᬲᭂᬫᭂᬂᬮᬸᬗ᭄ᬳᬫᬭᬶᬂᬓᬭᬂᬲᬸᬯᬸᬂ᭞ᬯᭂᬗᬶᬦ᭄ᬜᬦᬾᬢᬦ᭄ᬓᭀᬘᬧᬦ᭄᭞ᬲᭂᬫᭂᬂᬫᬶᬚᬶᬮ᭄ᬲᬂᬳ᭄ᬬᬂᬭᬯᬶ᭟᭐᭟ᬲᬬᬕᬤᬦᬾᬗᬶᬭᬾᬬᬂ᭞ᬫ᭄ᬯᬂᬉᬧᬓᬵᬭᬧᬲᬓᬧᬦ᭄ᬕᬸᬮᬶᬂ᭞ᬦᬸᬗ᭄ᬕᬂᬫᭀᬢᭀᬃ
ᬤᬦᬾᬲᬵᬫ᭄ᬧᬸᬦ᭄᭞ᬫᬾᬫᬾᬩᬧᬮᬦ᭄ᬓᬤᬂ᭞ᬢᬦ᭄ᬚᬦ᭄ᬢᭀᬲᬦ᭄᭞ᬓᭀᬘᬧ᭄ᬤᬦᬾᬲᬵᬫᬵᬧᬸᬦ᭄ᬭᬯᬸᬄ᭞ᬭᬶᬂᬓᬭᬂᬲᬸᬯᬸᬂᬧᬸᬦᬶᬓ᭞ᬧᬦ᭄ᬧᬸᬬᬸᬂᬓᬕ᭄ᬬᬢ᭄ᬦᬗ᭄ᬕᬮᬶᬦ᭄᭟᭐᭟᭑᭔᭟ᬫᬘᭂᬩᬸᬃᬜᬧᬗᬶᬫᬗᬂ

[ ᭒᭔ 24A]
᭞ᬩᬤᬄᬚ᭄ᬭᭀ᭞ᬚ᭄ᬭᭀᬦᬾᬲᬓᬾᬂᬦᬧᬶ᭞ᬢᬫ᭄ᬬᬸᬦᬾᬦᬶᬗ᭄ᬕᬭᬂᬤᬶᬢᬸ᭞ᬲᬓᬵᬤᬶᬓᬩ᭄ᬯᬢᬦ᭄ᬜ᭞ᬫᬭᬭᬶᬲᬂᬢᬫ᭄ᬬᬸᬦᬾ᭞ᬫᬮᬸᬗ᭄ᬕᬸᬄᬤᬶᬢᬸ᭞ᬫᬮᬶᬗ᭄ᬕᬶᬄᬦᬭᬶᬂᬧᬓᭂᬩᬢ᭄᭞ᬧᬦ᭄ᬲᬸᬯᬸᬂᬗᬯᬕ᭄ᬫᬫᬸᬜᬶ᭟᭐᭟᭑
᭕᭟ᬳᬕᭂᬢ᭄ᬤᬾᬯᬾᬓᬾᬗᬯᬶᬦᬂ᭞ᬫᬭᬳᬶᬢ᭄ᬮᬸᬦ᭄ᬳᬶᬯᬬᬦ᭄ᬜᬧ᭄ᬮᬄᬧ᭄ᬭᬧ᭄ᬢᬶ᭞ᬓᬕᬾᬢ᭄ᬚᬦᬶᬲᬸᬩᬧᬬᬸ᭞ᬗᬦ᭄ᬢᬾᬦ᭄ᬜᬦᬾᬢᭂᬓᬮᬸᬯᬲ᭄᭞ᬫᬾᬦᬶᬧᬸᬬᬸᬂᬳᬾᬫ᭄ᬧᭂᬄᬤᬦᬾᬜᬸᬕᬸᬄᬢᬫ᭄ᬬᬸ᭞ᬲᬮᬶᬂᬲᬸᬗ᭄ᬓᭂᬤ᭄ᬓᬸᬫᬜᬫ
ᬭᬭᬧᬦᬾᬓᬢᬢᬲᬶᬦ᭄᭟᭐᭟᭑᭖᭟ᬯᬯᬸᬲᬫᬶᬧᭂᬕᬢ᭄ᬓᬭᬸᬡ᭞ᬧᬦ᭄ᬲᬸᬯᬸᬂᬳᬕ᭄ᬮᬶᬲ᭄ᬤᬦᬾᬫᬜᬯᬶᬲ᭄᭞ᬲᬵᬫ᭄ᬧᬸᬦᬂᬚᬫᬩ᭄ᬮᬤ᭄ᬩᬤ᭄ᬮᬶᬬᬸ᭞ᬧᬸᬢᬸᬲ᭄ᬳᬃᬕᬚᬗᬦ᭄ᬢᬯᬃ᭞ᬩᬬᬄᬚᬦᬶ᭞ᬚᬸᬯᬂᬚᬦᬶᬳ
ᬚᬶᬲᬢᬸᬲ᭄᭞ᬲᬓᬧᬂᬚᬦᬶᬧᬸᬧᬸᬢᬂ᭞ᬢᬫ᭄ᬬᬸᬦᬾᬭᬭᬶᬲ᭄ᬫᬜᬯᬶᬲ᭄᭟᭐᭟᭑᭗᭟ᬢᬶᬢ᭄ᬬᬂᬜᬤ᭄ᬬᬦᬸᬦᬲ᭄ᬫᬗᬦ᭄᭞ᬧᬦ᭄ᬧᬸᬬᬸᬂᬭᬭᬶᬲ᭄ᬗᬓᬓ᭄ᬫᬫᬸᬜᬶ᭞ᬗᬯᬸᬢ᭄ᬭᬯᬶᬲ᭄ᬲᭂᬫᬸᬓᭂᬜᬸᬂ᭞ᬢᬗᬦᬾ