[ ᭒᭒ 22B]
᭒᭒᭞
ᬳᬸᬃᬫᬶᬦ᭄ᬤᬄ᭞ᬢᬢᬲᬼᬫᬄᬢ᭄ᬭᬸᬲ᭄ᬫᬫᬃᬕᬶ᭟᭐᭟᭔᭟ᬢᬦᬸᬘᬧᬦ᭄ᬦᬭᬶᬂᬚᬮᬦ᭄᭞ᬮᬫ᭄ᬧᬄᬤᬦᬾᬦᬷᬯᬬᬦ᭄ᬧᬸᬬᬸᬂᬲᬸᬕᬶᬄ᭞ᬫᬗᭀᬚᭀᬕ᭄ᬓᬓᬭᬂᬲᬸᬯᬸᬂ᭞ᬫᬾᬫᬾᬩᬧᬦᬾᬳᬶᬫᬂ᭞ᬫᬜᬕ᭄ᬚᬕᬶᬦ᭄᭞ᬜᬳᬶᬯᬬ
ᬦ᭄ᬳᬾᬗ᭄ᬕᬮ᭄ᬭᬯᬸᬄ᭞ᬦᬧᬶᬦᬾᬫᬓᬤᬤᬮᬦ᭄᭞ᬦᬷᬯᬬᬦ᭄ᬳᬮᬸᬲ᭄ᬜᬯᬸᬭᬶᬦ᭄᭟᭐᭟᭕᭟ᬓᬵᬤᬶᬧᬢᬹᬢ᭄ᬓᬲᬤ᭄ᬯᬂ᭞ᬮᬶᬦ᭄ᬢᬂᬋᬡᬫᬾᬫᬾᬩᬧᬦ᭄ᬜᬦᬾᬦᬫ᭄ᬧᬶ᭞ᬯᬬᬦ᭄ᬦᬕᬭᬓᬯᬸᬯᬸᬲ᭄᭞ᬦᬭᬶᬂᬤᬾᬰᬲᬕᬡ᭞ᬲᬵᬫ᭄ᬧᬸ
ᬦ᭄ᬲᭀᬭᬾ᭞ᬯᬯᬸᬤᬦᬾᬓᭀᬘᬧ᭄ᬭᬯᬸᬄ᭞ᬗᭂᬚᬂᬫᭀᬢᭀᬃᬫᬗᬶᬫᬫᬂ᭞ᬭᬵᬩᬶᬦᬾᬦᭀᬭᬓᬧᬗ᭄ᬕᬶᬄ᭟᭐᭟᭖᭟ᬫᬾᬫᬾᬦ᭄ᬜᬦᬾᬤᬩ᭄ᬤᬩ᭄ᬗᬸᬘᬧ᭄᭞ᬉᬥᬸᬄᬯᬬᬦ᭄᭞ᬲᬵᬫ᭄ᬧᬸᬦᬂᬫᭂᬦ᭄ᬤᬶᬳᬢᬶ᭞ᬭᬩᬶᬦ᭄ᬯᬬᬦ᭄ᬲᬫ᭄ᬧᬸᬦ᭄ᬫ
ᬦ᭄ᬢᬸᬓ᭄᭞ᬢᭀᬂᬤᬤᬶᬬᬳᬦ᭄ᬤᭂᬕᬂ᭞ᬳᬶᬯᬂᬯᬬᬦ᭄ᬫᬳᬶᬦᭂᬧᬦ᭄ᬢᬦ᭄ᬧᬶᬢᬳᬸ᭞ᬲᬓᬵᬤᬶᬚᬜ᭄ᬚᬶᬦᬾᬲᬸᬩ᭞ᬢᭂᬧᭂᬢ᭄ᬢᭀᬂᬤᬤᬶᬳᬸᬯᬳᬶᬦ᭄᭟᭐᭟᭗᭟ᬗᭀᬂᬤᬶᬢᬸᬤᬦᬾᬯᬬᬦ᭄᭞ᬘᭂᬗᬄᬘᭂᬗᭂᬄᬢᬳᬸᬢᭂ
[ ᭒᭓ 23A]
ᬓᬾᬦ᭄ᬳᬯᬓ᭄ᬧᭂᬮᬶᬄ᭞ᬓᬗᭂᬦ᭄ᬤᬦᬾᬲᭂᬤᭂᬄᬤᬶᬢᬸ᭞ᬢᭀᬬᬦᬓ᭄ᬱᬶᬦᬾᬫᬜᬧ᭄ᬘᬧ᭄᭞ᬫᬫᬶᬦᭂᬳᬶᬦ᭄ᬳᬕᭂᬢᬾᬫᬧ᭄ᬯᬭᬮᬘᬸᬃ᭞ᬜᬾᬦ᭄ᬚᬸᬯᬳᬦᬓᬾᬲᭂᬮ᭄ᬲᭂᬮᬂ᭞ᬧᬸᬧᬸᬢ᭄ᬤᬦᬾ ᬫᬫᬶᬦᭂᬳᬶᬦ᭄᭟᭐᭟᭘᭟ᬦᬾᬫᬗ᭄ᬓᬶᬦ᭄ᬓᬮᬸ
ᬗᬂᬮᬸᬗᬂ᭞ᬲᬸᬚᬵᬢᬶᬧᬲᬃᬧᬶᬦᬲᬭᬦᭀᬃᬢᬶ᭞ᬇᬦ᭄ᬥᬶᬓ᭄ᬤᬦᬾᬯᬬᬦ᭄ᬧᬸᬬᬸᬂ᭞ᬤᬦᬾ ᬮᬸᬯᬲ᭄ᬫᬸᬮᬶᬄᬤᬳ᭞ᬲᬵᬫ᭄ᬧᬸᬦ᭄ᬧᬮᬲ᭄ᬲᬓᬶᬂᬗᬦ᭄ᬢᬾᬦ᭄ᬩᬚᬂᬓᬦ᭄ᬢᬸᬦ᭄᭞ᬢᬭᬸᬡᬦᬾᬧᬥᬳᭀᬲᬄ᭞ᬳᬸᬫᬸᬂᬭᬯᬸᬄᬫᬗᬗ᭄ᬕᬸᬭᬶᬦ᭄᭟
᭐᭟᭙᭟ᬳᬓ᭄ᬯᬾᬄᬲᬦᬾᬳᬶᬩᬸᬓ᭄ᬫᬦᬄ᭞ᬢᬦ᭄ᬧᬚᬶᬦᬄᬤᭂᬫᭂᬦ᭄ᬢᭀᬂᬤᬤᬶᬤᬸᬭᬶ᭞ᬫᬗᬸᬘᬧᬂᬮᬘᬸᬃᬮᬮᬸᬓ᭄᭞ᬳᬧᬚᬦᬶᬲᬦ᭄ᬤᬬᬂ᭞ᬳᬯᬓ᭄ᬓᭀᬭᬾᬤ᭄ᬫᬢᬢᬚᬾᬦ᭄ᬓᬯᭀᬦ᭄ᬤᬸᬫᬸᬦ᭄᭞ᬗᬸᬢᬶᬓᬸᬢᬶᬓ᭄ᬫᬲᬶᬓᬮᬄ᭞
ᬕᬸᬫᬶᬦᬾᬫᬲᬦ᭄ᬥᬲᬫᬶ᭟᭐᭟᭑᭐᭟ᬩᬳ᭄ᬯᬫᬗ᭄ᬓᬶᬦ᭄ᬬᬦᬸᬘᬧᬂ᭞ᬕᬾᬕᬾᬃᬳᬸᬫᬸᬂᬲᬂᬮᬘᬸᬃᬬᬫᬩᬸᬤ᭄ᬥᬶ᭞ᬓᭀᬘᬧ᭄ᬫᬗ᭄ᬓᬶᬦ᭄ᬩᬧᬦ᭄ᬧᬸᬬᬸᬂ᭞ᬲᬸᬫᬶᬗ᭄ᬓᬶᬦ᭄ᬫᬜᬫ᭄ᬩ᭄ᬯᬓᬂ᭞ᬢᬶᬤᬓ᭄ᬳᬓᬦ᭄ᬚᬤᬶᬢᬯᬃᬳᬃᬕᬤᬸᬮᬸ᭞ᬲ᭄ᬭ
Kaca:Bali-lontar-gaguritan-puyung-sugih-250ppi.pdf/23
Kaca puniki sampun kauji-wacén
