[ ᭑᭙᭗ 197B]
᭑᭙᭗
ᬓ᭄᭞ᬓᭂᬮᬶᬃᬜᬦᬾᬮᬗᬶᬢ᭄ᬪᬶᬭᬸ᭞ᬯᬬᬗᬾᬢᬶᬩᬦ᭄ᬢᬶᬩᬦᬦ᭄᭞ᬍᬫᬄᬯᭂᬗᬶ᭞ᬬᬸᬤ᭄ᬥᬦ᭄ᬭᬶᬸᬂᬦ᭄ᬭᬶᬗ᭄ᬕᬶᬢ᭄᭞ᬭᬹᬧᬳᬾᬦ᭄ᬤᬄ᭟᭐᭟᭒᭗᭟ᬓᭀᬘᬧ᭄ᬲᬦᬓ᭄ᬜᬦᬾᬧᬜ᭄ᬘ᭞ᬳᬶᬪᬸᬢᬰᬯ
ᬧᬶᬦᬶᬄᬓᭂᬮᬶᬄ᭞ᬚᬵᬢᬶᬤᬦᬾᬩᭂᬮᭀᬕ᭄ᬧᭀᬚᭀᬮ᭄᭞ᬳᬤᬶᬦ᭄ᬜᬦᬾᬫᬓᬘᬢᬸᬃ᭞ᬲᬫᬶᬧᬥᬕᭂᬥᬾᬩᬶᬓᬲ᭄᭞ᬜᬭᬾᬦ᭄ᬲᬳᬶ᭞ᬤᭂᬫᭂᬦ᭄ᬜᬦᬾᬫᬪᬶᬦᬬᬦ᭄᭟᭐᭟᭒᭘᭟ᬪᬸᬢ
ᬰᬯᬤᭂᬫᭂᬦ᭄ᬗᬫᬄ᭞ᬳᬲᬶᬂᬪᬓ᭄ᬱᬭᬯᬸᬄᬲᬫᬶ᭞ᬲᬃᬯᬫᬢᬄᬫᬲᬶᬓᬗ᭄ᬕᭀᬄ᭞ᬤᬾᬦᬶᬂᬗᬲᬾᬦ᭄ᬳᬯᬓ᭄ᬜᬸᬓ᭄ᬘᬸᬓ᭄᭞ᬳᬯᬓ᭄ᬤᬢᬫᬧᬩᭂᬢᬦ᭄᭞ᬳᬲᬮ᭄ᬗᬶᬤᬶᬄ᭞ᬳᬲᬶᬦ᭄ᬕᬸᬫᬶᬢᬕᬶᬓᬾ
ᬤᬕ᭄᭟᭐᭟᭒᭙᭟ᬳᬶᬫᬥᬾᬤᭂᬫᭂᬦ᭄ᬫᬫᭀᬓᬓ᭄᭞ᬳᬶᬜᭀᬫᬦ᭄ᬤᭂᬫᭂᬦ᭄ᬜᬶᬕᬸᬕᬶᬦ᭄᭞ᬳᬶᬓᭂᬢᬹᬢᬶᬦ᭄ᬤ᭄ᬭᬶᬬᬦᬾᬫᭀᬫᭀ᭞ᬪᬶᬦᬪᬶᬦᬉᬮᬄᬳᬶᬧᬸᬦ᭄᭞ᬤᬦᬾᬓᭂᬢᬹᬢ᭄ᬓ
[ ᭑᭙᭘ 198A]
ᬧᬶᬂᬤ᭄ᬯ᭞ᬳᬶᬭᬶᬳᬢᬶ᭞ᬲᭂᬫ᭄ᬧᭀᬕ᭄ᬦᬸᬢᬸᬃᬗᬓᬸᬯᬶᬓᬦ᭄᭟᭐᭟᭓᭐᭟ᬍᬫᬄᬧᭂᬢᭂᬂᬳᬶᬫᬚᬸᬕ᭄ᬚᬕ᭄᭞ᬫᬋᬩᬸᬢ᭄ᬲᬮᬶᬂᬫᬮᬸᬦᬶᬦ᭄᭞ᬦᬕᬶᬄᬗᬶᬤᬶᬄᬲᬮᬶᬂᬕᭀᬘᭀᬄ᭞ᬫᬦᬕᬶ
ᬳᬶᬦ᭄ᬬᬬᬄᬳᬶᬩᬸ᭞ᬦᬮᬶᬄᬗᬶᬤᬶᬄᬧᬂᬫᬩᬳᬦ᭄᭞ᬫᬜᬓᬶᬢᬶᬦ᭄᭞ᬗᬩᬸᬮ᭄ᬬᬦ᭄ᬢ᭄ᬯᬭᬫᬩᬳ᭄᭟᭐᭟᭓᭑᭟ᬩᬸᬲᬦ᭄ᬩᬸᬲᬦ᭄ᬢᬦ᭄ᬢᬾᬫ᭄ᬧᭀᬯᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬲᬵᬫ᭄ᬧᬾ
ᬳᬫᭂᬦᬶᬢ᭄᭞ᬧᬗᬶᬤᬶᬄᬳᬯᬸᬲ᭄ᬫᬕᭂᬦ᭄ᬢᭀᬲ᭄᭞ᬩᭂᬓᭂᬮᬗᬮᬸᬯᬲ᭄ᬫᬗᬗ᭄ᬕᬸᬃ᭞ᬗᬗ᭄ᬕᬸᬃᬤᬦᬾᬦᭀᬦ᭄ᬢᭀᬦ᭄ᬯᬬᬂ᭞ᬲᬳᬶᬘᬳᬶ᭞ᬲᭂᬍᬕᭂᬦ᭄ᬢᬶᬲᬶᬩᬋᬗᬦ᭄᭟᭐᭟ᬇᬗ᭄ᬕᬶᬄᬩᬯᬄᬬᬦᬸᬘᬧᬂ᭞
ᬲᬲᭂᬦᭂᬗᬦ᭄ᬜᬦᬾᬲᬫᬶ᭞ᬳᭀᬓᬦᬾᬓᭂᬫ᭄ᬦᭂᬫ᭄ᬗᬭᬾᬫ᭄ᬩᭀ᭞ᬭᬹᬧᬲᭀᬮᬄᬧᬥᬥᬸᬥᬹ᭞ᬫᬗ᭄ᬭᬾᬯᭂᬤᬶᬦ᭄ᬬᬬᬄᬭᬡ᭞ᬲ᭄ᬮᬾᬂᬫᬮᬸᬳᬶᬦ᭄᭞ᬗᬶᬫᬸᬭᬶᬫᬸᬃᬳᬦᬓ᭄ᬳᭀᬥᬄ
Kaca:Bali-lontar-gaguritan-puyung-sugih-250ppi.pdf/199
Kaca puniki sampun kauji-wacén
