[ ᭑᭙᭖ 196B]
᭑᭙᭖
ᬮᬳᬶᬂᬫᬵᬦᬸᬱᬬᬚ᭄ᬜ᭟᭐᭟᭒᭐᭟ᬮᬯᬲᬾᬢᬦ᭄ᬓᬉᬘᬧᬂ᭞ᬭᬳᬬᬸᬭᬭᬾᬦᬾᬲᬫᬶ᭞ᬲᬵᬫ᭄ᬧᬸᬦ᭄ᬬᬢᬸᬢᬸᬕ᭄ᬳᬯᭀᬢᭀᬦ᭄᭞ᬉᬧᬓᬭᬢᬍᬃᬳᬦᬹᬢ᭄᭞ᬳᭀ
ᬓᬦᬾᬳᬸᬦᬶᬂᬭᬸᬫᬗ᭄ᬓᬂ᭞ᬓᬯᬱ᭄ᬞᬦᬶᬦ᭄᭞ᬳᭀᬓᬦ᭄ᬜᬦᬾᬪᬷᬦᬪᬷᬦ᭟᭐᭟᭒᭑᭟ᬧᬶᬦᬶᬄᬮᬳᬸᬃᬪᬸᬢᬲᬯ᭞ᬧᬫᬥᬾᬦᬾᬓᭀᬘᬧ᭄ᬫᬗ᭄ᬓᬶᬦ᭄᭞ᬓᬯᬱ᭄ᬞᬦᬶᬦ᭄ᬢᬦᬶᬓᭂᬮᭀᬤ᭄᭞
ᬧᬮᬶᬂᬜᭀᬫᬦ᭄ᬜᬦᬾᬓᬯᬸᬯᬸᬲ᭄᭞ᬢᬦᬶᬓᬚᬫᬓᬗᬭᬦ᭄᭞ᬢᬦᬶᬓᬗᬶᬦ᭄᭞ᬧᬮᬶᬂᬓᭂᬢᬸᬢᬾᬳᬧᬶᬲᬦ᭄᭟᭐᭟᭒᭒᭟ᬳᭀᬓᬦ᭄ᬜᬦᬾᬓᬧᬶᬂᬮᬶᬫ᭞ᬢᬦᬶᬓᬯᬸᬄᬓᬯᬱ᭄ᬞᬦᬶ
ᬦ᭄᭞ᬦᬶᬓᬓᭂᬢᬸᬢ᭄ᬓᬧᬶᬂᬧᬶᬦ᭄ᬤᭀ᭞ᬫᬶᬯᬄᬓᭂᬢᬹᬢ᭄ᬓᬧᬶᬂᬢᭂᬮᬸ᭞ᬓᭂᬢᬹᬢᬭᬹᬫ᭄ᬢᬦ᭄ᬯᬦᭂᬗᬦ᭄᭞ᬓᬯᬱ᭄ᬞᬦᬶᬦ᭄᭞ᬭᬶᬂᬚᬕᬢᬾᬲᬵᬫ᭄ᬧᬸᬦ᭄ᬓᭂᬢᬄ᭟᭐᭟᭒᭓᭟ᬳᭀᬓᬦᬾᬲᬫᬶᬕ
[ ᭑᭙᭗ 197A]
ᬭᬸᬜᬫ᭄᭞ᬫᬓᬲᬫᬶᬳᬦᭂᬫ᭄ᬤᬶᬭᬶ᭞ᬦᬾᬮᬮᬶᬫᬲᬳᬶᬓᬢᭀᬦ᭄᭞ᬧᬫᬸᬦ᭄ᬢᬢᬾᬧᬮᬶᬂ᭞ᬳᬭᬂᬧᬶᬲᬦ᭄ᬓᬢᬶᬗ᭄ᬕᬮᬶᬦ᭄᭞ᬦᬾᬳᬲᬶᬓᬶ᭞ᬩᭂᬢᬳᬾᬩᬕᬸᬲ᭄ᬕᬸᬭᬜᬫ᭄
᭟᭐᭟᭒᭔᭟ᬦᭀᬭᬯᬾᬦ᭄ᬢᭂᬦ᭄ᬲᬲᭂᬦᭂᬗᬦ᭄᭞ᬫᬓᭂᬚᬂᬧᬥᬤ᭄ᬯᬾᬦᬶᬂ᭞ᬦᭀᬭᬇᬩᬸᬓ᭄ᬦᭀᬭᬳᭂᬗᭀᬦ᭄᭞ᬦᭀᬭᬳᬦᬓᬾᬯᭂᬳᭂᬄᬳᬶᬧᬸᬦ᭄᭞ᬮᬶᬦ᭄ᬢᬂᬫᬬᬸᬲ᭄ᬮᬶᬦ᭄ᬢᬂᬲᬸᬓ᭞ᬬᬤᬶ
ᬦ᭄ᬭᬶᬭᬶᬄ᭞ᬬᬤᬶᬦᬸᬬᬸᬢ᭄ᬦᬭᬶᬂᬚᬕᬢ᭄᭟᭐᭟᭒᭕᭟ᬚᬵᬢᬶᬳᬮᬾᬦ᭄ᬧᬤᬤ᭄ᬬᬦᬦ᭄᭞ᬦᭀᬭᬓᬗ᭄ᬕᭀᬦᬭᬶᬂᬕᬸᬫᬶ᭞ᬬᬤᬶᬦ᭄ᬳᬚᬸᬫ᭄ᬬᬤᬶᬦ᭄ᬕᭀᬘᭀᬄ᭞ᬬᬤᬶᬦ᭄ᬘᬘᬤ᭄ᬬᬤᬶᬦ᭄ᬧᬶ
ᬲᬸᬄ᭞ᬦᭀᬭᬤᬦᬾᬗᬮᬶᬗ᭄ᬯᬂ᭞ᬚᬵᬢᬶᬗᬶᬮᬶᬲ᭄᭞ᬤᬶᬚᬕᬢᬾᬫᬧ᭄ᬯᬬᬗᬦ᭄᭟᭐᭟᭒᭖᭟ᬤᬦᬾᬤᬤᭀᬲ᭄ᬤᬮᬂᬚᬕᬢ᭄᭞ᬫᬕᬫ᭄ᬩᭂᬮ᭄ᬲᬵᬫ᭄ᬩᬶᬮ᭄ᬫᬕᭂᬦ᭄ᬥᬶᬂ᭞ᬫᬗᬸᬘᬧᬂᬢ᭄ᬯᬄᬳᬓᬼᬢᭀ
Kaca:Bali-lontar-gaguritan-puyung-sugih-250ppi.pdf/198
Kaca puniki sampun kauji-wacén
