Kaca:Bali-lontar-gaguritan-puyung-sugih-250ppi.pdf/197

Saking Wikisource
Kaca puniki sampun kauji-wacén

[ ᭑᭙᭕ 195B]
᭑᭙᭕
ᬗ᭄ᬳᬦᭀᬭᬳᬤᭀᬄ᭞ᬮᬦᬲ᭄ᬢᬧᬡ᭄ᬥᬶᬢᬢᬸᬭᬸᬢ᭄᭞ᬲᬧ᭄ᬢᬋᬱᬶᬱᬤ᭄ᬓᬳ᭄ᬬᬗᬦ᭞ᬧᬜ᭄ᬘᬋᬱᬶ᭞ᬫᬓᬫᬶᬯᬄᬘᬢᬹᬃᬆᬰ᭄ᬭᬫ᭟᭐᭟ᬧᬜ᭄ᬘᬫᭂᬤᬮ᭄ᬲᬧᬶᬲᬦ᭄᭞ᬮᬦᬂᬮᬦᬂᬫ
ᬓᬲᬫᬶ᭞ᬭᬹᬧᬦᬾᬤᬳᬢ᭄ᬗᬕᬯᭀᬓ᭄᭞ᬫᬤᬸᬮᬸᬭᬦ᭄ᬓᭂᬢᬸᬕ᭄ᬮᬶᬦᬸᬄ᭞ᬯᬢᭂᬓᬺᬱᬶᬭᬶᬂᬧᬢᬧᬦ᭄᭞ᬫᬦᬸᬮᬸᬗᬶᬦ᭄᭞ᬲᬤᬸᬓ᭄ᬭᬭᬾᬦ᭄ᬜᬦᬾᬫᭂᬤᬮ᭄᭟᭐᭟ᬆᬱ᭄ᬞᬰᬾᬦᬷᬗᬸ
ᬜ᭄ᬘᬃᬯᬾᬥ᭞ᬳᬶᬤᬋᬱᬶᬫᬦᭂᬕᭂᬲᬶᬦ᭄᭞ᬲᬫᬶᬦᬸᬮᬸᬂᬧᬥᬳᬾᬧᭀᬢ᭄᭞ᬯᬾᬦ᭄ᬢᭂᬦ᭄ᬲᬦᬾᬫᭂᬦ᭄ᬤᭂᬫ᭄ᬮᬸᬯᬸ᭞ᬫᬶᬯᬄᬧᬸᬶᬥᬶᬸᬢᬸᬶᬦᬸᬶ᭄᭞ᬩᬦ᭄ᬢᭂᬦ᭄ᬧᬥᬧᭂᬢᬦ᭄᭞ᬧᬸᬧᬸᬢ᭄ᬲᬫᬶ᭞
ᬓᬵᬮᬦᬶᬂᬗᭂᬥᬲ᭄ᬩᬸᬶᬂᬲᬼᬫᬳᬂ᭟᭐᭟᭑᭖᭟ᬓᬸᬧᬓ᭄ᬧᬸᬗ᭄ᬲᭂᬤ᭄ᬢᬶᬕᬂᬤᬶᬦ᭞ᬫᬢᭂᬮᬄᬢᭂᬮᬄᬧᬸᬧᬸᬢ᭄ᬫᬗ᭄ᬓᬶᬦ᭄᭞ᬯᬾᬦ᭄ᬢᭂᬦ᭄ᬫᬮᬶᬄᬫᭂᬥᬮᬺᬓᭀ᭞ᬳᭀᬓᬦ᭄ᬜᬦᬾᬧᬮᬶᬂᬓᭂᬢᬹᬢ᭄
[᭑᭙᭖ 196A]
᭞ᬓᬤᬶᬫ᭄ᬭᬶᬬᭂᬫᬕᭂᬤᭂᬩ᭄ᬮᬕ᭄᭞ᬮᬶᬦ᭄ᬢᬂᬮ᭄ᬯᬶᬄ᭞ᬘᬬᬦᬾᬓᬸᬫᭂᬥᬧ᭄ᬕᬮᬂ᭟᭐᭟᭑᭗᭟ᬤ᭄ᬢᬢᬦ᭄ᬫᬭᬶᬫᬕᬸᬲᬸᬭᬦ᭄᭞ᬭᬶᬂᬧᬢᬧᬦ᭄ᬲᬳᬶᬲᬳᬶ᭞ᬧᬕᬸᬦᬸᬗᬦ᭄ᬲᬫᬶᬳᬗ᭄ᬕᬾᬦ᭄᭞
ᬫᬜᬤ᭄ᬬᬬᬂᬫᬗ᭄ᬤᬫᬗ᭄ᬕᬸᬄ᭞ᬳᭀᬓᬦ᭄ᬜᬦᬾᬥᬾᬆᬘᬶᬦ᭄ᬢ᭄ᬬ᭞ᬫᬦᭂᬫᭀᬦᬶᬦ᭄᭞ᬭᬶᬯᬸᬄᬜᬦᬾᬫ᭄ᬯᬢ᭄ᬭᬭᬧᬦ᭄᭟᭑᭘᭟ᬓᬧᬭᬩᬶᬦ᭄ᬧᬜ᭄ᬘᬬᭀᬕ᭞ᬲᬥᬸᬓ᭄ᬭᬭᬾᬦᬾ
ᬫᬓᬲᬫᬶ᭞ᬦᬾᬳᬲᬶᬓᬶᬮᬶᬦ᭄ᬢᬂᬓᬯᭀᬢ᭄᭞ᬲᬾᬧᬦᬦᬼᬓᬤ᭄ᬤᬶᬧᬸᬗ᭄ᬓᬸᬃ᭞ᬳᬭᬂᬧᬶᬲᬦ᭄ᬓᬢᬶᬗ᭄ᬕᬮᬦ᭄᭞ᬘᭂᬮᬕ᭄ᬘᭂᬮᬶᬕ᭄᭞ᬓᬯᬱ᭄ᬞᬦᬶᬦ᭄ᬳᬭᬹᬫ᭄ᬚᬕᬢ᭄᭟᭐᭟᭑᭙᭟ᬲᬦᬾ
ᬧᬜ᭄ᬘᬓᬧ᭄ᬬᬭ᭞ᬳᬦ᭄ᬢᬸᬓ᭄ᬤᬦᬾᬧᬸᬬᬸᬂᬲᬸᬕᬶᬄ᭞ᬍᬫᬄᬧᭂᬢᭂᬂᬤᬦᬾᬭᬾᬯᭀᬢ᭄᭞ᬓᭀᬘᬧ᭄ᬲᬫ᭄ᬧᬸᬦ᭄ᬢᬶᬕᬂᬲᬦ᭄ᬢᬸᬦ᭄᭞ᬗᬸᬧᬓᬵᬭᬲᬃᬯᬤᬗᬦ᭄᭞ᬫᬗᬦᬹᬢᬶᬦ᭄᭞ᬲᭀ

Kapolihang saking "https://ban.wikisource.org/w/index.php?title=Kaca:Bali-lontar-gaguritan-puyung-sugih-250ppi.pdf/197&oldid=55301"