Kaca:Bali-lontar-gaguritan-puyung-sugih-250ppi.pdf/196

Saking Wikisource
Kaca puniki sampun kauji-wacén

[ ᭑᭙᭔ 194B]
᭑᭙᭔
ᬳᬬᬸᬦᬶᬂᬳᬯᬓ᭄᭞ᬫᬓᬘᬶᬭᬶ᭞ᬓᬢᬄᬫᬗ᭄ᬓᬶᬦ᭄ᬬᬾᬦᬸᬘᬧᬂ᭟᭐᭟᭗᭟ᬘᭂᬘᭂᬄᬮᬶᬦᬸᬄᬭᬶᬂᬧᬢᬧᬦ᭄᭞ᬓᬯᭀᬭᬦᬶᬂᬳᬸᬚᬦ᭄ᬭᬶᬭᬶᬲ᭄᭞ᬨᬮᬩᬸᬗ᭄ᬓᬄᬲᬃᬯᬫᬤᭀᬦ᭄᭞
ᬫᬓᬫᬶᬯᬄᬨᬮᬕᬦ᭄ᬢᬸᬂ᭞ᬬᬤᬶᬦ᭄ᬓᬜ᭄ᬘᬦᬶᬂᬫᬩᬸᬗ᭄ᬳ᭞ᬧᬥᬯᬺᬥᬶ᭞ᬫᬗᬯᬶᬦᬂᬚᬕᬢ᭄ᬲᬸᬓ᭟᭐᭟᭘᭟ᬲᬫᬶᬯᬦ᭄ᬢᬄᬲᬃᬯᬫᬸᬭᬄ᭞ᬭᬶᬂᬚᬕᬢᬾᬲᬫᬶᬯᬺᬥᬶ᭞ᬲᬸᬫᬲ
ᬢᬫᬺᬢᬦᬾᬢᬾᬫ᭄ᬩᭀᬄ᭞ᬮ᭄ᬯᬶᬄᬫᭀᬓᭀᬄᬳᬲᬶᬂᬢᬦ᭄ᬤᬸᬃ᭞ᬯᬢᭂᬓ᭄ᬧᬘᬸᬮ᭄ᬲᬫᬶᬕᬶᬭᬂ᭞ᬜᬫ᭄ᬩᬸᬢ᭄ᬓᬃᬥᬶ᭞ᬳᬲᬶᬂᬢᬦ᭄ᬤᬸᬃᬫᬓᭀᬮᬶᬳᬂ᭟᭐᭟᭙᭟ᬯᬢᭂᬓ᭄ᬢᬧᬲᬫᬶᬮᬾᬤᬂ᭞
ᬗᬫᬗ᭄ᬕᭂᬳᬂᬚᬧᬬᭀᬕᬶ᭞ᬗᬲ᭄ᬢᬯᬬᬂᬚᬕᬢᬺᬓᭀ᭞ᬲᭂᬮᬶᬤ᭄ᬲᬜ᭄ᬚᬲ᭄ᬬᬂᬤᬮᬸ᭞ᬚᬕᬢᬾᬫᬗ᭄ᬤᬲᬵᬫ᭄ᬧᬸᬃᬡ᭞ᬢᬸᬃᬫᬤᬕᬶᬂ᭞ᬩᭀᬩᭀᬢᬦᬾᬫᬗᬯᬶᬦᬂ᭟᭐᭟
[ ᭑᭙᭕ 195A]
᭟᭑᭐᭟ᬧᬸᬧᬸᬢ᭄ᬲᬫ᭄ᬧᬸᬦ᭄ᬓᬸᬢᬸᬲ᭄ᬩᬸᬮᬦ᭄᭞ᬫᬸᬂᬧᬸᬂᬧᬹᬃᬡᬫᬳᬲᬸᬚᬷ᭞ᬓᭀᬘᬧ᭄ᬩᭀᬩᭀᬢᬦᬾᬋᬓᭀ᭞ᬲᬯᬾᬕᬫᭂᬤᬮ᭄ᬭᬳᬬᬸ᭞ᬦᬸᬚᬸᬢᭂᬭᬂᬗᭂᬤᬲᬼᬫᬳᬂ᭞ᬳᬗᬶᬦ᭄ᬢᬭᬶ
ᬓ᭄᭞ᬗᬫ᭄ᬧᭂᬳᬂᬕᬦ᭄ᬥᬦᬶᬂᬧᬸᬱ᭄ᬧ᭟᭐᭟᭑᭑᭟ᬳᬶᬦᬩ᭄ᬳᬶᬧᬸᬦ᭄ᬗᬯᬭᬳᬂ᭞ᬫᬜᬮᬸᬲᬸᬧ᭄ᬭᬶᬂᬯᬡᬕᬶᬭᬷ᭞ᬧᬡ᭄ᬥᬶᬢᬦᬾᬲᭂᬥᭂᬂᬫᬾᬢᭀᬲ᭄᭞ᬭᬶᬂᬧᬰ᭄ᬭᬫᬦ᭄ᬲᬫᬶᬳᬸᬫᬸᬂ᭞ᬗᬸᬜ᭄ᬘᬯᬾ
ᬥᬜ᭄ᬚᬬᬚᬬ᭞ᬫᬓᬲᬫᬶ᭞ᬚᬕᬢᬾᬓᬲ᭄ᬢᬯᬬᬂ᭟᭐᭟᭑᭒᭟ᬳᬸᬫ᭄ᬬᬂᬰ᭄ᬯᬭᬦᬶᬂᬕᭂᬦ᭄ᬢ᭞ᬫᬤᬸᬮᬸᬭᬦ᭄ᬧᬗᬲ᭄ᬢᬸᬢᬶ᭞ᬍᬧᬸᬕᬦ᭄ᬳᬦ᭄ᬤᬸᬲᬾᬫᬭᬾᬫ᭄ᬩ᭄ᬬᬓ᭄᭞ᬭᬶᬂᬧᬳᭀᬫᬦ᭄ᬫᬶ
ᬬᬶᬓ᭄ᬗᬮᬸᬩ᭄᭞ᬳᬲᭂᬧ᭄ᬫᭂᬜᬦ᭄ᬫᬶᬯᬄᬤᬸᬧ᭞ᬮᬦ᭄ᬓᬲ᭄ᬢᬗ᭄ᬕᬶ᭞ᬍᬫ᭄ᬩᬓ᭄ᬓᬲ᭄ᬢᬸᬭᬶᬫᬶᬫ᭄ᬧᬸᬕᬦ᭄᭟᭐᭟᭑᭓᭟ᬋᬱᬶᬂᬮᬗᬶᬢ᭄ᬲᬫᬶᬮᬾᬥᬂ᭞ᬭᬶᬂᬆᬫ᭄ᬩᬭᬫᬗᬲ᭄ᬢᬸᬢᬶ᭞ᬦᬯᬲ