Kaca:Bali-lontar-gaguritan-puyung-sugih-250ppi.pdf/194

Saking Wikisource
Kaca puniki sampun kauji-wacén

[ ᭑᭙᭒ 192B]
᭑᭙᭒
ᬬᬤᬶᬦ᭄ᬲᭀᬮᬄᬤᬰᬰᬶᬮ᭞ᬢᬶᬦ᭄ᬤᬓ᭄ᬢᬦ᭄ᬤᬸᬓ᭄ᬫᬫᬯᭀᬲ᭄ᬢᬍᬃᬩᭂᬘᬶᬓ᭄᭞ᬰᬩ᭄ᬤᬫᬦᬶᬲᬸᬮᬢ᭄ᬕᬸᬬᬸ᭞ᬲᬕᬾᬢ᭄ᬢᬾᬄᬫ᭄ᬩᬵᬳᬂᬭᬶᬂᬩ᭄ᬭᬬ᭞ᬲᬳᬶᬤᬶᬢᬸ᭞ᬲᭂᬮᬶᬤ᭄ᬲᬜ᭄ᬚᬮᬦᬂᬯᬥᬸ᭞ᬳᬶ
ᬭᬶᬓᬭᬶᬂᬧᬢ᭄ᬬᬕᬦ᭄᭞ᬓᬢᬶᬭᬸᬭᬶᬂᬯᬢᭂᬓᬺᬱᬶ᭟᭐᭟᭑᭙᭟ᬘᭂᬘᭂᬄᬤᬦᬾᬓᬭᬯᬸᬳᬦ᭄᭞ᬢᬧᬢᬧᬶᬳᬶᬭᬶᬓᬦᬭᬶᬂᬳᬤ᭄ᬭᬷ᭞ᬫᬗᬤᬸᬗᬂᬇᬦ᭄ᬥᬶᬓ᭄ᬧᬢᬹᬢ᭄᭞ᬬᬤᬶᬦ᭄ᬫᬲᭀᬮᬄ
ᬥᬃᬫ᭞ᬯᬾᬥᬰ᭄ᬭᬸᬢᬶᬲᬹᬓ᭄ᬱ᭄ᬫᬦᬶᬂᬫᬦ᭄ᬢ᭄ᬭᬯᬶᬪᬸᬄ᭞ᬬᬤᬶᬦ᭄ᬢᬸᬢᬸᬃᬓᬧᬸᬢᬸᬲᬦ᭄᭞ᬲᬭᬶᬦ᭄ᬢᬸᬢᬸᬃᬥᬃᬫᬚᬵᬢᬶ᭟᭐᭟᭒᭐᭟ᬥᬃᬫᬕᬹᬦ᭄ᬬᬧᬗᬼᬧᬲᬦ᭄᭞ᬲᭀᬮᬄᬬᭀᬕᬧᬢᭂᬫᬸᬦᬶᬦᬶ
ᬲᬸᬥᬸᬓ᭄ᬰ᭄ᬯᬭᬷ᭞ᬧ᭄ᬭᬢ᭄ᬬᬭᬫᬗᬸᬢᬂᬩᬬᬸ᭞ᬫ᭄ᬯᬂᬅᬃᬥᬦᬭᬾᬰ᭄ᬯᬃᬭ᭄ᬬᬶᬸᬂᬬ᭄ᬬ᭞ᬲᬦᬾᬧᬢᬹᬢ᭄ᬳᬕᭂᬫᬦ᭄ᬧᬡ᭄ᬥᬶᬢᬢᬸᬳᬸ᭞ᬧᬸᬦᬶᬓᬦᬾᬓᬩᬯᭀᬲᬂ᭞ᬫᬶᬯᬄᬯᬶᬦ᭄ᬤᬸᬦᬤᬦᬤᬶ᭟᭐᭟

[᭑᭙᭓ 193A]
᭟᭒᭑᭟ᬭᬯᬸᬄᬜᬦᬾᬯᬢᭂᬓ᭄ᬢᬧ᭞ᬲᭂᬮᬶᬤ᭄ᬲᬜ᭄ᬚᬢᬦ᭄ᬧᬸᬢᬸᬲ᭄ᬲᬳᬶᬲᬳᬶ᭞ᬓᬵᬤᬶᬜᬯᬦ᭄ᬩᭂᬦ᭄ᬤᬸᬲ᭄ᬳᬫ᭄ᬩᬸ᭞ᬦᬶᬯᬄᬳᬶᬢᬫ᭄ᬩᬸᬮᬶᬮᬶᬗᬦ᭄᭞ᬫᬦᬫ᭄ᬩᬸᬗᬶᬦ᭄ᬳᬶᬦᬩᬶᬧᬸᬦ᭄ᬲᬮᬶᬂᬲᬸᬮᬸᬄ᭞ᬫ
ᬦᬓᭀᬦᬂᬭᬶᬂᬧᬯᬦ᭞ᬧᬦᬗ᭄ᬓᬦ᭄ᬩᬸᬗᬦᬾᬫᬶᬬᬶᬓ᭄᭟᭐᭟᭒᭒᭟ᬦᬫ᭄ᬩᬸᬂᬳᬶᬦᬩ᭄ᬫᬗᭀᬃᬣᬬᬂ᭞ᬫᬕᬸᬲᬭᬦᬶᬦᬩ᭄ᬲᬮᬶᬂᬢᬓᭀᬦᬶᬦ᭄᭞ᬫᬗᬺᬩᬸᬢᬶᬦ᭄ᬲᬭᬷᬦᬶᬧᬸᬦ᭄᭞ᬫᬦᬶᬲᬶᬫ
ᬥᬸᬧᬮᬯ᭞ᬬᬤᬶᬦ᭄ᬳᬤᭀᬄᬤᭂᬓᬄᬫᬗᭂᬗ᭄ᬕᬳᬶᬦ᭄ᬕᬸᬦᬸᬂ᭞ᬫᬲᬦ᭄ᬧ᭄ᬧᬦᭂᬲ᭄‌ᬬᬤᬶᬦᬸᬚᬦ᭄᭞ᬫᬓᭂᬦ᭄ᬢᬫᬲᬶᬄᬮᬫ᭄ᬧᬳᬶᬦ᭄᭟᭐᭟᭒᭓᭟ᬯᬾᬦ᭄ᬢᭂᬦ᭄ᬫᬮᬦ᭄ᬢᬭᬦ᭄ᬚᬶᬦᬄ᭞ᬳᬦ᭄ᬢᬸᬓ᭄ᬘᬫ᭄ᬧᬸᬦᭀ
ᬭᬗᬶᬢᬸᬗᬂᬧᬶᬧᬶᬲ᭄᭞ᬬᬤᬶᬦ᭄ᬓᬸᬯᬾᬄᬪᬾᬥᬦᬶᬧᬸᬦ᭄᭞ᬯᬾᬦ᭄ᬢᭂᬦ᭄ᬲᬦᬾᬫᬤᬳᬢ᭄᭞ᬢᬦ᭄ᬧᬚᬶᬦᬄᬘᬸᬫ᭄ᬧᬸᬦᬾᬭᬯᬸᬄᬫᬗ᭄ᬮᬸᬗ᭄ᬲᬸᬃ᭞ᬳᬶᬭᬶᬓᬭᬶᬂᬧᬢ᭄ᬬᬕᬦ᭄᭞ᬬᬤᬶᬦ᭄ᬦᬸᬦᬲ᭄ᬓ