[ ᭑᭘᭙ 189B]
᭑᭘᭙᭞
᭟᭜᭟᭒᭐᭟ᬦᬫ᭄ᬧᬶᬯᬮᬾᬦ᭄ᬲᬂᬧᬡ᭄ᬥᬶᬢᬮᬘᬸᬃ᭞ᬫᬸᬗ᭄ᬕ᭄ᬯᬶᬂᬬᭀᬕ᭄ᬬᬦ᭄ᬜᬦᬾ᭞ᬫᬓᭀᬮᬄ᭠ᬲᬂᬓᬤᬶᬫᬫᬶ᭞ᬲᬮᬯᬲᬾᬳᬸᬭᬶᬧ᭄ᬳᬶᬗ᭄ᬲᬸᬦ᭄᭞ᬗᬫᭀᬂᬲᬲᭀᬮᬳᬦ᭄ᬯᬶᬓᬸ᭞ᬭᬶᬂᬧᬭᬓᬯᭂᬓᬲ᭄ᬯᭂ
ᬓᬲ᭄᭞ᬫᬗ᭄ᬤᬢᬦᬲᬮᬄᬲᬸᬥᬸᬓ᭄᭞ᬗᬸᬜ᭄ᬘᬃᬯᬾᬥᬗᬫᭀᬂᬢᬷᬃᬣ᭞ᬭᬶᬂᬤᬶᬚᬓᬾᬯᬮᬄᬬᭀᬕ᭄ᬬ᭟᭜᭟ᬧᬸᬧᬸᬄᬧᬗ᭄ᬓᬸᬃ᭟᭜᭟᭑᭟ᬧᬮᬶᬂᬮᬸᬳᬸᬃᬳᬶᬫᬵᬦᬸᬱ᭞ᬤᬾᬯᬪᬝᬵᬭᬦᬾᬳᬶᬤᬦ
ᬢᬓᬶᬦ᭄᭞ᬚᬸᬭᬸᬲᬸᬗ᭄ᬕᬶᬚᬸᬭᬸᬲᬸᬂᬲᬸᬂ᭞ᬦᬶᬓᬫᬓᬢᬢᬓᬦ᭄᭞ᬤᬤᬶᬧᬢᬶᬄᬫᬓᬫᬸᬓ᭠ᬩ᭄ᬭᬵᬳ᭄ᬫᬯᬶᬱ᭄ᬡᬸ᭞ᬳ᭄ᬬᬂᬇᬰ᭄ᬯᬭᬳᬵᬤᬾᬯ᭞ᬢᬍᬃᬫᬸᬓ᭄ᬬᬦᬶᬂᬧᬧᬢᬶᬄ᭟᭜᭟ᬧᬢᬶᬳᬾᬘᬢᬸᬃᬧᬸᬦᬶᬓ
᭞ᬮᬶᬧᭂᬢ᭄ᬓᬮᬶᬄᬳᬲ᭄ᬢᬕᬸᬡᬫᬦᬤᬶ᭞ᬫᬕᬸᬡᬦ᭄ᬚᬤ᭄ᬫᬳᬶᬧᬸᬦ᭄᭞ᬗᬭᬦ᭄ᬓᬾᬃᬣᬶᬫ᭄ᬯᬂᬬᬰ᭞ᬢᬧᬩ᭄ᬭᬢᬳᬲᬶᬸᬂᬰ᭄ᬭᬫᬮᬦ᭄ᬬᭀᬕᬲᬥᬸ᭞ᬓᬫᬶᬓ᭄ᬫᬶᬓ᭄ᬳᬘᭂᬧ᭄ᬳᬘᭂᬧᬦ᭄᭞ᬳᬦ᭄ᬢᬕᬸᬡᬗ
[ ᭑᭙᭐ 190A]
ᬭᬓ᭄ᬲᬫᬶ᭟᭜᭟᭓᭟ᬗᬯᬾᬓᬲᬸᬩ᭄ᬦᬭᬶᬂᬚᬕᬢ᭄᭞ᬳᬫᭀᬗᬦ᭄ᬳᬶᬤᬲᬂᬫᬳᬵᬪᬸᬫᬶ᭞ᬗᬲ᭄ᬢᬾᬓᬰ᭄ᬯᬭᬷᬓᬯᬸᬯᬸᬲ᭄᭞ᬕᬸᬡᬦ᭄ᬲᬂᬫᬗᬫᭀᬂᬚᬕᬢ᭄᭞ᬓᬵᬤᬶᬩᬸᬮᬦ᭄᭞ᬲᭀᬮᬳᬾᬫᬗᬯᬾ
ᬢᭂᬤᬸᬄ᭞ᬓᬵᬤᬶᬕ᭄ᬦᬶᬗᬩᬃᬳᬩᬃ᭞ᬦᬕ᭄ᬤᬶᬧᬜ᭄ᬚᬓ᭄ᬳᬲᬶᬂᬫᬸᬗᬶᬮ᭄᭟᭜᭟᭔᭟ᬫᬧᬥᬦᬦ᭠ᬤᬶᬯᬶᬃᬱ᭞ᬓᬵᬤᬶᬗᬶᬦ᭄ᬲᭀᬮᬳᬾᬫᬦᬶᬮᬶᬓᬶᬦ᭄᭞ᬓᬵᬤᬶᬳᬮᬸᬦ᭄ᬳᭀᬫ᭄ᬩᬓ᭄ᬳᬕᬸᬂ᭞ᬧᬸᬭᬸᬧᬕᬥᬕ
ᬥ᭞ᬫᬢᬦ᭄ᬤᬶᬗᬦ᭄᭞ᬓᬢᬶᬗᬶᬦ᭄ᬓᬋᬧ᭄ᬳᬶᬫᬸᬲᬸᬄ᭞ᬳᬲᬶᬂᬰᬢ᭄ᬭᬸᬲᬦᬾᬘᭀᬗᬄ᭞ᬓᬵᬤᬶᬓ᭄ᬭᬸᬕ᭄ᬫᬦ᭄ᬥᬥᬳᬶᬦ᭄᭟᭜᭟᭕᭟ᬬᬤᬶᬦ᭄ᬲᬾᬩᭂᬢ᭄ᬓᬵᬤᬶᬓᬶᬮᬢ᭄᭞ᬦᭂᬕᬸᬮ᭄ᬫᬸᬲᬸᬄᬗᬮᬄᬮᬄᬗᬮᬶᬄᬳᭂ
ᬮᬶᬄ᭞ᬓᬵᬤᬶᬢᬾᬚᬓᬧᬶᬂᬓᬸᬢᬸᬲ᭄᭞ᬕᬮᬗᬾᬫᬲᬸᬦ᭄ᬤᬭᬦ᭄᭞ᬫᬓᬾᬮᬶᬗᬂ᭞ᬳᬲᬶᬂᬓᬭᬶᬫᬶᬥᭂᬧ᭄ᬓᬸᬮᬸᬩ᭄᭞ᬓᬕᬸᬡᬦ᭄ᬲᭀᬮᬄᬲᬂᬦᬵᬣ᭞ᬗᬭᬦ᭄ᬭᬢᬸᬗᬲ᭄ᬢᬾᬰ᭄ᬯᬭᬷ᭟᭜᭟᭖᭟ᬪᬶᬦ
Kaca:Bali-lontar-gaguritan-puyung-sugih-250ppi.pdf/191
Kaca puniki sampun kauji-wacén
