Kaca:Bali-lontar-gaguritan-puyung-sugih-250ppi.pdf/19

Saking Wikisource
Kaca puniki sampun kauji-wacén

[ ᭑᭘ 18B]
᭑᭘᭞
ᬮᬦ᭄᭟᭐᭟᭒᭔᭟ᬳᬬᬫ᭄ᬲᬗ᭄ᬓᬸᬃᬩᬶᬳᬶᬂᬓᬸᬦᬶᬂ᭞ᬳᬸᬦ᭄ᬥᬶᬢ᭄ᬤᬦᬾᬲᬤᬳᬶᬫᬂ᭞ᬗᬗ᭄ᬕᭀᬚᬫ᭄ᬩᬸᬮ᭄ᬤᬶᬫ᭄ᬧᬶᬮ᭄ᬓᬭᭀ᭞ᬩᬩᭀᬢᭀᬄᬓᬢᬄᬗᬶᬭᬶᬗᬂ᭞ᬲᬫ᭄ᬩᬶᬮ᭄ᬗᬶᬢᬸᬂᬢᭂᬫ᭄ᬧᬸᬭᬦ᭄᭞ᬓᭀᬘᬧ᭄ᬫᬦ᭄ᬢᬸᬦ᭄ᬜᬦᬾᬤᬶ
ᬢᬸ᭞ᬓᬢᬫ᭄ᬯᬸᬭᬯᬸᬳᬶᬂᬓᬥᬂ᭟᭐᭟᭒᭕᭟ᬧᬸᬧᬸᬢ᭄ᬲᬵᬫ᭄ᬧᬸᬦ᭄ᬗᬚᭂᬂᬲᬫᬶ᭞ᬳᭀᬓᬦ᭄ᬜᬦᬾᬓᬫᬶᬢᬂ᭞ᬢᬸᬫᬸᬮᬶᬫᬦᬸᬗ᭄ᬕᬂᬫᭀᬢᭀᬂ᭞ᬫᬕ᭄ᬭᬸᬂᬧᬥᬗᬶᬫᬗᬂ᭞ᬢᬦᬸᬘᬧᬦ᭄ᬫᬭᬶᬂᬚᬮᬦ᭄᭞ᬭᬯᬸᬄᬚᬸᬫᬄᬜ
ᬦᬾᬲᬵᬫ᭄ᬧᬸᬦ᭄᭞ᬳᬦᬭᬶᬂᬤᬾᬰᬦᬕᬭ᭟᭐᭟᭒᭖᭟ᬲᭀᬭᬾᬓᬯᬸᬯᬸᬲᬦ᭄ᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬫᬲᬦ᭄ᬩᭂᬜ᭄ᬚᬶᬢ᭄ᬤᬫᬃ᭞ᬓᭀᬘᬧᬦᬺᬓᬾᬗᬦ᭄ᬢᬾᬦᬾ᭞ᬯᭂᬗᬶᬲᬵᬫ᭄ᬧᬸᬦ᭄ᬚᬫ᭄ᬧᬶᬂᬤᬰ᭞ᬲᬦᬾᬮᬦᬂ
ᬮᬶᬦ᭄ᬢᬂᬳᭀᬲᬄ᭞ᬦᬶᬮᬸᬄᬯᬬᬦ᭄ᬫᬵᬢᬹᬃᬳᬮᬸᬲ᭄᭞ᬳᭂᬗ᭄ᬲᭂᬓ᭄ᬩᭂᬮᬶᬲᬗ᭄ᬓᬦᬸᬬᬂ᭟᭐᭟᭒᭗᭟ᬲᬚᬓᬵᬤᬶᬫᬸᬜᬶᬦ᭄ᬳᬤᬶ᭞ᬦᬾᬚᬦᬶᬓᬸᬤ᭄ᬬᬂᬜᬭ᭄ᬯᬂ᭞ᬳᬗ᭄ᬕᬾᬦ᭄ᬜᬮᬶᬫᬸᬃᬳᬶᬲᭂᬗᬾ᭞ᬫᬤᭂᬲᭂᬓ᭄ᬢᭀᬂᬤᬤᬶᬗᬸᬚᬂ᭞
[ ᭑᭙ 19A]
ᬢᬸᬢᬸᬭᬶᬦ᭄ᬩᭂᬮᬶᬲᬢ᭄ᬯᬫᭂᬮᬄ᭞ᬳᬶᬲᭂᬗᬾᬧᬂᬤᬩᬗᬸᬦ᭄᭞ᬮᬦ᭄ᬢᬭᬦ᭄ᬢᬗ᭄ᬓᬶᬲ᭄ᬫᬕᬥᬂ᭟᭐᭟᭒᭘᭟ᬲᬸᬫᬳᬸᬃᬦᬷᬧᬸᬬᬸᬂᬲᬸᬕᬶᬄ᭞ᬢᬸᬢᬸᬃᬳᬧᬓᬢᬕᬶᬳᬂ᭞ᬲᬦᬾᬫᬲᬸᬓ᭄ᬭᬶᬂᬇᬥᭂᬧᬾ᭞ᬯᬬᬦ᭄ᬦᬕᬭᬫᬦᬗ᭄ᬕᬮ᭄᭞ᬓᬓᬯᬶᬦᬾ
ᬜᬳᬶᬯᬬᬦ᭄᭞ᬲᬭᭀᬜ᭄ᬘᭀᬦᬾᬢᭂᬫ᭄ᬩᬂᬳᬶᬧᬸᬦ᭄᭞ᬳᬤᬫᬲᬦᬶᬦ᭄ᬩᭂᬮᬶᬫᬘ᭟᭐᭟᭒᭙᭟ᬲᬭᭀᬜ᭄ᬘ᭟ᬢᬸᬳᬸᬓᬵᬤᬶᬯᬓ᭄ᬬᬦᬶᬭᬂᬫᬵᬳᬫᬹᬦᬶ᭞ᬮᬸᬮᬸᬢ᭄ᬮᬯᬦ᭄ᬳᬲᬶᬄᬫᬕᬯᬾᬳᬾᬮᬶᬓ᭄᭞ᬲᬳᬦᬦᬶᬂᬲᬃ
ᬯᬪᬯᬚᬵᬢᬶᬢᭂᬫ᭄ᬯᬗ᭄ᬓᬦ᭞ᬳᬲᬶᬂᬓᬶᬦᬮᬸᬮᬸᬢᬦ᭄ᬤᬸᬄᬓᬨᬮᬦ᭄ᬬᬯᭂᬓᬲ᭄᭟ᬳᬃᬢᬶᬦ᭄ᬜᬦᬾ᭟ᬫᬤᬕᬶᬂᬮ᭄ᬯᬶᬃᬧᬶᬢᭂᬓᭂᬢ᭄ᬳᬶᬤᬲᬂᬮ᭄ᬯᬶᬳᬶᬂᬓᬲᬶᬸᬧᬡ᭄ᬥᬶᬢᬦ᭄᭞ᬤᭂᬫᭂᬦᬾᬫᬶᬯᬄᬢᬺᬱ᭄ᬡᬶᬸᬱ᭄ᬡᬦᬾᬫᬗ᭄ᬯᬗᬸᬦᬂᬲᭂᬩᭂᬢ᭄
᭞ᬲᬓᬜ᭄ᬘᬦ᭄ᬯᬢᭂᬓ᭄ᬫᬳᬸᬭᬶᬧᬾ᭞ᬲᬸᬚᬵᬢᬶᬫᬗ᭄ᬕᬶᬄᬯᬾᬦ᭄ᬢᭂᬦ᭄ᬲᬾᬦᬶᬓ᭞ᬳᬲᬶᬂᬳᬲᬶᬂᬲᬦᬾᬓᬤᭂᬫᭂᬦᬶᬦ᭄‌ᬧᬫᬸᬧᬸᬢ᭄ᬤᬸᬄᬓᬶᬢᬧᬶᬓᭀᬮᬶᬄᬜᬦᬾ᭟᭐᭟ᬧᬸᬧᬸᬄᬓᬸᬫᬫ᭄ᬩᬂ᭟᭐᭟᭑᭟