[ ᭑᭘᭓ 183B]
᭑᭘᭓᭞
ᬤᬾᬯᬰᬳᬾᬜ᭄ᬚᬶᬂᬓᬯᬸᬯᬸᬲ᭄᭞ᬦᬸᬗ᭄ᬕᬂᬕᬸᬦᬸᬂᬲᬂᬳ᭄ᬬᬂᬭᬯᬶ᭞ᬳᬶᬤᬸᬓᬸᬄᬫᬩᬺᬲᬶᬄᬲᬵᬫ᭄ᬧᬸᬦ᭄᭞ᬤᬾᬅᬘᬶᬦ᭄ᬢ᭄ᬬᬩᬯᬗᬸᬗᭂᬦᬶ᭞ᬩᬩᬃᬳᬩᬃᬭᬶᬂᬕ᭄ᬭᭀᬫ᭄ᬩᭀᬂ᭟᭜᭟᭒᭟ᬤᬯᬸᬄ
ᬓᬮᬶᬄᬧᬸᬧᬸᬢ᭄ᬤᬦᬾᬚ᭄ᬭᭀᬤᬸᬓᬸᬄ᭞ᬧᬶᬗᬗ᭄ᬕᬾᬦᬲᬃᬯᬧᬸᬢᬶᬄ᭞ᬧᬗᬲ᭄ᬢᬯᬦᬾᬫᬜᬢᬸᬃ᭞ᬧᬫᬶᬢ᭄ᬭᬶᬂᬳᬩᬸᬧᬺᬢᬶᬯᬶ᭞ᬢᬯ᭄ᬬᬢ᭄ᬩᬬᬸᬫᬶᬯᬄᬢᬾᬚᬵ᭟᭜᭟᭓᭟ᬭᬭᭀᬲ᭄ᬫᭂᬤᬮ᭄ᬤᬦᬾᬤᬸᬓᬸᬄᬦᬸᬮ᭄ᬬᬦᬸ
ᬚᬸ᭞ᬳᬦ᭄ᬫᬭᬶᬂᬕ᭄ᬭᭀᬫ᭄ᬩᭀᬂᬕ᭄ᬦᬶ᭞ᬳᭀᬓᬓᬮᬶᬄᬮᬦᬂᬯᬥᬸ᭞ᬗᬩᬶᬄᬤᬦᬾᬓᬦᬦ᭄ᬓᬾᬭᬶ᭞ᬫᬫᬹᬃᬯᬗᬋᬧᬶᬦ᭄ᬕᭂᬭᭀᬫ᭄ᬩᭀᬂ᭟᭜᭟᭔᭟ᬫᬗᬲ᭄ᬢᬯᬲᬳᬤᬸᬧᬰᬶᬦ᭄ᬢᬂᬳᬭᬹᬫ᭄᭞ᬤᬦᬾᬤᬸᬓᬸᬄ᭠
ᬲᬳᬯᬶᬲᬶᬓ᭄᭞ᬲᬃᬯᬧᬶᬗᬶᬢᬸᬚᬂᬲᬵᬫ᭄ᬧᬸᬦ᭄᭞ᬓᬢᬶᬩᬭᬶᬂᬧᬸᬢ᭄ᬭᬓᬮᬶᬄ᭞ᬧᬧᬶᬗᬶᬢᬦ᭄ᬮᬶᬦ᭄ᬢᬂᬓᬯᭀᬢ᭄᭟᭜᭟᭕᭟ᬧᬸᬧᬸᬢ᭄ᬲᬵᬫ᭄ᬧᬸᬦ᭄ᬳᬫᭂᬦᬶᬂᬢᬸᬗ᭄ᬕᬮ᭄ᬧᬦ᭄ᬤᬸᬮᬸ᭞ᬳ᭄ᬦᬶᬂᬳ᭄ᬦᬶᬂᬚ᭄ᬭᭀ᭠
[ ᭑᭘᭔ 184A]
ᬦᬶᬂᬓᬧ᭄ᬢᬶ᭞ᬳᬲ᭄ᬢᬶᬢᬶᬧ᭄ᬭᬮᬶᬡᬲᬵᬫ᭄ᬧᬸᬦ᭄᭞ᬳᬶᬦᬶᬸᬗ᭄ᬜ᭄ᬘᭂᬧ᭄ᬤᬦᬾᬤᬸᬓᬸᬄ᭞ᬳᬤᬶ᭞ᬓᬮᬶ᭠ᬦ᭄ᬦᭀᬭᬳᬦᬧᬶᬦ᭄ᬤᭀ᭟᭜᭟᭖᭟ᬧᬸᬢ᭄ᬭᬓᬮᬶᬄᬳᬚᬳᬦ᭄ᬤᬸᬓ᭄ᬧᬸᬦᬶᬓ᭞ᬫᬢᬶᬗ᭄ᬕᬮ᭄ᬳᬶᬤᬸᬓᬸᬄᬫᬸᬮᬶᬄ
᭞ᬦᬭᬶᬂᬚᬕᬢ᭄ᬮᬶᬦ᭄ᬢᬂᬮᬸᬳᬸᬂ᭞ᬤᬦᬾᬓᬮᬶᬄᬳᬯᬲ᭄ᬚᬵᬢᬶ᭞ᬲᬹᬃᬬ᭄ᬬᬰᬰᬶᬄᬢᬦ᭄ᬓᬭᬯᭀᬲ᭄᭟᭜᭟᭗᭟ᬦᬸᬗ᭄ᬕᬮ᭄ᬮᬶᬘᬶᬦ᭄ᬰᬹᬦ᭄ᬬᬦ᭄ᬢᬭᬮᬫ᭄ᬧᬄᬳᬶᬧᬸᬦ᭄᭞ᬫᬓᭂᬲ᭄ᬬᬩ᭄ᬓᬕᬾᬢ᭄ᬢᬦ᭄ᬳᬾᬮᬶᬂ᭞ᬧᬸᬢ᭄ᬭᬓᬮᬶᬄᬮ
ᬦᬂᬯᬥᬸ᭞ᬲᬯᬄᬦᬲᬂᬳᬤᬶᬮ᭄ᬯᬶᬄ᭞ᬭᬸᬦ᭄ᬢᬸᬄᬢᬶᬩᬵᬭᬶᬂᬕ᭄ᬭᭀᬫ᭄ᬩᭀᬂ᭟᭜᭟᭘᭟ᬕ᭄ᬦᬶᬧᬸ᭠ᬭᬸᬩ᭄ᬫᬦᬶᬮᬄᬲᬯᬦᬾᬤᬶᬢᬸ᭞ᬦᬸᬮ᭄ᬬᬕᭂᬲᭂᬂᬲᬵᬫ᭄ᬧᬸᬦ᭄ᬤᬕ᭄ᬤᬶ᭞ᬢᬸᬮᬂᬤᬕᬶᬂᬤᬤᭀᬲ᭄ᬳᬯᬸ᭞ᬳᬫ᭄ᬩᬸᬓᬮᬸ
ᬫ᭄ᬫᬗᬾᬩᭂᬓᬶᬦ᭄᭞ᬓᭂᬢᬸᬕ᭄ᬮᬶᬦᬸᬄᬕᬾᬜ᭄ᬚᬂᬕᬾᬜ᭄ᬚᭀᬂ᭟᭜᭟᭙᭟ᬤᬳᬢᬸᬫᬸᬂᬳᬶᬱᬤ᭄ᬧᬥᬓᬵᬤᬶᬗᬸᬦ᭄ᬗᬸᬦ᭄᭞ᬧᬕ᭄ᬭᬶᬬᭂᬂᬭᬯᬸᬄᬗᬩᬩᬶᬦ᭄᭞ᬳᬯᬸᬄᬜᬦᬾᬗᭂᬦ᭄ᬤᬸᬲ᭄ᬳᬫ᭄ᬩᬸ᭞ᬳᬶ᭠
Kaca:Bali-lontar-gaguritan-puyung-sugih-250ppi.pdf/185
Kaca puniki sampun kauji-wacén
