Kaca:Bali-lontar-gaguritan-puyung-sugih-250ppi.pdf/183

Saking Wikisource
Kaca puniki sampun kauji-wacén

[ ᭑᭘᭑ 181B]
᭑᭘᭑᭞
ᬲ᭄ᬯᬃᬕᬦ᭄ᬚᬵᬢᬶ᭞ᬳᬶᬦᬩ᭄ᬢᬸᬳᬸ᭞ᬮ᭄ᬯᬶᬃᬧᬗᬢᭂᬃᬳᬶᬤᬧ᭄ᬭᬡ᭄ᬥ᭟᭜᭟᭒᭖᭟ᬓᬾᬯᬮᬢᬢᬃᬓᬦ᭄ᬢᬶᬢ᭄ᬬᬂ᭞ᬓᬜ᭄ᬘᬦ᭄ᬧᬶᬢᬭᬦᬾᬫᬸᬮᬶᬄ᭞ᬫᬗ᭄ᬕᬸᬄᬲ᭄ᬯᬃᬕᬥᬸᬓ᭄ᬧᬸᬦᬶᬓ᭞ᬳᬚᬳᬦ᭄ᬤᬶᬢᬸᬓ᭠
ᬢᬫ᭄ᬧᬶ᭞ᬗᬦᬹᬢᬶᬦ᭄ᬲᭀᬮᬄᬳᬾᬤᬸᬫᬤᬶ᭞ᬳᬮᬳᬬᬸᬓᬃᬤᬶᬦᬶᬧᬸᬦ᭄᭞ᬬᬾᬦᬶᬂᬳᬦᬓ᭄ᬲᭀᬮᬄᬫᭂᬮᬄ᭞ᬪᬝᬵᬭᬲᬚᬦᬫ᭄ᬧᬶ᭞ᬚᭂᬦᭂᬓ᭄ᬤᬶᬢᬸ᭞ᬯᬶᬥ᭄ᬬᬥᬭᬷᬫᬗᭂᬫ᭄ᬩᬦᬂ᭟᭜᭟ᬧᬸᬧᬸᬄ
ᬕᬶᬦᬦ᭄ᬢᬶ᭟᭜᭟᭑᭟ᬬᬾᬦᬶᬂᬲᭀᬮᬄᬦᭀᬭᬧᬢᬹᬢ᭄᭞ᬳᬚᬳᬦ᭄ᬲ᭄ᬯᬃᬕᬦᬾᬧᬗ᭄ᬕᬶᬄ᭞ᬤᬶᬢᬸᬫᬮᬶᬄᬓᬢᬸᬮᬓᬂ᭞ᬗᬦᬹᬢᬶᬦ᭄ᬲᭀᬮᬄᬧᬓᬃᬤᬶ᭞ᬓᬶᬘᬾᬦ᭄ᬢᭀᬗᭀᬲ᭄ᬲ᭄ᬯᬂᬲ᭄ᬯᬂ᭞ᬫᬥ᭄ᬬᬦᬶ
ᬱ᭄ᬝᬓᬳᬗ᭄ᬕᭀᬦ᭄᭟᭒᭟ᬓᬧᬓ᭄ᬱᬢᬸᬮᬓ᭄ᬓᬢᬸᬦ᭄ᬤᬸᬂ᭞ᬚᬤ᭄ᬫᬦᬾᬫᬲᭀᬮᬄᬭᬸᬲᬶᬢ᭄᭞ᬳᬚᬳᬦ᭄ᬫᬗ᭄ᬕᬸᬄᬲ᭄ᬯᬃᬕ᭞ᬲᬥᬸᬓ᭄ᬜᬦᬾᬓᬩᬾᬬᬦᬶᬦ᭄᭞ᬦᬸᬮ᭄ᬬᬫᬮᬶᬄᬓᬘᬼᬫ᭄ᬧᬸᬗᬂ᭞
[ ᭑᭘᭒ 182A]
ᬦᬭᬶᬂᬓᬯᬄᬮᬶᬦ᭄ᬢᬂᬯᬾᬘᬶ᭟᭜᭟᭓᭟ᬤᬦᬾᬪᬶᬓ᭄ᬱᬸᬚᬸᬚᬸᬢ᭄ᬫᬢᬹᬃ᭞ᬬᬤᬶᬦ᭄ᬲᭀᬮᬄᬲᬧᬸᬦᬧᬶ᭞ᬮᬫᬓᬦᬾᬫᬗ᭄ᬕᬸᬄᬲ᭄ᬯᬃᬕ᭞ᬤᬦᬾᬤᬸᬓᬸᬄᬫᬜᬯᬸᬭᬶᬦ᭄᭞ᬢᬸᬢᬸᬭᬾᬤᬾᬯᬢᬢ
ᬲᬂ᭞ᬓᬓᭂᬘᬧ᭄ᬫᬶᬯᬄᬧᬯᬶᬲᬶᬓ᭄᭟᭜᭟᭔᭟ᬓᬲᬸᬰᬵᬲ᭄ᬢ᭄ᬭᬤᬲᬃᬳᬶᬧᬸᬦ᭄᭞ᬲᭀᬮᬄᬲᬥᬸᬓᬫᬃᬕᬶᬦᬶᬦ᭄᭞ᬫᬦᭂᬢᭂᬧᬂᬤᬰᬰᬷᬮ᭞ᬗᬸᬜ᭄ᬘᬃᬯᬾᬥᬍᬫᬄᬯᭂᬗᬶ᭞ᬯ᭄ᬧᬶᬂᬲᬾᬓᭂᬢ᭄ᬫᬓ
ᬦᬶᬱ᭄ᬝᬦ᭄ᬬ᭞ᬫᬢᬷᬃᬣᬫᬕᭂᬦᬶᬂᬕᭂᬦᬶᬂ᭟᭜᭟᭕᭟ᬬᬤᬶᬦ᭄ᬭᬾᬧᭀᬢ᭄ᬫᬶᬯᬄᬭᬶᬩᬸᬢ᭄᭞ᬳᬾᬮᬶᬗᬾᬳᬶᬗᭂᬢᬂᬲᬳᬶ᭞ᬕᬯᬾᬦᬾᬳᬗ᭄ᬕᭀᬦ᭄ᬲᬫ᭄ᬩᬶᬮᬦ᭄᭞ᬳᬾᬮᬶᬂᬗᬳᬧᬶᬸᬂᬋᬧᬂᬲᬳᬶ
᭞ᬓᬵᬤᬶᬳᬦᬓ᭄ᬗᭂᬮᬄᬳᬸᬫᬄ᭞ᬘᭂᬘᭂᬄᬲᬳᬶᬓᬘᭂᬍᬧᬶᬦ᭄᭟᭜᭟᭖᭟ᬬᬤᬶᬦ᭄ᬮᬸᬗ᭄ᬳᬳᬾᬮᬶᬂᬫᬦ᭄ᬢᬸᬓ᭄᭞ᬤᬤᬶᬘᬮᬸᬄᬫᭂᬲᬸᬫᬸᬮᬶᬄ᭞ᬮᬸᬗ᭄ᬳᬕᬫ᭄ᬧᬂᬫᬸᬮᬶᬄᬥᬗᬦ᭄᭞

Kapolihang saking "https://ban.wikisource.org/w/index.php?title=Kaca:Bali-lontar-gaguritan-puyung-sugih-250ppi.pdf/183&oldid=55268"