Kaca:Bali-lontar-gaguritan-puyung-sugih-250ppi.pdf/176

Saking Wikisource
Kaca puniki sampun kauji-wacén

[ ᭑᭗᭔ 174B]
᭑᭗᭔᭞
ᬲᬓᬶᬂᬳᬗᭂᬓᬶᬸᬂᬦ᭄ᬬᬫᬦᬤᭀᬲ᭄᭞ᬫᬦᬸᬭᬸᬢᬶᬦ᭄ᬬᬬᬄᬗᬶᬸᬳᬶᬩᬸ᭞ᬳᬲᬶᬂᬮᬗ᭄ᬓᬸᬂᬓᬧᬶᬢᬺᬱ᭄ᬡᬦ᭄᭞ᬓᬢᬶᬦᬸᬢᬶᬦ᭄᭞ᬳᬦ᭄ᬢᬸᬓ᭄ᬭᬸᬧᬬᬳᬶᬧ᭄ᬬᬦᬓ᭄᭟᭜᭟᭑᭔᭟ᬍᬩᬶᬲ᭄ᬫᬭᬦᬾᬮᬦᬂ᭞
ᬤᬸᬫᬸᬦᬦ᭄ᬢᬾᬫ᭄ᬩᭀᬄᬦᬶᬩᬦᬶᬦ᭄᭞ᬮᬮᬶᬓᬶᬳᬶᬧᬸᬦ᭄ᬫᬦᬤᭀᬲ᭄᭞ᬭᬹᬧᬫᬶᬭᬶᬩ᭄‌ᬬᬄᬳᬶᬧᬸᬦ᭄᭞ᬲᬦᬾᬳᬶᬲ᭄ᬢ᭄ᬭᬶᬓᬓᬢᬳᬦ᭄᭞ᬤᬤᭀᬲ᭄ᬳᬶᬲ᭄ᬢ᭄ᬭᬷ᭞ᬤᬤᬶᬦᬶᬭᬸᬭᬹᬧᬦ᭄ᬳᭂᬫᬓ᭄᭟᭜᭟
᭑᭕᭟ᬬᬤᬶᬦ᭄ᬲᭀᬮᬄᬫ᭄ᬯᬂᬧᬩᭂᬢᬦ᭄᭞ᬫᬳᬶᬥᭂᬧ᭄ᬫᬸᬯᬄᬫᬫᬸᬜᬶ᭞ᬲᬂᬩᬧᬯᬶᬓᬫᬩᬯᭀᬲ᭄᭞ᬥᬃᬫᬲᬾᬍᬩᬸᬮᬢ᭄ᬳᬮᬸᬲ᭄᭞ᬓᬢᬶᬭᬸᬳᭀᬮᬶᬄᬳᬧ᭄ᬬᬦᬓ᭄᭞ᬩᬸᬤ᭄ᬥᬶᬳ
ᬲᬶᬄ᭞ᬭᬶᬂᬳᬚᬭᬦ᭄ᬓᬸᬭᬂᬢᬚᬶᬸᬂᬚᬫ᭄᭟᭜᭟᭑᭖᭟ᬲᬥᬸᬓ᭄ᬫᬢᭂᬫᬸᬩ᭄ᬭᬗᬲᬦ᭄᭞ᬢᬜ᭄ᬘᭂᬩ᭄ᬗᬮᬶᬗᬂᬧᬓᬃᬤ᭞ᬯᬃᬡᬩᬶᬭᬸᬓᬫᬢᬾᬫ᭄ᬩᭀᬄᬦᬶᬓᬤᬄᬤᬲ᭄ᬳᬦᬓ᭄ᬢᬸᬫ᭄ᬧᬸ᭠
[ ᭑᭗᭕ 175A]
ᬮ᭄᭞ᬩᭂᬮᭀᬕᬼᬗᭂᬄᬤᬤᬶᬳᬦᬓ᭄᭞ᬲᬸᬩᬦᬾᬓᭂᬮᬶᬄ᭞ᬦᬗ᭄ᬳᬶᬂᬇᬥᭂᬧ᭄ᬜᬦᬾᬥᬃᬫ᭟᭐᭟᭑᭗᭟ᬬᬾᬦᬶᬂᬦᬸᬚᬸᬲᬸᬓᬮᬶᬮ᭞ᬫᬮᬶᬄᬚᬶᬫ᭄ᬩᬃᬇᬥᭂᬧ᭄ᬰᬸᬘᬶ᭟ᬲᬢᬶᬸᬥᬸᬓ᭄ᬱ᭄ᬫᬭᬦᬾ᭠
ᬢᬾᬫ᭄ᬩᭀᬄᬮᬸᬢᬶᬄᬓᬸᬦᬶᬂᬯᬃᬡᬦᬶᬧᬸᬦ᭄᭞ᬤᬤᭀᬲ᭄ᬳᬦᬓ᭄ᬪᬶᬚᬓ᭄ᬱᬡ᭞ᬢᬚᭂᬫ᭄ᬩᬸᬤ᭄ᬥᬶ᭞ᬓᬸᬓᬸᬄᬗᬾᬮᬶᬗᬂᬰᬱᬫᬦ᭄᭟᭜᭟᭑᭘᭟ᬧᬢᭂᬫᬸᬦᬾᬳᬫ᭄ᬩᬸᬮ᭄ᬧᬓ᭄ᬱ᭞ᬧᬸᬦᬶᬓᬓ᭠
ᬕᬾᬢ᭄ᬫᬦᬤᬶ᭞ᬲ᭄ᬫᬭᬳᬩᬂᬦᬶᬓᬢᬾᬫ᭄ᬩᭀᬄ᭞ᬫᬸᬓᬯᬶᬓᬦ᭄ᬩᬸᬤ᭄ᬥᬶᬳᬮᬸᬲ᭄᭞ᬦᬗᬶᬂᬓᬶᬫᬸᬤ᭄ᬢᬸᬭᬶᬂᬕᭂᬢᬧ᭄᭞ᬳᬶᬭᬶᬳᬢᬶ᭞ᬧᭂᬧᭂᬲ᭄ᬫᬗ᭄ᬕᬸᬄᬫᬦᬄᬧᬦᭂᬲ᭄᭟᭜᭟ᬬᬾᬦᬶᬂᬲᭂᬩᭂᬢ᭄ᬫᬘᬸᬫ᭄ᬩ᭄ᬯ᭠
ᬦ᭞ᬤᬤᭀᬲ᭄ᬲ᭄ᬫᬭᬦᬾᬫᬶᬚᬶᬮ᭄᭞ᬘᭂᬮᬶᬓᬳᬶᬥᭂᬧᬾᬫᬦᬤᭀᬲ᭄᭞ᬩᭂᬮᭀᬕ᭄‌‌‌‌ᬳᭀᬓᬦᬾᬩᭂᬮᬶᬕᬸᬤ᭄᭞ᬳᬶᬭᬶᬳᬢᬶᬢᬸᬭᬶᬂᬩᬗ᭄ᬕ᭄ᬭᬲ᭄᭞ᬲᬶᬕᬸᬕ᭄ᬲᬳᬶ᭞ᬓᬮᬸᬤᬶᬧᬸᬦ᭄ᬗᬧᬵ