[ ᭑᭖᭘ 168B]
᭑᭖᭘᭞
ᬓᬫᬗ᭄ᬓᬶᬦ᭄ᬓᭀᬘᬧᬦ᭄᭟᭜᭟᭒᭟ᬓᬧᬩ᭄ᬬᬦᬦ᭄ᬗᬶᬧᬶᬓᬶᬧᬶᬓ᭄᭞ᬲᬫ᭄ᬩᬶᬮ᭄ᬤᬦᬾᬗᬮᬶᬄᬲᬳᬂ᭞ᬫᬸᬂᬧᬸᬂᬦᬸᬚᬸᬰᬰᬶᬄᬓᬭᭀ᭞ᬧᬤᬾᬯᬾᬓᬦ᭄ᬮᬶᬦ᭄ᬢᬂᬩᭂᬥᬓ᭄᭞ᬗᬮᬶᬄᬢᭀᬬᬢᭀᬂᬫ
ᬩᬳᬦ᭄᭞ᬦᬸᬮ᭄ᬬᬤᬦᬾᬧᬢᬶᬮᬸᬧ᭄ᬮᬸᬧ᭄᭞ᬫᬗ᭄ᬕᬶᬄᬢᭀᬬᬘᬼᬓᬾᬤᭀᬓᬦ᭄᭟᭜᭟᭓᭟ᬓᬶᬢᬯᬭᬶᬄᬲᬂᬳ᭄ᬬᬂᬳᬭᬶ᭞ᬓᬧᬲ᭄ᬢᬸᬭᬶᬂᬲᬶᬤ᭄ᬥᬶᬫᬦ᭄ᬢ᭄ᬭ᭞ᬧᬸᬦᬶᬓᬭᬭᬶᬲ᭄ᬓᬳᭀᬬᭀᬢ᭄᭞ᬦᬸ᭠
ᬰ᭄ᬬᬩᬸᬤᬮ᭄ᬫᬓ᭄ᬢᬲᬳᬂ᭞ᬮᬫᬶᬦᬾᬢᬦ᭄ᬓᬳᬸᬘᬧᬂ᭞ᬓᬜ᭄ᬘᬶᬢ᭄ᬤᬤᭀᬲ᭄ᬦᬭᬶᬂᬓᬦ᭄ᬤᬸᬂ᭞ᬦᬷᬮᬸᬄᬰᬸᬘᬷᬤᬤᬶᬗᬶᬥᭂᬫ᭄᭟᭜᭟᭔᭟ᬓᬲ᭄ᬯᬾᬦ᭄ᬜᬦᬾᬢᬶᬕᬂᬰᬰᬶᬄ᭞ᬓᬢᬗᭂᬳᬦ᭄ᬤᬦᬾᬗᬶᬥ
ᬫ᭄᭞ᬓᬢᬸᬦ᭄ᬤᬸᬂᬭᬭᬶᬲ᭄ᬕᭀᬓᬦᬾ᭞ᬫᬾᬫᬾᬧᬮᬶᬦ᭄ᬢᬂᬚᭂᬗᬄ᭞ᬤ᭄ᬯᬦᬶᬂᬩᭂᬮᬶᬂ᭠ᬢᬦ᭄ᬤᬦ᭄ᬢᭂᬦᬦ᭄᭞ᬧᬗᬓᬸᬦᬾᬢᬦ᭄ᬧᬳᬸᬦ᭄ᬤᬸᬓ᭄᭞ᬓᬢᬸᬦ᭄ᬤᬸᬂᬭᬭᬶᬲ᭄ᬫᬗᬮᬲ᭄᭟᭜᭟᭕᭟
[ ᭑᭖᭙ 169A]
ᬲᭂᬤᬶᬄᬤᬦᬾᬳᬤᬶᬤᬶᬳᬶᬦ᭄᭞ᬦᬶᬮᬸᬄᬰᬸᬘᬶᬦᬭᬶᬂᬢᬮᬲ᭄᭞ᬧᬱᬦ᭄ᬤᬶᬗᬶᬦ᭄ᬰᬰᬶᬄ᭠ᬓᬭᬾᬯ᭞ᬭᬶᬂᬫᬥ᭄ᬬᬦᬶᬂᬢᬦᬵᬦ᭄ᬢᬭ᭞ᬲ᭄ᬬᬂᬦᬮᬸᬫᬗᬸᬫ᭄ᬩᬭ᭞ᬲᬲᬫ᭄ᬩᬢᬾᬦᬸᬤᬸᬢ᭄ᬓᬳ᭄ᬬᬸᬦ᭄
᭞ᬜᭂᬮ᭄ᬲᭂᬮ᭄ᬳᬯᬓ᭄ᬢᬦ᭄ᬧᬩ᭄ᬭᬬ᭟᭜᭟᭖᭟ᬲᬶᬗ᭄ᬕᬶᬄᬭᬓᬸᬓᬂᬳ᭄ᬬᬂᬯᬶᬥᬶ᭞ᬘᬶᬗᬓ᭄ᬢᬶᬢ᭄ᬬᬂᬓᬲᬗ᭄ᬲᬭᬦ᭄᭞ᬦᬧᬶᬓᬭᬡᬢᬶᬢ᭄ᬬᬂᬓᬯᭀᬦ᭄᭞ᬇᬥᭂᬧ᭄ᬢᬶᬢ᭄ᬬᬂᬧᬗ᭄ᬭᬱᬰᬸᬘᬶᬦᭀᬭᬓ
ᬍᬢᭂᬳᬦ᭄᭞ᬇᬥᬧ᭄ᬫᬸᬜᬶᬫᬶᬯᬄᬮᬓᬸ᭞ᬳᬾᬮᬶᬂᬓᭀᬭᬯᬾᬦ᭄ᬢᭂᬦ᭄ᬜᬫᬄ᭟᭜᭟᭗᭟ᬓᬜ᭄ᬘᬶᬢ᭄ᬳᬩᭀᬢ᭄ᬓᬵᬤᬶᬫᬗ᭄ᬓᬶᬦ᭄᭞ᬘᬶᬗᬓ᭄ᬭᬢᬸᬫᬦᬄᬢᬶᬢ᭄ᬬᬂ᭞ᬬᬾᬦ᭄ᬢᬶᬢ᭄ᬬᬂᬫᬲᭀᬮᬄ
ᬓᬯᭀᬦ᭄᭞ᬲᬂᬳ᭄ᬬᬂᬲᬸᬃᬬ᭄ᬬᬲᬓ᭄ᬱᬶᬦ᭄ᬚᬕᬢ᭄᭞ᬬᬤᬶᬦ᭄ᬭᬢᬸᬤᬾᬯᬦ᭄ᬳᬮᬲ᭄᭞᭠ᬤᬾᬯᬦᬼᬫᬄᬤᬾᬯᬦ᭄ᬢᬭᬸ᭞ᬭᬢᬸᬤᬤᭀᬲ᭄ᬲᬸᬃᬬ᭄ᬬᬦ᭄ᬚᬕᬢ᭄᭟᭜᭟᭘᭟ᬲᬤᬸᬭᬸᬂᬗᬾᬯᬢᬸ
Kaca:Bali-lontar-gaguritan-puyung-sugih-250ppi.pdf/170
Kaca puniki sampun kauji-wacén
