Kaca:Bali-lontar-gaguritan-puyung-sugih-250ppi.pdf/165

[ ᭑᭖᭓ 163B]
᭑᭖᭓᭞
ᬲᬶᬭᬓᬸᬤᬸ᭞ᬫᬭᬶᬂᬓᬂᬭᬚᬩ᭄ᬭᬸᬡᬵᬤᬶ᭞ᬋᬱᬶᬓᬩᬾᬄᬲᬯᬸᬃᬫᬦᬸᬓ᭄᭞ᬲᬸᬦ᭄ᬗᬸ᭠ᬮᬢᬶᬲᬦ᭄ᬤᬗᬦᬤᬶ᭞ᬲᬲᭀᬘᬦ᭄ᬫᬡᬶᬓ᭄ᬢᬢᬸᬃ᭞ᬓᬲᬦ᭄ᬤᬂᬓᬵᬮᬫᬫᬾᬬᭀᬲ᭄᭟᭜᭟
ᬧᬸᬧᬸᬄᬕᬶᬦᬦ᭄ᬢᬶ᭟᭜᭟᭑᭟ᬫᭂᬦᭂᬂᬳᬚᬳᬜ᭄ᬚ᭄ᬭᭀᬪᬷᬓ᭄ᬱᬸ᭞ᬢᬧᬸᬓ᭄ᬢᬗᬦ᭄ᬜᬸᬮᬶᬂᬩᬮᬶ᭞ᬫᬤᬸᬮᬸᬃᬅᬓ᭄ᬱᬶᬳᬚᬳᬦ᭄᭞ᬫᬗᬭᬦ᭄ᬳᬶᬧᬸᬘᬂᬕᬥᬶᬂ᭞ᬯᬶᬢ᭄ᬜᬦᬾᬍᬫᭂᬢ᭄ᬫᭀᬦ᭄ᬢᬾᬮᬦ᭄᭞ᬫ
ᬲ᭄ᬭᬶᬬᬸᬢ᭄ᬢᭂᬤᬸᬦ᭄ᬫᬭᬦᬶᬦ᭄᭟᭜᭟᭒᭟ᬲᬸᬫᬲᬢ᭄ᬳᬢᬸᬃᬧᬲᬸᬕᬸᬄ᭞ᬫᬗᬢᬸᬭᬂᬲᬃᬯᬫᬡᬶᬓ᭄᭞ᬚ᭄ᬭᭀᬪᬶᬓ᭄ᬱᬸᬗᬫ᭄ᬩᭂᬮ᭄ᬗᭀᬜᬗᬂ᭞ᬯᬢᭂᬓᬺᬱᬶᬧᬥᬥᬭᬶᬦ᭄᭞ᬲᬫᬶᬭᬢᬳᭀᬮᬶᬄ
ᬥᬃᬫ᭞ᬳᬦ᭄ᬢᬸᬓ᭄ᬪᬷᬓ᭄ᬱᬸᬧᬸᬬᬸᬂᬲᬸᬕᬶᬄ᭟᭜᭟᭓᭟ᬫᬕᬭᬂᬲᬫᬶᬗᬮᬸᬗ᭄ᬲᬸᬃ᭞ᬫᭂᬍᬤ᭄ᬜᬦᬾᬓᬧᬶᬦ᭄ᬫᬡᬶᬓ᭄᭞ᬧᬸᬧᬸᬢ᭄ᬲᬵᬫ᭄ᬧᬸᬦ᭄ᬫᬧᬳᬶᬘ᭞ᬚ᭄ᬭᭀᬪᬶᬓ᭄ᬱᬸᬭᬭᬶᬲ᭄ᬫᬧᬫᬶᬢ᭄᭞
[ ᭑᭖᭔ 164A]
ᬲᬵᬫ᭄ᬧᬸᬦ᭄ᬤᭀᬄᬤᬦᬾᬮᬸᬫᬫ᭄ᬧᬄ᭞ᬕᬸᬦᬸᬂᬲ᭄ᬫᬾᬭᬸᬦᬾᬓᬳᬸᬗ᭄ᬲᬶ᭟᭜᭟᭔᭟ᬯᬢᭂᬓᬺᬱᬶᬩᭂᬗᭀᬂᬤᬶᬢᬸ᭞ᬤᬶᬯᬳᬸᬦᬾᬓᬢᬶᬗ᭄ᬳᬮᬶᬦ᭄᭞ᬫᬗ᭄ᬭᬱᬳᭀᬮᬶᬄᬧᬥᬦ᭞ᬤᬤᬶᬥᬃᬫᬫᬓᬲᬫᬶ
᭞ᬫᬜᬸᬲᬸᬧ᭄ᬢᭂᬓᬾᬂᬯᬺᬥᬬ᭞ᬧᬶᬘᬦ᭄ᬤᬦᬾᬧᬸᬬᬸᬂᬲᬸᬕᬶᬄ᭟᭜᭟᭕᭟ᬓᬜ᭄ᬘᬶᬢ᭄ᬲᬫᬶᬧᬥᬳᬤᬸᬂ᭞ᬤᬶᬲᬵᬫ᭄ᬧᬸᬦᬾᬦᬭᬶᬫᬫᬡᬶᬓ᭄᭞ᬢᬢᭂᬓ᭄ᬭᬱᬶᬓᬮᬶᬄᬤᬰ᭞ᬫᬕ᭄ᬭᬸᬤᬸᬕ᭄ᬲᬮᬶᬂᬫᬮᬸᬦᬶ
ᬦ᭄᭞ᬫᬲ᭄ᬫᬡᬶᬓ᭄ᬜᬦᬾᬓᬳᬸᬢᬂ᭞ᬓᭀᬦ᭄ᬢᬓ᭄ᬩᬬᬸᬭᬶᬂᬦᬷᬲᬸᬕᬶᬄ᭟᭜᭟ᬓᬭᬶᬳᬤᭀᬄᬕᭂᬮᬃᬕᭂᬮᬸᬃ᭞ᬲᬂᬳᬬᬸᬢᬶᬢ᭄ᬬᬂᬳᬦ᭄ᬢᭀᬲᬶᬦ᭄᭞ᬦᭀᬮᬶᬄᬤᬦᬾᬫᬗᭀᬦ᭄ᬢᭀᬲᬂ᭞ᬲᬵᬫ᭄ᬧᬸᬦ᭄ᬭᬯᬸᬄ
ᬫᬓᬲᬫᬶ᭞ᬗᬮᬧ᭄ᬓᬲᭀᬃᬭᬶᬂᬯᬘᬦ᭞ᬉᬥᬸᬄᬤᬾᬯᬲᬂᬪᬷᬓ᭄ᬱᬸᬦᬶ᭟᭜᭟᭗᭟᭠ᬓᬤᬳᬢᬦᬶᬢ᭄ᬬᬂᬧᬸᬭᬸᬦ᭄᭞ᬗᬦ᭄ᬤᭂᬕᬂᬭᬢᬸᬫᬫᬃᬕᬶ᭞ᬧᬸᬭᬸᬦ᭄ᬢᬶᬢ᭄ᬬᬂᬓᬵᬤᬶᬘᭀᬗᬄ᭞ᬤᬾᬦᬶᬂ