Kaca:Bali-lontar-gaguritan-puyung-sugih-250ppi.pdf/163

Saking Wikisource
Kaca puniki sampun kauji-wacén

[ ᭑᭖᭑ 161B]
᭑᭖᭑᭞
ᬉᬧᬲ᭄ᬧᬗᬦ᭄ᬭᬭᬶᬗᬜ᭄ᬚᭂᬮ᭄ᬫᬗᬼᬦ᭄ᬢᬶᬗᬶᬦ᭄᭞ᬚᬶᬫᬾᬧᬧᭂᬢᭂᬳᬦ᭄᭞ᬳᬸᬮᬸᬂᬢᭂᬦ᭄ᬤᬲ᭄ᬜᬦᬾᬜᬸᬫ᭄ᬧ᭄ᬭᬶᬢ᭄᭞ᬳᬢᭂᬗ᭄ᬕᭂᬓ᭄ᬫᬲᬸᬓ᭄ᬭᬶᬂᬢᬦᬄ᭟᭜᭟᭑᭓᭟ᬭᬭᬶᬲ᭄ᬧᭂᬚᬄᬳᬶᬚᬶᬫ᭄ᬫᭀ᭠
ᬫᭀᬢᬦ᭄ᬧᬓᬦ᭄ᬢᬶ᭞ᬲᬂᬳᬬᬸᬓᭀᬘᬧᬦ᭄᭞ᬫᬸᬡᬶᬸᬓ᭄ᬓᬶᬸᬩ᭄ᬯᬶᬸᬢᬶᬸᬫᬲ᭄ᬫᬡᬶᬓ᭄ᬓᬩ᭄ᬯᬢ᭄ᬲᬫᬶ᭞ᬓᬸᬦ᭄ᬥᬮᬫᬡᬶᬓ᭄ᬲᬦ᭄ᬥᬗᬦ᭄᭟᭜᭟᭑᭔᭟ᬢᭂᬤᬸᬦᬶᬫᬂᬤᬾᬸᬶᬢ᭄ᬯᬥᬄᬤᬦᬾ ᬕᭂᬮᬶᬲ᭄ᬮᬸᬫᬭᬶ
ᬲ᭄᭞ᬫᬬᬢᬦ᭄ᬦᬫ᭄ᬧᬓ᭄ᬢᬦᬄ᭞ᬫᬡᬶᬓ᭄ᬳᬶᬜ᭄ᬚᬶᬦ᭄ᬫᬗᬯᬶᬦᬶᬦ᭄᭞ᬲᬓᬫᬓᬫᬭᬶᬂᬫᬃᬕ᭟᭜᭟᭑᭕᭟ᬢᬦᬸᬘᬧᬦ᭄ᬳᬤᭀᬄᬤᬦᬾᬦᬭᬶᬂᬫᬃᬕᬶ᭞ᬫᬗ᭄ᬕᬶᬄᬢᭂᬕᬮ᭄ᬚᬫ᭄ᬩᬢ᭄᭞
[ ᭑᭖᭒ 162A]
ᬯᬢᭂᬓ᭄ᬢᬧᬓ᭄ᬯᬾᬄᬓᬧᬗ᭄ᬕᬶᬄ᭞ᬫᬶᬯᬄᬓᬜ᭄ᬘᬦ᭄ᬧᬧᭀᬦ᭄ᬥᭀᬓᬦ᭄᭟᭜᭟᭑᭖᭟ᬓᭂᬦᭂᬘᭀᬩᬳᬦ᭄ᬢᬸᬓ᭄ᬳᬶᬤᬲᬂᬳ᭄ᬬᬂᬯᬶᬥᬶ᭞ᬲᬸᬫ᭄ᬩᬸᬗᬾᬗᬯᬶᬦᬂ᭞ᬧᬡ᭄ᬥᬶᬢᬦᬾᬗᬓᬸᬭᬶᬭᬶᬄ᭞ᬦᭀᬭᬲᬫᬓ
ᬯᬶᬰᬾᬱᬦ᭄᭟᭜᭟᭑᭗᭟ᬫᬢᬫ᭄ᬩᬸᬗᬦ᭄ᬫᬫᬯᭀᬲ᭄ᬲᬮᬶᬂᬮᬗ᭄ᬓᬸᬗᬶᬦ᭄᭞ᬲᬫᬶᬲᭂᬗ᭄ᬕᬸᬄᬕᭂᬮᬄ᭞ᬤᬕᬶᬂᬚᬕᬢᬾᬳᬓ᭄ᬯᬶᬦ᭄᭞ᬳᬗ᭄ᬓᭂᬦᬂᬧᬫᬃᬕᬶᬦ᭄ᬭᬕ᭟᭜᭟᭑᭘᭟ᬢᬦ᭄ᬧᬫᭂᬗᬦ᭄ᬓᬕᬾᬢ᭄ᬳᬤᬧᬸ
ᬘᬂᬫᭂᬦ᭄ᬢᬶᬓ᭄᭞ᬳᬕᭂᬮᬶᬲ᭄ᬫᬦᭂᬕᭂᬳᬂ᭞ᬫᬭᭀᬦ᭄ᬲᬸᬢ᭄ᬭᬫᬯᬃᬡᬶ᭞ᬫᬩᬸᬗ᭄ᬳᬲᬫ᭄ᬧ᭄ᬬᬦ᭄ᬳᭂᬫᬲ᭄᭟᭜᭟᭑᭙᭟ᬫᬯᭀᬄᬓᬢᬄᬮᬶᬃᬄᬲᬲᭀᬘᬦ᭄ᬘᬢᬸᬃᬯᬃᬡᬶ᭞ᬇᬋᬂᬳᬩᬂᬧᭂᬢᬓ᭄᭞ᬫᬮᬶᬄᬲ
ᬦᬾᬭᬹᬧᬓᬸᬦᬶᬂ᭞ᬩᬶᬮᬂᬚᬸᬚᬸᬄᬫᬦᭂᬕᭂᬳᬂ᭟᭜᭟᭒᭐᭟ᬳᬤᬜᭂᬫᬓ᭄ᬫᬗᭀᬕᬳᬂᬫᬦᬶᬫ᭄ᬧᬸᬕᬶᬦ᭄᭞ᬲᬯᬾᬕᬦᭂᬕᭂᬳᬂ᭞ᬲᬫᬶᬓᬲᭀᬩ᭄ᬫᬦᬶᬗ᭄ᬕᬮᬶᬦ᭄᭞ᬮᬶᬦ᭄ᬢᬂᬜᬸᬤ᭄ᬩᬸᬤ᭄ᬥᬶᬗᭂ