Kaca:Bali-lontar-gaguritan-puyung-sugih-250ppi.pdf/160

[ ᭑᭕᭘ 158B]
᭑᭕᭘᭞
ᬦ᭄ᬘᬶᬦᬶᬂᬗᭂᬫ᭄ᬧᬸᬕ᭄᭞ᬬᬢ᭄ᬦᬳᬧᬂᬢᬸᬲᬶᬂᬧᭂᬕᬢ᭄᭞ᬩᬢᬸᬦ᭄ᬜᬦᬾᬢ᭄ᬯᬄᬤᬤ᭄ᬯ᭟᭜᭟᭑᭑᭟ᬯᬾᬦ᭄ᬢᭂᬦ᭄ᬧᬜ᭄ᬚᬓ᭄ᬜᬦᬾᬳᬕᬾᬫᬵᬢᬹᬃ᭞ᬗᬢᬸᬭᬂᬫ᭄ᬯᬦᬾ᭞ᬯᬾᬦ᭄ᬢᭂᬦ᭄ᬚᬦ᭄ᬫᬭᬢᬸᬧ᭄ᬭ
ᬧ᭄ᬢᬶ᭞ᬘᭀᬩᬓ᭄ᬘᭀᬩᬓ᭄ᬦᬶᬓᬭᬢᬸ᭞ᬲᬶᬂᬜᬓᬕᬾᬢᬸᬦᬶᬂᬦᬸᬮᬸᬂ᭞ᬇᬦ᭄ᬥᬶᬓ᭄ᬭᬢᬸᬫᬗ᭄ᬕᬶᬄᬲᬸᬲᬄ᭞ᬕᬸᬲ᭄ᬢᬶᬦ᭄ᬜᬦᬾᬇᬫᬂᬧᭂᬲᬸ᭞ᬦᬭᬶᬂᬧᬲᬃᬫᬦᬢᬲᬂ᭞ᬕᭂᬮᬶᬲ᭄ᬓᬘᬸᬦ᭄ᬤᬸᬓ᭄ᬧᬢᬸᬗ᭄ᬕᬮ᭠
ᬦ᭄᭟᭜᭟᭑᭒᭟ᬧᬗᬶᬭᬶᬗᬾᬓᬮᬶᬄᬤᬤᭀᬲ᭄ᬳᬲᬸ᭞ᬢᬦ᭄ᬓᬘᬶᬭᬶᬬᬦᬺᬓᬾ᭞ᬬᬦᬾᬚᬶᬫᬺᬭᬶᬲ᭄ᬫᬫᬸᬜᬶ᭞ᬩᬥᬄᬯᬶᬄᬚ᭄ᬭᭀᬮᬸᬄ᭞ᬫᬶᬦᬩ᭄ᬚᬦ᭄ᬫᬚ᭄ᬭᭀᬦᬾᬭᬯᬸᬄ᭞ᬲᬂᬪᬷᬓ᭄ᬱᬸᬦᬶᬭᬭᬶ᭠
ᬲ᭄ᬦᬗ᭄ᬕᬮ᭄᭞ᬚᬵᬢᬶᬢ᭄ᬬᬂᬚᬤ᭄ᬫᬮᬸᬄ᭞ᬧᬮᬶᬂᬦᭀᬭᬳᬸᬦᬶᬂᬚᬮᬦ᭄᭞ᬤᬾᬰᬦᬧᬶᬓᬾᬯᬱ᭄ᬝᬦ᭄ᬜ᭟᭜᭟᭑᭓᭟ᬫᬚᬚᭂᬗ᭄ᬓᬶᬂᬭᬢᬸᬦ᭄ᬚᬶᬫ᭄ᬫᬯᬸᬯᬸᬲ᭄᭞ᬤᬾᬰᬲᬫᬃᬳᬭᬦᬾ
[ ᭑᭕᭙ 159A]
ᬳᬯᬓ᭄ᬩᬜᬕᬸᬲ᭄ᬢᬶᬜ᭄ᬚᬶᬫ᭄᭞ᬧᬭᬶᬓᭀᬰᬲᭀᬮᬄᬫᬦ᭄ᬤᬸᬂ᭞ᬫᬓᬕᬸᬫᬶᬧᬥᬧᬢᬸᬄ᭞ᬲᬫᬶᬳᬸᬦᬶᬂᬫᬬᬫᬬ᭞ᬬᬾᬦᬶᬂᬚ᭄ᬭᭀᬩᬶᬱᬦᬸᬮᬸᬂ᭞ᬮᬓᬃᬳᬗ᭄ᬕᭀᬦ᭄ᬧᬜᬸᬗ᭄ᬲᬸᬗᬦ᭄᭞
ᬬᬾᬦᬶᬂᬢᬸᬲᬶᬂᬮᬓᬃᬚᬫ᭄ᬩᬮ᭄᭟᭜᭟᭑᭔᭟ᬓᬧᬓ᭄ᬱᬤᬦᬾᬚ᭄ᬭᭀᬪᬶᬓ᭄ᬱᬸ᭞ᬓᬚᬓ᭄ᬲᬶᬗ᭄ᬕᬄᬋᬓᬾ᭞ᬓᬚᬸᬫᬄᬜᬦᬾᬗᬭᬭᬶᬲ᭄᭞ᬳᬸᬫᬄᬜᬦᬾᬢᭂᬕᭂᬄᬗᬸᬗ᭄ᬕᬸᬮ᭄᭞ᬳᬸᬫᬄ᭠
ᬭᬗ᭄ᬕᭀᬦ᭄ᬢᬸᬂᬢᬸᬂᬜᬸᬄ᭞ᬳᬲ᭄ᬫᬸᬦᬾᬗᬶᬦ᭄ᬢᬶᬧ᭄ᬫᬜᬫᬃ᭞ᬬᬤᬶᬦ᭄ᬫᬗ᭄ᬕᬄᬢᬍᬃᬢᬸᬫᬹᬢ᭄᭞ᬯᬬᬦ᭄ᬪᬶᬓ᭄ᬱᬸᬢᬦ᭄ᬧᬧᬓ᭄ᬱ᭞ᬓᬥᬦ᭄ᬥᬤᬦᬾᬫᬜᭂᬭᬄ᭟᭜᭟᭑᭕᭟ᬧᬦᬫ᭄ᬬᬸᬦᬾ᭠
ᬳᬦ᭄ᬢᬸᬓ᭄ᬚᬕᬸᬂᬳᬫ᭄ᬧᬸᬓ᭄᭞ᬫᬶᬯᬄᬓᬰᬾᬮᬦᬾ᭞ᬢᭀᬬᬭᬶᬂᬩᬘᭀᬓ᭄ᬓᬮᬶᬦ᭄ᬢᬂᬢᬶᬲ᭄᭞ᬓᬭᬶᬫᬤᬦᬾᬚ᭄ᬭᭀᬪᬶᬓ᭄ᬱᬸ᭞ᬮᬶᬦ᭄ᬢᬂᬰᬸᬘᬶᬦᬭᬶᬂᬓᬳ᭄ᬬᬸᬦ᭄᭞ᬚᬶᬫ᭄ᬚᭂᬦ᭄ᬤᭀᬂᬫᬦᬸ