[ ᭑᭕᭖ 156B]
᭑᭕᭖᭞
ᬫᬃᬕᬶᬦᬾᬫᬸᬗ᭄ᬕᬄᬳᬤ᭄ᬭᬷ᭞ᬮ᭄ᬯᬶᬃᬳᬲᬲᬜ᭄ᬚᬦ᭄᭞ᬪᬷᬓ᭄ᬱᬸᬦ᭄ᬬᬲᬫᬵᬥᬶ᭟᭜᭟ᬧᬸᬧᬸᬄᬳᬤ᭄ᬭᬷ᭟᭜᭟ᬓᭀᬘᬧᬫᬃᬕᬶᬦᬾᬫᬸᬗ᭄ᬕᬄᬕᬸᬦᬸᬂ᭞ᬓᬮᬶᬄᬓᬯᬸᬮᬦᬾ᭞ᬫᬗ᭄ᬕᬶᬄ
ᬢᬫᬦ᭄ᬮᬶᬦ᭄ᬢᬂᬯᬺᬥᬶ᭞ᬗᬸᬮᬗᬸᬦᬶᬦ᭄ᬧᬥᬢᬸ᭞ᬢᬢᬫᬸᬦ᭄ᬮᬶᬦ᭄ᬢᬂᬲᬸᬯᬸᬂ᭞ᬧᬲᬶᬫ᭄ᬧᬗᬦ᭄ᬮᬸᬯᬶᬃᬤᬾᬯᬢ᭞ᬫᬓᬫᬶᬯᬄᬢᬢᭂᬓ᭄ᬪᬶᬓ᭄ᬱᬸ᭞ᬓᬵᬮᬦᬶᬤᬫᬓᬓᬯ᭄ᬬᬦ᭄᭞ᬩ
ᬢᬸᬓᬭᬲ᭄ᬫᬩ᭄ᬭᬭᬓᬦ᭄᭟᭜᭟᭒᭟ᬳᭂᬩᭂᬓ᭄ᬲᬂᬢ᭄ᬯᬩᬸᬗ᭄ᬳᬦᭂᬤᭂᬂᬤᬶᬢᬸ᭞ᬗᭂᬩ᭄ᬓᭂᬩ᭄ᬳᬫ᭄ᬩᬦ᭄ᬜᬦᬾ᭞ᬭᬶᬚᬱᬢᬗ᭄ᬕᬸᬮᬶᬕᭂᬦ᭄ᬤᬶᬂ᭞ᬯᬃᬱᬓᬶᬫᬶᬯᬕᬥᬸᬂ᭞ᬯᬶᬮᬚᬫᬦᭂᬥᭂᬂᬲᬦ᭄ᬢᬸᬦ
ᬥᭂᬂᬕᬶᬮᭀᬮᬦ᭄ᬘᬦᬶᬕᬭ᭞ᬲᬦ᭄ᬤᬢ᭄ᬕᬥᬶᬂᬧᬥᬤᬶᬢᬸ᭞ᬲᬸᬗᬾᬗᬾᬓᭂᬫ᭄ᬩᬂᬫᬢᬭᬫ᭄᭞ᬩᬬᭂᬫ᭄ᬭᬚᬵᬗᬧᬶᬢ᭄ᬚᬮᬦ᭄᭟᭜᭟᭓᭟ᬲᬯᬃᬡᬦ᭄ᬧᬸᬘᬸᬓ᭄ᬲᬫᬶᬧᬥᬤᬶᬢᬸ᭞
[ ᭑᭕᭗ 157A]
ᬫᬶᬯᬄᬕᬸᬫᬶᬢᬶᬭᬾ᭞ᬥᭂᬥᬧ᭄ᬤᬮᬸᬮᬜ᭄ᬚᭂᬫ᭄ᬧᬶᬭᬶᬂ᭞ᬫᭂᬮᬢᬶᬮᬦ᭄ᬧᬜ᭄ᬘᬕᬮᬸᬄ᭞ᬲᭂᬓᬃᬚᭂᬧᬸᬦ᭄ᬧᬦ᭄ᬤᬳᬦᬭᬹᬫ᭄᭞ᬓᬾᬢᬓᬶᬮᬦ᭄ᬍᬫ᭄ᬩᬂᬓᭂᬭᬂ᭞ᬭᬶᬫᬯᬦᬾᬜᬦ᭄ᬤᬶᬂᬩᬓᬸᬂ᭞ᬳᬗ᭄ᬰᬡᬮᬦ᭄ᬳᬗ᭄ᬕ᭄ᬭᬾ
ᬓ᭄ᬩᬸᬮᬦ᭄᭞ᬓᭂᬜᬸᬂᬫᬦᬶᬲ᭄ᬓᬬᬸᬫᬲ᭄᭟᭜᭟᭔᭟ᬫᬮᬶᬄᬭᬶᬂᬢᭂᬗᬳᬶᬂᬤᬦᬸᬦᬶᬧᬸᬦ᭄᭞ᬲᬯᬃᬡᬦᬶᬯᬓᬾ᭞ᬓᬸᬫᬸᬥᬦᬾᬓᭂᬥᭂᬂᬲᬫᬶ᭞ᬢᬸᬜ᭄ᬚᬸᬂᬳᬩᬂᬢᬸᬜ᭄ᬚᬸᬂᬩᬶᬭᬸ᭞ᬢᬸᬜ᭄ᬚᬸᬂᬧᬸᬢᬶᬄᬢᬸ᭠
ᬜ᭄ᬚᬸᬂᬢᬸᬢᬸᬂ᭞ᬢᬸᬜ᭄ᬚᬸᬂᬤᬤᬸᬮᬦ᭄ᬓᬸᬭᬦ᭄ᬢ᭞ᬢᬸᬜ᭄ᬚᬸᬂᬓᬸᬦᬶᬂᬦᭂᬥᭂᬂᬤᬶᬢᬸ᭞ᬢᬶᬕᬂᬤᬶᬦᬫᬲᬲᬜ᭄ᬚᬦ᭄᭞ᬯᬬᬦ᭄ᬪᬶᬓ᭄ᬱᬸᬮᬦ᭄ᬧᬋᬓᬦ᭄᭟᭜᭟᭕᭟ᬤᬾᬶᬸᬢᬥᬄᬤᬦᬾᬲᬶᬸᬂᬲᬓᬶᬂᬢ
ᬫᬦ᭄ᬦᬶᬓᬸ᭞ᬳᬮᭀᬦ᭄ᬧᬫᬃᬕᬶᬦᬾ᭞ᬚᬸᬭᬂᬧᬗ᭄ᬓᬸᬂᬓᬮᬶᬯᬢᬶᬦ᭄᭞ᬧᬗ᭄ᬕᬕᬦᬾᬭᬭᬶᬲ᭄ᬧᬗ᭄ᬕᬸᬄ᭞ᬮᬶᬦ᭄ᬢᬂᬯᬺᬥᬶᬯᬸᬲ᭄ᬯᬶᬦᬢᬸ᭞ᬚᬦ᭄ᬫᬦᬾᬜᬦᬾᬧᬥᬫᬧ᭄ᬯᬄ᭞ᬳᬦᬦᬶᬂᬗ᭄ᬓᭂᬮᬶᬓ᭄ᬳᬤᬗᬸ
Kaca:Bali-lontar-gaguritan-puyung-sugih-250ppi.pdf/157
Kaca puniki sampun kauji-wacén
