Kaca:Bali-lontar-gaguritan-puyung-sugih-250ppi.pdf/15

Saking Wikisource
Kaca puniki sampun kauji-wacén

[ ᭑᭔ 14B]
᭑᭔
ᬲᬧᬤᬶᬢᬸ᭞ᬳᬦ᭄ᬢᬸᬓ᭄ᬤᬦᬾᬦᬷᬮᬸᬄᬯᬬᬦ᭄᭞ᬫᬾᬦ᭄ᬯᬬᬦ᭄ᬓᬲᭀᬩ᭄ᬦᬶᬗᬮᬶᬦ᭄᭞ᬓᬕᬾᬢ᭄ᬭᬯᬸᬄ᭞ᬧᬦ᭄ᬧᬸᬬᬸᬂᬲᬋᬂᬫᬦᭂᬕᬓ᭄᭟᭐᭟᭒᭖᭟ᬫᬸᬜᬶᬕᭂᬢᬃᬘᬶᬗᬓ᭄ᬕᬮᬓ᭄᭞ᬮᬳᬸᬢ᭄ᬚᬦᬶᬢ᭄ᬯᬄᬍᬫᭂᬲᬶᬦ᭄᭞ᬳᬯᬓ᭄ᬧᭂᬃ
ᬮᬸᬮᬓᬃᬫᬯᬭᬂ᭞ᬓᬸᬢᬂᬓᬶᬫᬸᬤᬾᬫᬫᬸᬜᬶ᭞ᬮᬫᬸᬦ᭄ᬢᭂᬭᬂᬓᬤᬶᬚᬵᬢᬶ᭞ᬳᬦᬾᬓᬾᬢᭀᬲᬸᬩᬮᬸᬳᬸᬂ᭞ᬫᬾᬦ᭄ᬦᬕᬭᬫᭂᬕᬢ᭄ᬓᬭᬸᬡ᭞ᬚᭂᬚᭂᬄᬗᬲᭀᬃᬧᭂᬲᬸᬫᬸᬜᬶ᭞ᬗᬸᬲᬸᬤᬸᬲᬸᬤ᭄᭞ᬗᬍᬫᭂᬲᬶᬦ᭄‌ᬬᬦᬶᬯ
ᬬᬦ᭄᭟᭐᭟᭒᭗᭟ᬓᬢᬄᬭᬯᭀᬲ᭄‌ᬬᬦᬸᬘᬧᬂ᭞ᬦᬷᬯᬬᬦ᭄ᬘᬸᬢᭂᬢ᭄ᬜᬯᬸᬭᬶᬦ᭄᭞ᬮᬫᬸᬦ᭄ᬩᬧᬦ᭄ᬢᬶᬢ᭄ᬬᬂᬮᬾᬤᬂ᭞ᬫᬾᬫᬾᬦ᭄ᬢᬶᬢ᭄ᬬᬂᬫᬗᬺᬦᬦᬶᬦ᭄᭞ᬧᬦ᭄ᬧᬸᬬᬸᬂᬫᬗᬗ᭄ᬕᬸᬢᬶᬦ᭄᭞ᬫᬦᭀᬮᬶᬄᬭᬶᬂᬫᬾᬫᬾᬦ᭄ᬧᬸᬬᬸᬂ᭞
ᬦᬄᬢᭀᬢᬧ᭄ᬲᬶᬃᬫᬾᬫᬾᬦ᭞ᬗᭂᬮᬤᭂᬫᭂᬦ᭄ᬲᬸᬩᬳᬶᬘᭂᬦᬶᬂ᭞ᬚᬦᬶᬤᬸᬭᬸᬲ᭄᭞ᬳᬚᬧᬶᬲᬦ᭄ᬫᬢᬯᬳᬂ᭟᭐᭟᭒᭘᭟ᬲᬢᬸᬲᬾᬤᭀᬂᬯᬂᬚ᭄ᬯᬧᬗᭂᬳᬂ᭞ᬚᬮᬦ᭄ᬳᭂᬤᬸᬫ᭄ᬧ᭄ᬬᬓ᭄ᬓᬮᬶᬄ᭞ᬦᬾᬲᬾᬓᭂᬢ᭄ᬮᬓᬃ


[᭑᭕ 15A]
ᬳᬤᭀᬓᬂ᭞ᬫᬢᬢᬚᬾᬦ᭄ᬲᬦᬾᬫᬦᬶ᭞ᬧᬸᬧᬸᬢ᭄ᬧᬫᬥᬶᬓᬾᬫᬗ᭄ᬓᬶᬦ᭄᭞ᬤᬶᬦᬦᬾᬓᬳᬶᬢᬸᬂᬤᬶᬢᬸ᭞ᬧᬦ᭄ᬧᬸᬬᬸᬂᬗᬶᬢᬸᬗᬂᬤᬶᬦ᭞ᬩᬸᬯᬶᬦ᭄ᬢᭂᬮᬸᬦ᭄ᬤᬶᬦᬦᬾᬩᭂᬘᬶᬓ᭄᭞ᬲᬸᬓ᭄ᬭᬓ᭄ᬓ᭄ᬭᬸᬮᬸᬢ᭄᭞ᬢᬗ᭄ᬕᬮ᭄ᬤᬰᬰᬰᬶᬄᬧ
ᬢ᭄᭟᭐᭟ᬉᬧᬓᬵᬭᬦᬾᬓᬩᬯᭀᬲᬂ᭞ᬧᬲᬓᬧᬦ᭄ᬳᬦ᭄ᬢᬸᬓ᭄ᬕᬸᬮᬶᬂ᭞ᬳᬚᬶᬲ᭄ᬬᬸᬢᬦ᭄ᬳᭂᬮᭀᬗᬦ᭄᭞ᬧ᭄ᬭᬗ᭄ᬓᬢᬦ᭄ᬲᬗᬸᬦᬾᬫᬮᬶᬄ᭞ᬇᬦ᭄ᬤᬶᬓᬸᬧᬓᬭᬲᬫᬶ᭞ᬩᬩᬯᭀᬲᬦ᭄ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬢᬫ᭄ᬬᬸᬦᬾᬫᬫ
ᬥᬶᬓ᭄ᬩᬸᬤᬮ᭄᭞ᬢᬦᬸᬘᬧᭂᬦ᭄ᬦᬭᬶᬂᬫᬃᬕᬶ᭞ᬢᬦ᭄ᬓᬳᬶᬢᬸᬂ᭞ᬭᬯᬸᬄᬲᬵᬫ᭄ᬧᬸᬦ᭄ᬧᬩᬸᬜ᭄ᬘᬶᬗᬦ᭄᭟᭐᭟ᬧᬸᬧᬸᬄᬲ᭄ᬫᬭᬤ᭄ᬥᬦ᭟᭐᭟᭑᭟ᬓᭀᬘᬧ᭄ᬳᭂᬦ᭄ᬤᬕ᭄ᬲᬹᬃᬬᬫᬗ᭄ᬓᬶᬦ᭄᭞ᬯᬬᬦ᭄ᬦᬕᬭᬓᬸᬘᬧᬂ᭞ᬢᬸᬫᬸᬮᬶᬫᬗᬗ᭄ᬕᭀ
ᬳᬗ᭄ᬕᭀ᭞ᬓᬜ᭄ᬘᬶᬂᬚᬶᬦᬃᬩᬚᬸᬫᬲᬸᬮᬫ᭄᭞ᬫᬳᬸᬥᭂᬂᬘᬘᭀᬢᭀᬢᬦ᭄᭞ᬩᬣᬶᬓ᭄ᬢᬸᬩᬦ᭄ᬲᬦᬾᬳᬮᬸᬲ᭄᭞ᬭᬯᬸᬄᬓᬫ᭄ᬩᭂᬦ᭄ᬫᬲᬯᬶᬢᬦ᭄᭟᭐᭟᭒᭟ᬫᬕᭂᬮᬂᬫᬲ᭄ᬫᬦ᭄ᬢᬶᬂᬳᬦ᭄ᬢᬶᬂ᭞ᬫᬲᬲᭀᬘᬦ᭄ᬫᬡᬶᬓ᭄ᬫᬶᬫᬂ