[ ᭑᭔᭘ 148B]
᭑᭔᭘᭞
ᬭᬸᬗᬦ᭄᭞ᬳᬶᬭᬶᬓᬭᬶᬂᬧᬸᬲᭂᬭᬶᬂᬚᬮᬦᬶᬥᬶ᭞ᬦᬸᬮ᭄ᬬᬓᬢᬸᬮᬸᬤᬂᬲᬵᬫ᭄ᬧᬸᬦ᭄᭞ᬚᬸᬓᬸᬂᬕᭂᬮᬶᬲ᭄ᬓᬢᬸᬮᬓᬂ᭞ᬫᬘᬍᬫ᭄ᬧᬸᬂᬜᬳᬶᬯᬬᬦ᭄ᬧᬳᬶᬤ᭄ᬩᬢᬸ᭞ᬓᬸᬫᭂᬍᬫ᭄ᬤᬦᬾᬢ᭄ᬭᬸᬲ᭄ᬲᬾᬤ᭞
ᬢᬶᬩᬭᬶᬂᬤᬲᬭᬶᬂᬧᬲᬶᬄ᭟᭜᭟᭑᭐᭟ᬫᬗᬤᬓᬂᬧᬭᬯᬾᬰ᭞ᬮᬶᬦᬸᬄᬳᬕᬸᬂᬧᬧᭂᬢᭂᬂᬤᬸᬮᬸᬃᬳᬗᬶᬦ᭄᭞ᬓᬶᬮᬧ᭄ᬢᬢᬶᬢ᭄ᬫᬶᬯᬄᬓ᭄ᬭᬸᬕ᭄᭞ᬳᭀᬘᬓ᭄ᬯᬾᬦᬶᬂᬲᬵᬕᬭ᭞ᬓᬤᬶᬧᬸᬢᭂᬃᬇᬓᬸᬂᬢ
ᬲᬶᬓ᭄ᬮ᭄ᬯᬶᬃᬧᭂᬘᬸᬢ᭄᭞ᬧᭂᬜᬸᬦ᭄ᬜᬦᬾᬓᬸᬫᬫ᭄ᬩ᭄ᬯᬂ᭞ᬫᬶᬡᬦᬾᬗ᭄ᬮᬦ᭄ᬢᭂᬲ᭄ᬓᬢᭂᬧᬶ᭟᭜᭟᭑᭑᭟ᬫᬶᬗ᭄ᬕᬂᬫᬶᬗ᭄ᬕᬸᬂᬮᬶᬗ᭄ᬕᬶᬄᬳᬶᬤ᭞ᬲᬂᬳ᭄ᬬᬂᬩ᭄ᬭᬸᬡ᭞ᬫᬓᬤᬾᬯᬦᬶᬂᬢᬲᬶᬓ᭄᭞ᬓᬕ᭄ᬬᬢ᭄ᬳᬶᬤᬭᬭᬶᬲ᭄ᬫᭂᬢᬸ᭞
ᬕᬯᭀᬓ᭄ᬳᬦᭀᬫ᭄ᬧ᭄ᬭᬯᬾᬰ᭞ᬲᬤᬕᭂᬮᬶᬲ᭄ᬮᬫ᭄ᬧᬳᬾᬳᬗ᭄ᬮᬂᬮᬂᬤᬶᬢᬸ᭞ᬦᬸᬮ᭄ᬬᬳᬦᭀᬦ᭄ᬲᬯᬓᬸᬫᬫ᭄ᬩᬂ᭞ᬫᬩᬱ᭄ᬝᬓᬧᬩᬳᬢᬶᬦ᭄᭟᭜᭟᭑᭒᭟ᬢᬦ᭄ᬤ᭄ᬯᬳᭀᬮᬲ᭄ᬳᬶᬤᬲᬂ
[ ᭑᭔᭙ 149A]
ᬳ᭄ᬬᬂ᭞ᬢᬮᬶᬦ᭄ᬜᬦᬾᬤᬶᬳᬕᬾᬓᬧᭂᬕᬢᬶᬦ᭄᭞ᬓᬩ᭄ᬯᬢ᭄ᬲᬯᬦᬾᬲᬂᬳᬬᬸ᭞ᬭᬶᬳᬾᬂᬇᬓᬂᬲᬫᬸᬤ᭄ᬭ᭞ᬲ᭄ᬯᬾᬘᬳᬶᬤᬫᬦᬸᬮᬸᬂᬳᬶᬮᬭᬮᬫ᭄ᬧᬸᬓ᭄᭞ᬲᬯᬾᬕᬫᬗᬸᬭᬶᬧᬦ᭞ᬩᬬᬸᬳᬃ
ᬥᬦᬓᬸᬭᬗ᭄ᬲᬸᬓᬶᬦ᭄᭟᭜᭟᭑᭓᭟ᬫᬗᬮᬶᬮᬶᬃᬦᬶᬮᬸᬄᬯᬬᬦ᭄᭞ᬓᬵᬤᬶᬲᬶᬋᬧ᭄ᬧᬗ᭄ᬭᬵᬱᬦ᭄ᬤᬦᬾᬦᬾᬳᬾᬮᬶᬂ᭞ᬭᬶᬂᬳᬭᬸᬗᬦ᭄ᬢᬸᬯᬶᬫᬮᬸᬗ᭄ᬕᬸᬄ᭞ᬢᬦ᭄ᬓᬸᬫᭂᬍᬫ᭄ᬳᬦᬭᬶᬂᬢᭀᬬ᭞ᬩ
ᬜᬸᬤᭂᬕ᭄ᬤᭂᬕ᭄ᬲᬓᬵᬤᬶᬲᬸᬫᬶᬮᬾᬃᬓᬲᬸᬃ᭞ᬲ᭄ᬭᬗ᭄ᬕᬭᬤᬦᬾᬳᬢᬜ᭞ᬲᬶᬗ᭄ᬕᬶᬄᬭ᭠ᬢᬸᬲᬶᬂᬳᬤᬶᬮ᭄ᬯᬶᬄ᭟᭜᭟᭑᭔᭟ᬥᬸᬄᬚᬳᬶᬮ᭄ᬲᬂᬲᬸᬂᬦᬸᬕ᭄ᬭᬳ᭞ᬫᬗᬸᬭᬶᬧᬲᬸᬦ᭄ᬧᭂᬚᬄᬮᬶᬦ᭄ᬢᬂᬫᬢᬶ
ᬲ᭞ᬳᬾᬦᬓ᭄ᬢ᭄ᬯᬦ᭄ᬭᬱᬦᬶᬂᬓᬾᬢᬸᬄ᭞ᬗ᭄ᬯᬂᬫᬸᬮᬶᬄᬓᬚᬸᬫᬳ᭞ᬳᬶᬤᬲᬂᬳ᭄ᬬᬂᬫᬯᬘᬦᬫᬦᬶᬲ᭄ᬳᬭᬹᬫ᭄᭞ᬥᬸᬄᬤᬾᬯᬲᬂᬓᬵᬤᬶᬩᬸᬮᬦ᭄᭞ᬧᬸᬢᬸᬲᬂᬚ᭄ᬯᬧᬦᬸᬫᬤᬶᬦ᭄᭟᭜᭟
Kaca:Bali-lontar-gaguritan-puyung-sugih-250ppi.pdf/149
Kaca puniki sampun kauji-wacén
