[ ᭑᭔᭗ 147B]
᭑᭔᭗᭞
ᬕᬓᬮᬶᬄᬲᬵᬫ᭄ᬧᬸᬦ᭄ᬳᬤᬸᬂ᭞ᬩ᭄ᬯᬢ᭄ᬗᬕᬮᬓ᭄ᬲᬂᬦᬵᬣ᭞ᬳᬧᬂᬲᬶᬤ᭄ᬥ᭞ᬢᬸᬮᬸᬲ᭄ᬫᬢᬶᬯᬬᬦ᭄ᬧᬸᬬᬸᬂ᭞ᬤᬾᬦᬶᬭᬵᬕᬫᬶᬮᬸᬚᭂᬗᬄ᭞ᬉᬚᬃᬉᬚᬭᬾᬓᬶᬫᬸᬤᬶᬦ᭄᭟᭜᭟ᬦᬸᬕᬶᬢᬸᬮᬓ᭄ᬫᬳ
ᬭᬵᬚ᭞ᬲᬋᬂᬓᬮᬶᬄᬯᬬᬦ᭄ᬧᬸᬬᬸᬂᬫᬗᬶᬭᬶᬂ᭞ᬳᬶᬧᬢᬶᬄᬓᬮᬶᬄᬓᬘᬸᬦ᭄ᬤᬸᬓ᭄᭞ᬲᬋᬂᬢᬶᬕᬩᬦ᭄ᬤᬾᬲᬶᬸᬕ᭞ᬧᬥᬲᬬᬕᬢᬍᬃᬢᬸᬬᬸᬄᬤᬾᬯᬾᬓ᭄ᬳᬶᬧᬸᬦ᭄᭞ᬤᬦᬾᬧᬢᬶᬄᬫᬵᬢᬹᬃᬦ
ᬗ᭄ᬕᬮ᭄᭞ᬤᬬᬦᬶᬦ᭄ᬢᬶᬢ᭄ᬬᬂᬘᭂᬮᬂᬕᬢᬶ᭟᭜᭟ᬫᬫᭂᬤᬶᬦ᭄ᬜᬦᬾᬓᬢᬸᬭᬂ᭞ᬇᬗ᭄ᬕᬶᬄ᭠ᬚᬵᬢᬶᬲᬂᬫᬦᭂᬮᬸᬄᬫ᭄ᬯᬂᬦᬾᬱ᭄ᬝᬶ᭞ᬫᬯᬶᬰᬾᬱᬮᬶᬦ᭄ᬢᬂᬭᬢᬸ᭞ᬇᬗ᭄ᬕᬶᬄᬳᬯᬲ᭄ᬭᬢᬸᬳᬯᬲ᭄᭞ᬧ
ᬕᭂᬮᬶᬲᬶᬦ᭄᭞ᬤᬸᬭᬸᬲ᭄ᬧᬓ᭄ᬱᬫᬗ᭄ᬤᬘᬧ᭄ᬮᬸᬲ᭄᭞ᬫᬫᭂᬤᬶᬦᬾᬧᬂᬲᬾᬧᬦᬦ᭄᭞ᬧᬗ᭄ᬮᬢᬦᬶᬧᬸᬦ᭄ᬫᬫᬸᬃᬢᬶ᭟᭜᭟᭖᭟ᬲᬵᬫ᭄ᬧᬸᬦ᭄ᬭᬢᬸᬕᭂᬫ᭄ᬩᬕᭂᬫ᭄ᬩ᭞ᬤᬤᭀᬲ᭄ᬤᬬᬾᬦᬶᬂᬳᬶᬧᬸ
[ ᭑᭔᭘ 148A]
ᬦ᭄ᬫᬫᬸᬃᬢᬶ᭞ᬧᬗᬸᬤᬸᬄᬳᬶᬤᬲᬂᬧ᭄ᬭᬪᬸ᭞ᬦᬄᬧᬢᬶᬄᬚ᭄ᬯᬳᬾᬗ᭄ᬕᬮᬂ᭞ᬧᬳᬶᬫᬗᬶᬦ᭄᭞ᬦᬶᬭᬢᬓᬸᬢ᭄ᬩᬸᬮᬸᬩᬗᬸᬦ᭄᭞ᬧᬢᬓᬸᬢᬾᬫᬗᬯᬶᬦᬂ᭞ᬫᬗᬸᬕᬸᬢᬸᬢᬸᬃᬳᬶᬧᬢᬶᬄ᭟᭜᭟᭗᭟
ᬦᭀᬭᬳᬦᬓᬧᬶᬢᬺᬱ᭄ᬡᬦ᭄᭞ᬳᬶᬧᬢᬶᬄᬲᬋᬂᬓᬮᬶᬄᬫᬗᭂᬜ᭄ᬘᬦᬶᬦ᭄᭟ᬓᬲᭂᬳᭂᬢ᭄ᬢᭂᬗ᭄ᬕᭂᬓ᭄ᬦᬶᬧᬸᬬᬸᬂ᭞ᬓᬾᬭᬾᬤ᭄ᬳᬦ᭄ᬢᬸᬓ᭄ᬢᬮᬶᬦ᭄ᬚᬭᬦ᭄᭞ᬫᬓᬭᬜ᭄ᬚᬂᬧᬩᬳᬢᬾᬫᬤᬕᬶᬂᬩ᭠
ᬢᬸ᭞ᬓᬳᬸᬗ᭄ᬕᬳᬂᬦᬭᬶᬂᬲᬫ᭄ᬧᬦ᭄᭞ᬩᬦ᭄ᬤᬾᬕᬳᬶᬫᬂᬦᬬᬸᬗᬶᬦ᭄᭟᭜᭟᭘᭟ᬮᬚᬸᬮᬫ᭄ᬧᬳᬾᬓᬭᬶᬸᬦᬶᬸᬳᬶᬸᬣᬶᬸᬢᭂᬗᬄ᭞ᬲᬂᬧ᭄ᬭᬪᬸᬭᬶᬂᬧᬲᬶᬲᬶᬢᬓᬸᬢ᭄ᬫᬗᬶᬮᬶ᭞ᬫᬗᬭᬸᬗᬦ᭄ᬤᬦᬾᬲᬵ
ᬫ᭄ᬧᬸᬦ᭄᭞ᬢᬦ᭄ᬲᬄᬲᬸᬓ᭄ᬮᬦᬶᬂᬫᬦᬄ᭞ᬜᬳᬶᬯᬬᬦ᭄ᬦᭀᬭᬋᬋᬤ᭄ᬬᬤᬶᬦ᭄ᬮᬫ᭄ᬧᬸᬲ᭄᭞ᬘᬸᬗ᭄ᬕᬮᬂᬩᬬᬸᬧᬺᬫᬡ᭞ᬫᬃᬕᬦᬶᬂᬧᬺᬮᬶᬡᬚᬵᬢᬶ᭟᭐᭟ᬳᬤᭀᬄᬢᭂᬗᬳᬶᬂᬳ
Kaca:Bali-lontar-gaguritan-puyung-sugih-250ppi.pdf/148
Kaca puniki sampun kauji-wacén
