Kaca:Bali-lontar-gaguritan-puyung-sugih-250ppi.pdf/146

Saking Wikisource
Kaca puniki sampun kauji-wacén

[ ᭑᭔᭕ 145B]
᭑᭔᭕᭞
ᬧ᭄ᬮᬲ᭄᭞ᬓᬵᬮᬯᭂᬗᬶ᭞ᬩᬢᬸᬦᬾᬳᬗ᭄ᬕᭀᬦ᭄ᬧᬩᬳᬢ᭄᭟᭜᭟᭒᭒᭟ᬧᬫᬦ᭄ᬧᬢᬶᬄᬓᬭᬂᬮᬶᬫᬦ᭄᭞ᬓᭂᬫᬚᬦᬶᬓᬧᬲᬶᬲᬶ᭞ᬩᬦ᭄ᬤᬾᬕᬦᬾᬢᬸᬦ᭄ᬤᬾᬦ᭄ᬗᬦ᭄ᬢᭀᬲ᭄᭞ᬤᬶᬲᬸᬩᬦᬾᬢᭂᬗᬄᬤᬮᬸ
᭞ᬳᬚᬓ᭄ᬫᬸᬯᬢ᭄ᬗᬢᭂᬗᬳᬂ᭞ᬳᬧᬂᬲᬶᬗᬶᬤ᭄᭞ᬳᬚᬧᬢᬶᬄᬫᬗᬢᭂᬳᬂ᭟᭜᭟᭒᭓᭟ᬦᬶᬭᬚᬦᬶᬗᬧᬸᬭ᭄ᬬᬂ᭞ᬓᬭᬂᬩᬦ᭄ᬤᬸᬂᬦᬶᬸᬚᬦᬶᬫᭂᬦ᭄ᬤᬓᬶᬦ᭄᭞ᬤᬶᬧᬸᬭᬶᬦᬶᬭᬫᬗᬦ᭄ᬢᭀᬲ᭄᭞ᬯᬳᬸᬜᬦᬦ᭄ᬦᬫ᭄ᬧᬶ
ᬤᬮᬸ᭞ᬜᬭᬸᬦᬶᬭᬫᬲᬲᬜ᭄ᬚᬦ᭄᭞ᬲᬋᬂᬓᬮᬶᬄ᭞ᬧᬢᬶᬄᬚᬸᬕᬫᬗᬶᬭᬶᬗᬂ᭟᭜᭟᭒᭔᭟ᬧᬸᬧᬸᬢ᭄ᬩᬩᬯᭀᬲᬾᬩᬸᬩᬃ᭞ᬲᬂᬧ᭄ᬭᬪᬸᬭᬭᬶᬲ᭄ᬓᬧᬸᬭᬷ᭞ᬚᬫ᭄ᬓᬮᬶᬄᬓᬭᬶᬫᬗᬦ᭄ᬢᭀᬲ᭄᭞ᬦᬶᬯᬬᬦ᭄ᬗ
ᬚᬸᬫ᭄ᬧᬲᬸᬕᬸᬄ᭞ᬲᬵᬫ᭄ᬧᬸᬦ᭄ᬓᬵᬢᬹᬃᬭᬶᬂᬲᬂᬦᬵᬣ᭞ᬲᬃᬯᬩᭂᬘᬶᬓ᭄᭞ᬳᬢᬸᬭᬦ᭄ᬲᬵᬫ᭄ᬧᬸᬦ᭄ᬓᬢ᭄ᬭᬶᬫ᭟᭜᭟᭒᭕᭟ᬯᬬᬦ᭄ᬧᬸᬬᬸᬂᬤᬳᬢ᭄ᬓᬕ᭄ᬬᬢ᭄᭞ᬫᬭᬋᬓᭂᬢᭂᬭᬶᬂᬳᬢᬶ᭞ᬫᬘᬶᬭᬶᬘᬶ
[ ᭑᭔᭖ 146A]
ᬧ᭄ᬢᬦᬾᬓᬯᭀᬦ᭄᭞ᬓᬮᬸᬤ᭄ᬫᬸᬱ᭄ᬡᬦᬾᬲ᭄ᬦᬕ᭄ᬧ᭄ᬭᬪᬸ᭞ᬤᬳᬢ᭄ᬫᬗ᭄ᬓᬶᬦ᭄ᬫᬪᬷᬦᬬᬦ᭄᭞ᬦᬫ᭄ᬧᬶᬮᬶᬗ᭄ᬲᬶᬃ᭞ᬯᬬᬦ᭄ᬧᬸᬬᬸᬂᬫᬗᬲ᭄ᬢᬯ᭟᭜᭟᭒᭖᭟ᬲᬸᬓ᭄ᬱ᭄ᬭᬳᬦᬚᬶᬸᬯᬸᬂᬳᬗ᭄ᬕᬚᬶᬯ᭞ᬦᬭᬶᬂᬲᬂᬳ᭄ᬬᬂᬫᬹᬃᬪᬾᬂᬪᬸ
ᬫᬶ᭞ᬤ᭄ᬬᬲ᭄ᬢᬸᬧᬘᬂᬧᬗ᭄ᬕᬸᬄᬓᬯᭀᬦ᭄᭞ᬦᭀᬭᬢᬸᬮᬓ᭄ᬦᭀᬭᬳᬶᬩᬸᬓ᭄᭞ᬚᬗ᭄ᬕᬚᬶᬯᬲ᭄ᬭᬳᬂᬳᬧᬶᬲᬦ᭄᭞ᬮᬫᬸᬦ᭄ᬪᬓ᭄ᬢᬶ᭞ᬫᬗᬾᬮᬶᬗᬂᬧᭂᬤᬸᬫ᭄ᬓᬃᬫ᭟᭐᭟᭒᭗᭟ᬧᬸᬓᬸᬮ᭄ᬮᬶᬫᬓᬯᬸᬯᬸᬲᬦ᭄᭞
ᬳᬶᬧᬢᬶᬄᬭᬯᬸᬄᬓᬧᬸᬭᬷ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬮᭀᬦ᭄᭞ᬧᬫᬦ᭄ᬧᬢᬶᬄᬦᬸᬚᬸᬭᬯᬸᬄ᭞ᬳᬶᬭᬶᬂᬦᬶᬭᬫᬓᬓᬭᬂ᭞ᬓᬧᬲᬶᬲᬶ᭞ᬯᬬᬦ᭄ᬧᬸᬬᬸᬂᬮᬓᬃᬳᬚᬓ᭄᭟᭜᭟᭒᭘᭟ᬦᬸᬮ᭄ᬬᬳᬶᬤ
ᬫᬗᬦ᭄ᬤᬶᬓ᭞ᬜᬳᬶᬯᬬᬦ᭄ᬳᬶᬭᬶᬂᬚᬦᬶ᭞ᬫᬦᬶᬭᬮᬸᬗ᭄ᬳᬫᬮᭀᬦ᭄ᬮᭀᬦ᭄᭞ᬢᬦ᭄ᬧᬜ᭄ᬚᬂᬦᬷᬯᬬᬦ᭄ᬫᬵᬢᬹᬃ᭞ᬜᬤ᭄ᬬᬢᬶᬢ᭄ᬬᬂᬫᬗᬶᬭᬶᬗᬂ᭞ᬰ᭄ᬭᬷᬪᬸᬧᬢᬶ᭞ᬪᬓ᭄ᬢᬶᬦ᭄ᬢᬶᬢ᭄ᬬᬂᬫᬧᬸᬧᬸᬢᬦ᭄᭟