[ ᭑᭔᭔ 144B]
᭑᭔᭔᭞
᭑᭕᭟ᬳᬶᬧᬢᬶᬄᬲᬵᬫ᭄ᬧᬸᬦ᭄ᬓᬵᬢᬸᬭᬦ᭄᭞ᬫᬓᬓ᭄ᬮᬶᬄᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬭᬶᬂᬢ᭠ᬫᬦ᭄ᬤᬦᬾᬫᬗᭀᬚᭀᬕ᭄᭞ᬲᬂᬧ᭄ᬭᬪᬸᬓᬘᬸᬦ᭄ᬤᬸᬓ᭄ᬤᬶᬢᬸ᭞ᬳᬶᬧᬢᬶᬄᬫᬦᬸᬦᬲ᭄ᬮᬸᬕ᭄ᬭ᭞ᬲᬋᬂᬓ᭠
ᬮᬶᬄ᭞ᬦᬧᬶᬭᬢᬸᬳᬸᬮᬢ᭄ᬕᬢ᭟᭜᭟᭑᭖᭟ᬫᬦᬶᬭᬦᬯᬸᬳᬶᬦ᭄ᬧᬫᬦ᭄᭞ᬢᬸᬲᬶᬂᬮᬾᬦ᭄ᬓᬯᭂᬳᬾᬚᬦᬶ᭞ᬫᬦᬶᬭᬗᬦ᭄ᬢᬾᬦ᭄ᬫᬓᭂᬮᭀ᭞ᬫᬓᬫᬶᬯᬄᬗᬹᬦᬷᬤᬮᬸ᭞ᬫᬮᬶᬄᬦᬶᬭ
ᬫᬜᬸᬫ᭄ᬧᭂᬦ᭞ᬢ᭄ᬯᬄᬩᬲᬦᬶᬦ᭄᭞ᬩᬧᬧᬢᬶᬄᬳᬚᬓ᭄ᬤᬤ᭄ᬯ᭟᭜᭟᭑᭗᭟ᬦᬶᬭᬗᬶᬧᬶᬫᬗ᭄ᬕᬸᬄᬩᬸᬮᬦ᭄᭞ᬫᬦᬶᬭᬢᬓᬸᬢ᭄ᬫᬗᬶᬮᬶ᭞ᬮᬯᬸᬢ᭄ᬩᬧᬚᬦᬶᬗᬯᭀᬲ᭄᭞ᬳᬮ
ᬳᬬᬸᬢᭂᬫᬄᬳᬶᬧᬸᬦ᭄᭞ᬳᬶᬧᬢᬶᬄᬭᬭᬶᬲ᭄ᬫᬦᬗ᭄ᬕᬮ᭄᭞ᬲᬋᬂᬓᬮᬶᬄ᭞ᬳᬤᬸᬂᬲᬫᬶᬫᬗᬢᬸᬭᬂ᭟᭐᭟᭑᭘᭟ᬇᬗ᭄ᬕᬶᬄᬳᬮᬧᬦᬤᭀᬲ᭄ᬜ᭞ᬭᬶᬂᬰᬵᬲ᭄ᬢ᭄ᬭᬦᬾᬢᬶᬢ᭄ᬬᬂ
[ ᭑᭔᭕145A]
ᬫᬗ᭄ᬕᬶᬄ᭞ᬜᬸᬭᬸᬤᬂᬓᬲᬸᬓᬦᬺᬓᭀ᭞ᬓᬵᬕᬸᬗᬦᬾᬢᬦ᭄ᬭᬳᬬᬸ᭞ᬦᬶᬓᬲᬦᬾᬫᬗᬯᬶᬦᬂ᭞ᬯᬬᬦ᭄ᬲᬸᬕᬶᬄ᭞ᬢᬸᬭᬸᬦᬦ᭄ᬧᬵᬦᬓ᭄ᬩᬩᬶᬜ᭄ᬚᬢ᭄᭟᭜᭟᭑᭙᭟ᬳᬶᬧᬢᬶᬄᬫᬵᬢᬸᬃ
ᬫᬶᬲᬸᬦ᭞ᬲᭂᬩᭂᬢᬾᬳᭀᬮᬶᬄᬓᭂᬫᭂᬤᬶᬦ᭄᭞ᬤᬸᬓ᭄ᬫᬗᭀᬱᬦᭀᬭᬗᭀᬢᭀᬮ᭄᭞ᬤᬦᬾᬧᬢᬶᬄᬓᬭᬂᬩᬦ᭄ᬤᬸᬂ᭞ᬫᬢᭂᬮᬲᬂᬫᬶᬲᬸᬦᬬᬂ᭞ᬰ᭄ᬭᬷᬪᬹᬧᬢᬶ᭞ᬫᬗ᭄ᬤᬾᬦ᭄ᬤᬸᬭᬸᬲ᭄ᬳᬶᬤᬤᬸᬄ
ᬓ᭟᭐᭟᭒᭐᭟ᬭᬢᬸᬳᬕᬸᬂᬗᭀᬤᬕ᭄ᬚᬕᬢ᭄᭞ᬲᬮᬄᬳᬸᬦ᭄ᬤᬸᬓ᭄ᬗᬫ᭄ᬩᬶᬮ᭄ᬭᬩᬶ᭞ᬤᬳᬢ᭄ᬢᬶᬢ᭄ᬬᬂᬭᬢᬳᭂᬗᭀᬦ᭄᭞ᬭᬶᬂᬓᬯᬶᬰᬾᬱᬦ᭄ᬚᬦ᭄ᬫᬮᬸᬄ᭞ᬩᭂᬘᬶᬓᬦᬶᬧᬸᬦ᭄ᬧᬥᭂᬫᬂ᭞ᬫᬗᬼᬢᭂᬳᬶᬦ᭄᭞ᬳᬸ
ᬦᬶᬂᬦᭂᬮᬸᬄᬦᬵᬭᬜ᭄ᬚᬦ᭟᭐᭟᭒᭑᭟ᬭᬸᬦ᭄ᬢᬸᬄᬯᬘᬦᬦᬾᬤᬸᬄᬓ᭞ᬮᬶᬗ᭄ᬕᬶᬄᬳᬶᬤᬰ᭄ᬭᬷᬦᬵᬭᬧᬢᬶ᭞ᬗᬸᬕᬸᬦᬶᬭᬧᬢᬶᬄᬓᬾᬢᭀ᭞ᬫ᭄ᬮᬳᬦ᭄ᬜᬦᬦ᭄ᬚᬮᬦ᭄ᬳᬜᬸᬤ᭄᭞ᬕᬸᬡᬦ᭄ᬜᬦᬾᬳᬧᬂᬘ
Kaca:Bali-lontar-gaguritan-puyung-sugih-250ppi.pdf/145
Kaca puniki sampun kauji-wacén
